ദുബൈ: ആകാശ നിരീക്ഷകരെ സംബന്ധിച്ചിടത്തോളം 2025 ഒരു പ്രധാന വർഷമാണ്. ഇതിൽ ഏറ്റവും പ്രധാനപ്പെട്ട മാസമാണ് സെപ്തംബർ. രണ്ട് ​ഗ്രഹണങ്ങളാണ് ഈ സെപ്തംബറിൽ അരങ്ങേറുന്നത്. സെപ്റ്റംബർ 7-ന് നടന്ന ചന്ദ്രഗ്രഹണം ലോകമെമ്പാടുമുള്ള ആകാശ നിരീക്ഷകർക്ക് രക്തചന്ദ്രനെ കാണാനുള്ള അവസരമൊരുക്കി. 

15 ദിവസങ്ങൾക്കിപ്പുറം, മറ്റൊരു അപൂർവ പ്രതിഭാസത്തിന് കൂടി സാക്ഷ്യം വഹിക്കാനിരിക്കുകയാണ് ശാസ്ത്രലോകം. 2025 സെപ്റ്റംബർ 21-ന് നടക്കുന്ന സൂര്യ​ഗ്രഹണമാണ് ഇനി ആകാശ നിരീക്ഷകർ കാത്തിരിക്കുന്ന പ്രധാന സംഭവം. 

ഇത് ഒരു ഭാഗിക സൂര്യഗ്രഹണമാണ്, ഇതിൽ ചന്ദ്രൻ സൂര്യനെ ഭാഗികമായി മറച്ച്, ആകാശത്ത് അർദ്ധചന്ദ്രാകൃതി സൃഷ്ടിക്കും. ‘വിഷുവ ഗ്രഹണം’ എന്നാണ് ഈ ​ഗ്രഹണം അറിയപ്പെടുന്നത്. 

ALSO READ: ചരിത്രത്തിലാദ്യമായി കുവൈത്ത് കാസേഷൻ കോടതിയിൽ വനിതാ ജഡ്ജിമാരെ നിയമിച്ചു

ഗ്രഹണം എവിടെ കാണാം

നിങ്ങൾ ദക്ഷിണാർദ്ധഗോളത്തിലാണെങ്കിൽ നിങ്ങൾക്ക് ഈ ​ഗ്രഹണം ഒരു മികച്ച അനുഭവമായിരിക്കും. ന്യൂസിലാൻഡ്, കിഴക്കൻ ഓസ്‌ട്രേലിയ, ദക്ഷിണ പസഫിക്കിന്റെ ചില ഭാഗങ്ങൾ തുടങ്ങിയ പ്രദേശങ്ങളിൽ സൂര്യോദയ സമയത്താണ് ഈ ഗ്രഹണം ദൃശ്യമാകുക. ഡ്യൂനെഡിനെ പോലുള്ള പ്രദേശങ്ങളിൽ, സൂര്യന്റെ 72 ശതമാനം വരെ മറയ്ക്കപ്പെടും. അന്റാർട്ടിക്കയിലെ നിരീക്ഷകർക്കും മികച്ച ദൃശ്യം പ്രതീക്ഷിക്കാം.

യുഎഇയിലെ അവസ്ഥ?

നിർഭാഗ്യമെന്തെന്നാൽ, യുഎഇയിലും വടക്കൻ അർധഗോളത്തിലെ മിക്ക പ്രദേശങ്ങളിലും സൂര്യഗ്രഹണം ദൃശ്യമാകില്ല. അടുത്തിടെ നടന്ന ചന്ദ്രഗ്രഹണത്തിന് വിപരീതമായി, ഇന്ത്യ, പാകിസ്ഥാൻ, ശ്രീലങ്ക, നേപ്പാൾ, അഫ്ഗാനിസ്ഥാൻ, വടക്കേ അമേരിക്ക, തെക്കേ അമേരിക്ക എന്നിവിടങ്ങളിൽ ഈ സൂര്യഗ്രഹണത്തിന്റെ ഒരു ഘട്ടവും കാണാൻ സാധിക്കില്ല.

ഗ്രഹണ സമയം

സെപ്റ്റംബർ 21-ന് ഇന്ത്യൻ സമയം രാത്രി 1:13നാണ് ​ഗ്രഹണം (19:43 UTC).  

solar eclipse on september 21st