ദോഹ: ഷാർക്ക് ഇന്റർസെക്ഷനിൽ താൽക്കാലിക ഗതാഗത നിയന്ത്രണം ഏർപ്പെടുത്തുമെന്ന് പൊതുമരാമത്ത് അതോറിറ്റിയായ അഷ്ഗാൽ പ്രഖ്യാപിച്ചു. കോർണിഷ് റോഡിൽ നിന്ന് വരുന്നവരെയും ജി-റിംഗ് റോഡിലേക്ക് പോകുന്നവരെയമാണ് ഈ ​ഗതാ​ഗത നിയന്ത്രണം ബാധിക്കുക. 

ALSO READ: ഖത്തർ അമീറുമായുള്ള കൂടിക്കാഴ്ചക്ക് ശേഷം ബഹ്‌റൈൻ രാജാവുമായി കൂടിക്കാഴ്ച നടത്തി യുഎഇ പ്രസിഡന്റ് ശൈഖ് മുഹമ്മദ്

നാല് ദിവസത്തേക്കാണ് ഈ നിയന്ത്രണം ഏർപ്പെടുത്തിയിരിക്കുന്നത്. സെപ്റ്റംബർ 12, 15 തീയതികളിൽ പുലർച്ചെ 2 മണി മുതൽ രാവിലെ 10 മണി വരെയും, സെപ്റ്റംബർ 13, 14 തീയതികളിൽ പുലർച്ചെ 2 മണി മുതൽ രാവിലെ 8 മണി വരെയും ഈ നിയന്ത്രണം നടപ്പാക്കും.

റോഡിന്റെ പതിവ് അറ്റകുറ്റപ്പണികൾക്കായാണ് ഈ ഗതാഗത നിയന്ത്രണം ഏർപ്പെടുത്തുന്നത്. പ്രദേശത്തെ വേഗപരിധി പാലിക്കാനും, ലഭ്യമായ ലൈനുകൾ ഉപയോഗിക്കാനോ സമീപത്തെ തെരുവുകൾ വഴി റീറൂട്ട് ചെയ്ത് ലക്ഷ്യസ്ഥാനത്ത് എത്താനോ റോഡ് ഉപയോക്താക്കളോട് അഷ്​ഗൽ അഭ്യർത്ഥിച്ചു.

temporary traffic control at shark intersection announced by ashghal