തൃശൂര്‍: വാഹനങ്ങളുടെ വിശദാംശങ്ങള്‍ ലഭ്യമാക്കുന്ന എം പരിവാഹന്‍ ആപിന്റെ മറവില്‍ ഇതര സംസ്ഥാന സംഘം കൂടുതൽ തട്ടിപ്പു നടത്തിയത് കേരളത്തില്‍ നിന്നെന്ന് പൊലിസ്. തട്ടിപ്പു സംഘത്തിലെ പ്രധാനിയെന്ന് കരുതുന്ന 16 കാരനെ  ചോദ്യംചെയ്യാന്‍ വിളിച്ചുവരുത്താനൊരുങ്ങുകയാണ് അന്വേഷണ സംഘം. 

ട്രാഫിക് നിയമലംഘനത്തിനു പിഴയൊടുക്കാനാവശ്യപ്പെട്ട് വാട്‌സ്ആപില്‍ സന്ദേശമയച്ചാണ് സംഘം തട്ടിപ്പ് നടത്തിയത്. ഇ ചലാന്‍ എന്ന വ്യാജേന സന്ദേശങ്ങള്‍ അയച്ച സംഘം കൂടുതൽ വിവരങ്ങൾക്ക് ആപ്ലിക്കേഷൻ ഇന്‍സ്റ്റാള്‍ ചെയ്യാനും അതിൽ പണമടച്ച് കോടതി നടപടികള്‍ ഒഴിവാക്കാനും നിർദേശിക്കും. ആപ്ലിക്കേഷന്‍ ഇന്‍സ്റ്റാള്‍ ചെയ്യുന്നതോടെ വ്യക്തിയുടെ മൊബൈല്‍ ഫോണ്‍ ഹാക്ക് ചെയ്ത്  ബാങ്ക് അക്കൗണ്ടുകളുടെ വിവരങ്ങളും ഗൂഗിള്‍പേ, ഫോണ്‍ പേ ആപുകളുടെ പാസ്‌വേഡും അടക്കം കൈക്കലാക്കിയാണ് തട്ടിപ്പ്. ക്രെഡിറ്റ് കാര്‍ഡിന്റെയും മറ്റും പിന്‍ മനസ്സിലാക്കി സാധനങ്ങള്‍ വാങ്ങിക്കുകയും പണം പിന്‍വലിക്കുകയും ചെയ്ത സംഭവങ്ങളും ഉണ്ടായിട്ടുണ്ട്. 

ALSO READ: മോട്ടോർ വാഹനവകുപ്പ് ഉദ്യോഗസ്ഥർക്ക് താക്കീത്; അപേക്ഷകളിൽ കാലതാമസം വരുത്തിയാൽ നടപടി

വാരാണസിയും അസമും കേന്ദ്രീകരിച്ചുള്ള സംഘം കേരളത്തില്‍ നിന്ന് മാത്രം 45 ലക്ഷം രൂപ തട്ടിയെടുത്തെന്നാണ് കണ്ടെത്തിയിരിക്കുന്നത്. സംസ്ഥാനത്തുനിന്നു 575 പേര്‍ക്കാണ് പണം നഷ്ടമായത്. കൊച്ചിയിലാണ് കൂടുതല്‍ പരാതികള്‍ - 96. തൃശൂരില്‍ നിന്നു 40 ഓളം പരാതികളാണ് ലഭിച്ചത്. 

എം പരിവാഹന്‍ ആപ്ലിക്കേഷന്‍ ഫോണില്‍ ഇന്‍സ്റ്റാള്‍ ചെയ്ത 'ടു ഫാക്ടര്‍ ഓതന്റിക്കേഷന്‍' (ദ്വിമുഖ ആധികാരികത ഉറപ്പാക്കല്‍) പ്രവര്‍ത്തനസജ്ജമാക്കാത്ത ആയിരക്കണക്കിന് വാഹന ഉടമകളുടെ ഫോണ്‍ നമ്പറുകള്‍ തട്ടിപ്പു സംഘത്തിന്റെ കൈവശമുണ്ടെന്നാണ് സൂചന. അതുകൊണ്ട് തന്നെ അന്വേഷണം പുരോഗമിക്കുമ്പോള്‍ പണം നഷ്ടപ്പെട്ടവരുടെ എണ്ണം കൂടുമെന്നാണ് കരുതുന്നത്. നേരത്തെ അറസ്റ്റിലായ അതുല്‍കുമാര്‍ സിങ്, മനീഷ് യാദവ് എന്നിവരില്‍നിന്ന് തട്ടിപ്പ് സംബന്ധിച്ച കൂടുതല്‍ വിവരങ്ങള്‍ പൊലിസ് ശേഖരിച്ചുവരികയാണ്.

A fraudulent interstate gang carried out a major cyber scam in Kerala using the guise of the mParivahan app, which typically provides vehicle information. The fraud investigation has revealed that a gang operating mainly from Varanasi and Assam scammed a total of ₹45 lakhs from Kerala alone. So far, 575 victims across the state have reported financial losses linked to this digital scam using fake e-challan messages.