തിരുവനന്തപുരം: ജൂലൈ മാസത്തെ ക്ഷേമപെൻഷൻ വിതരണം ഇന്നാരംഭിക്കുമെന്ന് ധനമന്ത്രി കെ.എൻ ബാലഗോപാൽ അറിയിച്ചു. ഇതിനായി 831 കോടി രൂപ അനുവദിച്ചെന്നും 62 ലക്ഷം പേർക്ക് 1,600 രൂപ വീതം ലഭിക്കുമെന്നും മന്ത്രി പറഞ്ഞു. 26 ലക്ഷം പേരുടെ ബാങ്ക് അക്കൗണ്ടുകളിലും മറ്റുള്ളവർക്ക് സഹകരണ ബാങ്കുകൾ വഴി വീട്ടിലുമാണ് പെൻഷൻ എത്തുക. 

8.46 ലക്ഷം പേർക്ക് ദേശീയ പെൻഷൻ പദ്ധതിയിലെ കേന്ദ്രവിഹിതം കേന്ദ്രമാണ് നൽകേണ്ടത്. കേന്ദ്രസർക്കാരിന്റെ പി.എഫ്.എം.എസ് സംവിധാനം വഴിയാണ് ഗുണഭോക്താക്കളുടെ ബാങ്ക് അക്കൗണ്ടിലേക്ക് തുക എത്തേണ്ടത്.