കോഴിക്കോട്: 2011ലെ സൗമ്യ ബലാത്സംഗ-കൊലപാതകകേസ് പ്രതി ഗോവിന്ദചാമി ജയിൽചാടിയ സംഭവത്തിൽ ഉന്നതതല അന്വേഷണം ആവശ്യപ്പെട്ട് ബിജെപി രംഗത്ത്. സ്വന്തം ഇഷ്ടപ്രകാരം അയാൾ ജയിൽചാടിയെന്ന് വിശ്വസിക്കാൻ പ്രയാസമാണെന്നും, സാഹചര്യതെളിവുകൾ ഒരു ഗൂഢാലോചനയുടെ സൂചന നൽകുന്നുവെന്നും ബിജെപി സംസ്ഥാന ജനറൽ സെക്രട്ടറി എം.ടി. രമേശ് വ്യക്തമാക്കി.  ഇതിന്റെ പിന്നിലെ സത്യം പുറത്തുകൊണ്ടുവരണമെന്നും അദ്ദേഹം ആവശ്യപ്പെട്ടു. ജയിലിനകത്തും പുറത്തും ഗോവിന്ദചാമിക്ക് സഹായം ലഭിച്ചിട്ടുണ്ടെന്നും, ആ സഹായം നൽകിയവരെ കണ്ടെത്തണമെന്നും അദ്ദേഹം പറഞ്ഞു. ജയിൽ അധികൃതരുടെ വിശദീകരണങ്ങൾ വിശ്വാസയോഗ്യമല്ലെന്നും അദ്ദേഹം കുറ്റപ്പെടുത്തി. സംസ്ഥാന ആഭ്യന്തര വകുപ്പിന്റെ ഗുരുതരമായ വീഴ്ചയ്ക്ക് മുഖ്യമന്ത്രി മറുപടി നൽകണമെന്നും, വിഷയത്തിൽ ജുഡീഷ്യൽ അന്വേഷണം നടത്തണമെന്നും അദ്ദേഹം കൂട്ടിച്ചേർത്തു.

ALSO READ: ഗോവിന്ദചാമിയുടെ ജയിൽചാട്ടം; നാല് ജയിൽ ഉദ്യോഗസ്ഥർക്ക് സസ്പെൻഷൻ, വിശദ അന്വേഷണം പ്രഖ്യാപിച്ച് എഡിജിപി

ഒരു കൊടുംകുറ്റവാളി ആരുടെയും ശ്രദ്ധയിൽപ്പെടാതെ എങ്ങനെ ജയിൽചാടി എന്ന ചോദ്യം ഉയർത്തിയ എം.ടി. രമേശ്, കേരളത്തിലെ ജയിലുകൾ ജയിൽ വകുപ്പിന്റെ നിയന്ത്രണത്തിലല്ല, മറിച്ച് സിപിഎം പിന്തുണയുള്ള വൻ മാഫിയകളുടെ കൈകളിലാണെന്ന് ആരോപിച്ചു. കണ്ണൂർ സെൻട്രൽ ജയിൽ ഇത്തരത്തിൽ നിയന്ത്രിക്കപ്പെടുന്നുവെന്നതിന്റെ തെളിവാണ് ടി.പി. വധക്കേസ് പ്രതികൾ ജയിലിൽ മൊബൈൽ ഫോണുകളും ലഹരിവസ്തുക്കളും ഉപയോഗിക്കുന്നതുപോലുള്ള സംഭവങ്ങളെന്നും അദ്ദേഹം ചൂണ്ടിക്കാട്ടി.

ALSO READ: കേരളത്തിലെ ജയിൽചാട്ട ചരിത്രം; ആദ്യ വനിതാ ജയിൽ ചാട്ടം മുതൽ ഗോവിന്ദചാമി വരെ

The BJP has demanded a high-level investigation into the escape of Govindachamy, the prime accused in the 2011 Soumya rape-murder case, from a Kozhikode prison. BJP state General Secretary M.T. Ramesh stated that it's hard to believe Govindachamy escaped on his own, suggesting that circumstantial evidence points to a possible conspiracy