ദുബൈ: ബഹ്റൈനും സഊദി അറേബ്യയും തമ്മിൽ ഒരു പുതിയ സമു​ദ്ര ​ഗതാ​ഗതപാത ആരംഭിക്കാൻ തയ്യാറെടുക്കുന്നു. സമു​ദ്ര ​ഗതാ​ഗത ബന്ധങ്ങൾ ശക്തിപ്പെടുത്താനും പ്രാദേശിക ഗതാഗത സൗകര്യങ്ങൾ വിപുലീകരിക്കാനും ഈ നീക്കം സഹായിക്കുമെന്ന് അധികൃതർ വ്യക്തമാക്കി. 

ജിദ്ദയിൽ നടന്ന രണ്ടാമത് മാരിടൈം ഇൻഡസ്ട്രീസ് സസ്റ്റൈനബിലിറ്റി കോൺഫറൻസിൽ ബഹ്റൈന്റെ ഗതാഗത, ടെലികമ്യൂണിക്കേഷൻ മന്ത്രി ഡോ. ഷെയ്ഖ് അബ്ദുല്ല ബിൻ അഹമ്മദ് അൽ ഖലീഫ പദ്ധതിയുടെ വിശദാംശങ്ങൾ പ്രഖ്യാപിച്ചു. സഊദി ദിനപത്രമായ അൽ ഇക്തിസാദിയയാണ് ഇക്കാര്യം റിപ്പോർട്ട് ചെയ്തത്.

ഈ പദ്ധതി ബഹ്റൈനിലെ ഖലീഫ ബിൻ സൽമാൻ തുറമുഖത്തെയും ദമ്മാമിലെ കിംഗ് അബ്ദുൽ അസീസ് തുറമുഖത്തെയും തമ്മിൽ ബന്ധിപ്പിക്കും. യാത്രക്കാരുടെയും ചരക്ക് ഗതാഗതത്തിന്റെയും വർധനവിനൊപ്പം, ഇരു രാജ്യങ്ങളും തമ്മിലുള്ള സഹകരണം ശക്തിപ്പെടുത്താനും ഈ പാത ലക്ഷ്യമിടുന്നതായി അധികൃതർ വ്യക്തമാക്കി.

ALSO READ: കണ്ടുകെട്ടിയ വാഹനങ്ങൾ അടുത്ത ആഴ്ച ലേലം ചെയ്യും: ഖത്തർ ആഭ്യന്തര മന്ത്രാലയം

അതേസമയം, കിംഗ് ഹമദ് കോസ്‌വേ പദ്ധതിയെക്കുറിച്ചുള്ള ചർച്ചകൾ തുടരുകയാണെന്ന് ഷെയ്ഖ് അബ്ദുല്ല വ്യക്തമാക്കി. ദീർഘകാലമായി പ്രതീക്ഷിക്കപ്പെടുന്ന ഈ പാലം ബഹ്റൈനും സഊദി അറേബ്യയും തമ്മിലുള്ള ബന്ധം കൂടുതൽ ശക്തിപ്പെടുത്തും.

നിലവിലെ കിംഗ് ഫഹദ് കോസ്‌വേയ്ക്ക് സമാന്തരമായി നിർമിക്കപ്പെടുന്ന ഈ പാലം ഏകദേശം 25 കിലോമീറ്റർ ദൈർഘ്യമുള്ളതാണ്. പാസഞ്ചർ ട്രെയിനുകൾ, ചരക്ക് ട്രെയിനുകൾ, വാഹനങ്ങൾ എന്നിവ ഉൾക്കൊള്ളുന്നതിനാണ് ഇത് രൂപകൽപ്പന ചെയ്തിരിക്കുന്നത്. നിലവിലെ കോസ്‌വേയിലെ തിരക്ക് കുറയ്ക്കാനും, ഈ ഗൾഫ് രാഷ്ട്രങ്ങൾ തമ്മിലുള്ള ബന്ധം ശക്തിപ്പെടുത്താനും ഈ പദ്ധതി ലക്ഷ്യമിടുന്നു.

Bahrain and Saudi Arabia are set to launch a new passenger sea route, enhancing maritime links and expanding regional transport between the two Gulf countries. The route will connect Bahrain's Khalifa bin Salman Port with Saudi Arabia's King Abdulaziz Port in Dammam.