തിരുവനന്തപുരം: ആര്‍എസ്എസിന്റെ ജ്ഞാന സഭയില്‍ വിസിമാര്‍ പങ്കെടുക്കുന്നത് അപമാനകരമെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്‍. വ്യക്തിപരമായി പരിപാടിയില്‍ പങ്കെടുക്കുന്നത് വിസിമാര്‍ക്ക് തീരുമാനിക്കാമെന്നായിരുന്നു ഉന്നത വിദ്യാഭ്യാസ മന്ത്രി ആര്‍ ബിന്ദു നേരത്തെ പറഞ്ഞത്. ഇത് തള്ളിക്കൊണ്ടാണ് വിസിമാര്‍ പങ്കെടുക്കുന്നതിനെതിരെ പ്രതിഷേധിക്കുമെന്ന് സിപിഎം വ്യക്തമാക്കിയത്. 

വിസിമാര്‍ ആര്‍എസ്എസ് പരിപാടിയില്‍ പങ്കെടുക്കരുതെന്നാണ് പാര്‍ട്ടി നിലപാട്. വിസിമാര്‍ പങ്കെടുക്കുന്നതിനെതിരെ ശക്തമായ പ്രതിഷേധം സംഘടിപ്പിക്കും,' എംവി ഗോവിന്ദന്‍ പറഞ്ഞു. 

അതേസമയം ആര്‍എസ്എസ് വിദ്യാഭ്യാസ സമ്മേളനമെന്ന പേരില്‍ നടത്തുന്ന ജ്ഞാനസഭ കൊച്ചിയിലാണ് നടക്കുക. നാല് ദിവസത്തേക്കാണ് പരിപാടി നടക്കുന്നത്. ആര്‍എസ്എസ് സര്‍സംഘ് ചാലക് മോഹന്‍ ഭാഗവത് പരിപാടിയില്‍ പങ്കെടുക്കും. ദേശീയ വിദ്യാഭ്യാസ നയം നടപ്പിലാക്കുകയെന്ന ആവശ്യം ഉന്നയിച്ചാണ് സമ്മേളനം. 

ALSO READ: മാസം 20,000 ശമ്പളത്തില്‍ മില്‍മയില്‍ വീണ്ടും ജോലിയവസരം; അതും പരീക്ഷയില്ലാതെ; കൂടുതലറിയാം  

പരിപാടിയില്‍ കേരള, കാലിക്കറ്റ്, കണ്ണൂര്‍, കുഫോസ്, കേരള സെന്‍ട്രല്‍ യൂണിവേഴ്‌സിറ്റി വിസിമാര്‍ പങ്കെടുക്കുമെന്ന് സംഘാടകര്‍ അറിയിച്ചു. എന്നാല്‍ സര്‍ക്കാര്‍ സംവിധാനങ്ങളുടെ കീഴിലല്ലാത്ത ഇത്തരം സംഘടന നടത്തുന്ന പരിപാടിയില്‍ പങ്കെടുക്കേണ്ടതില്ലെന്ന നിലപാട് ചില വിസിമാര്‍ അറിയിച്ചെന്നും റിപ്പോര്‍ട്ടുണ്ട്. നേരത്തെ വ്യക്തിപരമായി പരിപാടിയില്‍ പങ്കെടുക്കുന്നത് വിസിമാര്‍ക്ക് തീരുമാനിക്കാമെന്നായിരുന്നു ഉന്നത വിദ്യാഭ്യാസ മന്ത്രി പറഞ്ഞത്.

CPM state secretary M.V. Govindan stated that the participation of Vice Chancellors (VCs) in the RSS's Jñāna Sabha is disgraceful. Earlier, Higher Education Minister R. Bindu had said that it was up to the VCs to decide whether to attend the event in a personal capacity. Rejecting that stance, the CPM has now made it clear that they will protest against the VCs' participation in the program.