കോഴിക്കോട്: മീഞ്ചന്തയില്‍ ബസ് സ്‌റ്റോപ്പ് തകര്‍ന്ന് വീണ് വിദ്യാര്‍ഥികള്‍ക്ക് പരുക്ക്. മീഞ്ചന്ത ആര്‍ട്‌സ് ആന്‍ഡ് സയന്‍സ് കോളജിന് സമീപത്തുള്ള ബസ് സ്റ്റോപ്പാണ് തകര്‍ന്ന് വീണത്. രണ്ടാം വര്‍ഷ ബിരുദ വിദ്യാര്‍ഥിക്ക് കാലിന് പരുക്കേറ്റു.

നരിക്കുനി സ്വദേശി അഭിഷ്‌നക്കാണ് പരുക്കേറ്റത്. അഭിഷ്‌നയെ സ്വകാര്യ ആശുപത്രിയില്‍ പ്രവേശിപ്പിച്ചു. അതേസമയം പരുക്ക് ഗുരുതരമല്ല. 

ബസ് ഷെല്‍ട്ടറിന്റെ തൂണുകള്‍ ദ്രവിച്ച അവസ്ഥയിലായിരുന്നു. ഷെല്‍ട്ടറിന് മുകളിലായി പരസ്യ ഫ്‌ളക്‌സുകള്‍ സ്ഥാപിച്ചിരുന്നു. ഇത് മാറ്റാനായി ഒരു തൊഴിലാളി കയറിയ സമയത്ത് ഷെല്‍ട്ടര്‍ ഒന്നാകെ താഴേക്ക് പതിക്കുകയായിരുന്നു.