മസ്കത്ത്: സൗത്ത് അൽ ബാത്തിന ഗവർണറേറ്റിലെ എൻവിൺമെന്റ് അതോറിറ്റിയുടെ ഫീൽഡ് ടീമുകൾ കഴിഞ്ഞ രണ്ട് മാസത്തിനിടെ 12,597 പക്ഷികളെ ഉൻമൂലനം ചെയ്തു. ജൂലൈ ആദ്യം പുനരാരംഭിച്ച ദേശീയ അനധികൃത പക്ഷി നിയന്ത്രണ കാമ്പയിന്റെ രണ്ടാം ഘട്ടത്തിന്റെ ഭാഗമായാണ് ഈ നടപടി. ഇന്ത്യൻ കാക്ക, മൈന തുടങ്ങിയ പക്ഷികളെയാണ് പ്രധാനമായും ഈ നടപടിയുടെ ഭാ​ഗമായി ഇല്ലാതാക്കി‍യത്. 

പ്രാദേശിക പരിസ്ഥിതിയെ സംരക്ഷിക്കുകയും ജൈവവൈവിധ്യം നിലനിർത്തുകയും ചെയ്യുകയാണ് ഈ കാമ്പയിൻ ലക്ഷ്യമിടുന്നതെന്ന് അനധികൃത പക്ഷി നിയന്ത്രണ ഉപസമിതിയുടെ ചെയർമാൻ ഇസ്സ ബിൻ അബ്ദുള്ള അൽ യഹ്മദി വ്യക്തമാക്കി. 

ALSO READ: കേൾവിക്കുറവുള്ള യാത്രക്കാരെ സഹായിക്കാൻ ലക്ഷ്യം; മൂന്ന് ടെർമിനലുകളിലായി 520 ഹിയറിംഗ് ലൂപ്പുകൾ കൂടി സ്ഥാപിച്ച് ദുബൈ അന്താരാഷ്ട്ര വിമാനത്താവളം

മൈന, ഇന്ത്യൻ കാക്ക തുടങ്ങിയ അനധികൃത പക്ഷികൾ, ഭക്ഷണത്തിനും ആവാസവ്യവസ്ഥയ്ക്കും വേണ്ടി തദ്ദേശീയ ഇനങ്ങളുമായി മത്സരിക്കുന്നു. ഇത്, പ്രാദേശിക വന്യജീവികളുടെ കുറവിനോ വംശനാശത്തിനോ കാരണമാകും. 

പരിസ്ഥിതി മാനദണ്ഡങ്ങൾ പാലിക്കുന്നതും മറ്റ് ജീവജാലങ്ങളുടെ സുരക്ഷ ഉറപ്പാക്കുന്നതുമായ അംഗീകൃത രീതികൾ ഉപയോഗിച്ചാണ് ഈ കാമ്പയിൻ നടപ്പാക്കുന്നത്. എൻവിറോൺമെന്റ് അതോറിറ്റി, ബന്ധപ്പെട്ട അധികാരികൾ, പ്രാദേശിക സമൂഹം എന്നിവരെല്ലാം കാമ്പയിനുമായി സഹകരിക്കുന്നുണ്ട്. പ്രകൃതി വിഭവങ്ങൾ സംരക്ഷിക്കുന്നതിനും സുസ്ഥിര വികസനത്തെ പിന്തുണയ്ക്കുന്നതിനും ഈ സംരംഭം ലക്ഷ്യമിടുന്നു.

The Environment Authority in South Al-Batinah Governorate, Bahrain, has taken measures to control unauthorized bird populations. Here are the key points.