ശ്രീനഗർ: ജമ്മു കാശ്മീരിലെ പഹൽ​ഗാമിൽ 26 വിനോദ സഞ്ചാരികൾ കൊല്ലപ്പെട്ട ഭീകരാക്രമണത്തിന്റെ മുഖ്യസൂത്രധാരനെ സൈന്യം വധിച്ചു.   സുലൈമാൻ ഷാ എന്ന ഹാഷിം മൂസയാണ് കൊല്ലപ്പെട്ടത്. ശ്രീനഗറിനടുത്ത് ഡാച്ചിഗാം ദേശീയോദ്യാനത്തിന് സമീപമുള്ള ഹർവാൻ പ്രദേശത്താണ് സുരക്ഷാ സേനയുമായുണ്ടായ വെടിവയ്പ്പിൽ ലഷ്കർ ഇ ത്വയ്ബ (എൽഇടി) കമാൻഡർ സുലൈമാൻ ഷാ ഉൾപ്പെടെ മൂന്ന് ഭീകരരെ സൈന്യം വധിച്ചത്. സുലൈമാൻ ഷാ മുൻപ് പാകിസ്ഥാൻ സൈന്യത്തിൽ സേവനമനുഷ്ഠിച്ചിരുന്നതായും റിപ്പോർട്ടുകൾ സൂചിപ്പിക്കുന്നു. ഇയാളെക്കുറിച്ച് വിവരം നൽകുന്നവർക്ക് 20 ലക്ഷം പാരിതോഷികം നൽകുമെന്ന് നേരത്തെ പ്രഖ്യാപിച്ചിരുന്നു.

‘ഓപ്പറേഷൻ മഹാദേവ്’ എന്ന നാമത്തിൽ ലിഡ്വാസ് മേഖലയിൽ നടന്ന ഭീകരവിരുദ്ധ ഓപ്പറേഷൻ ഇന്ത്യൻ സൈന്യവും ജമ്മു കശ്മീർ പൊലീസും സംയുക്തമായാണ് നടപ്പിലാക്കിയത്. ഇന്ന് രാവിലെ 11 മണിയോടെ വിദേശ ഭീകരരുടെ സാന്നിധ്യം സംബന്ധിച്ച രഹസ്യ വിവരത്തിന്റെ അടിസ്ഥാനത്തിൽ സബർവാൻ സ്ഥലത്തിനും മഹാദേവ് അതിർത്തി പങ്കിടുന്ന വനമേഖലയിലാണ് ഓപ്പറേഷൻ ആരംഭിച്ചത്. കൊല്ലപ്പെട്ട മറ്റൊരു ഭീകരൻ ജിബ്രാൻ എന്നയാളെന്നും തിരിച്ചറിഞ്ഞിട്ടുണ്ട്. 2024 ഒക്ടോബറിൽ ഗഗാംഗീറിലെ സോനാമാർഗ് ടണൽ പദ്ധതിക്ക് നേരെയുണ്ടായ ആക്രമണത്തിൽ ഇയാളും ഉൾപ്പെട്ടിരുന്നതായാണ് റിപ്പോർട്ട് വ്യക്തമാക്കുന്നത്. 

ഇന്ത്യൻ സൈന്യത്തിന്റെ കമാൻഡോകൾ ഓപ്പറേഷനിൽ ഭീകരർ ഉപയോഗിച്ചതിന് സമാനമായ സാങ്കേതിക സിഗ്നലുകൾ കണ്ടെത്തിയിരുന്നു. ഓപ്പറേഷൻ ഇപ്പോഴും തുടരുകയാണെന്നും ഔദ്യോഗിക പ്രസ്താവന പുരോഗതിക്ക് ശേഷം മാത്രമേ പുറപ്പെടുവിക്കൂവെന്നും ജമ്മു കശ്മീർ പൊലിസും ഇന്ത്യൻ സൈന്യത്തിന്റെ ചിനാർ കോർപ്സും അറിയിച്ചു.

In a fierce encounter during Operation Mahadev in Harwan near Srinagar’s Dachigam National Park, Indian Army and Jammu & Kashmir Police neutralized three terrorists, including Sulaiman Shah, the mastermind behind the Pahalgam terror attack that killed 26 people, mostly tourists, in April. The operation, ongoing in the dense forests between Sabrwan and Mahadev ridges, began Monday morning following intelligence about foreign terrorists