ഇന്ത്യക്കെതിരായ അവസാന ടെസ്റ്റ് മത്സരങ്ങൾക്കുള്ള ടീമിനെ പ്രഖ്യാപിച്ച് ഇംഗ്ലണ്ട്. ടീമിൽ പേസ് ഓൾറൗണ്ടർ ജാമി ഓവർട്ടൺ ഇടം പിടിച്ചു. മൂന്ന് വർഷങ്ങൾക്ക് മുമ്പാണ് ജാമി ഓവർട്ടൺ ഇംഗ്ലണ്ടിനായി കളിച്ചത്. ഇംഗ്ലണ്ടിനായി ഒരു ടെസ്റ്റ് മത്സരത്തിൽ മാത്രമാണ് ജാമി കളിച്ചിട്ടുള്ളത്. ഈ ഐപിഎൽ സീസണിൽ താരം ചെന്നൈ സൂപ്പർ കിങ്സിനായി കളിച്ചിട്ടുണ്ട്. മൂന്ന് മത്സരങ്ങളിലാണ് താരം ചെന്നൈക്കായി കളിച്ചത്. 

മാഞ്ചസ്റ്ററിൽ നടന്ന നാലാം ടെസ്റ്റ് മത്സരം സമനിലയിൽ പിരിയുകയായിരുന്നു. അഞ്ചാം ദിനം കളി അവസാനിച്ചപ്പോൾ ഇന്ത്യ നാല് വിക്കറ്റ് നഷ്ടത്തിൽ 425 റൺസ് എന്ന നിലയിലാണ് ഉണ്ടായിരുന്നത്. രണ്ടാം ഇന്നിങ്സിൽ ഇന്ത്യക്കായി ക്യാപ്റ്റൻ ശുഭ്മൻ ഗിൽ, രവീന്ദ്ര ജഡേജ, വാഷിംഗ്ടൺ സുന്ദർ എന്നിവർ സെഞ്ച്വറി നേടി മികച്ച പോരാട്ടമാണ് നടത്തിയത്.

ജഡേജ 185 പന്തിൽ 107 റൺസാണ് നേടിയത്. 13 ഫോറുകളും ഒരു സിക്സുമാണ് ജഡവും നേടിയത്. 238 പന്തിൽ 102 റൺസ് നേടിയാണ് ഗിൽ തിളങ്ങിയത്. 12 ഫോറുകളാണ് ഗില്ലിന്റെ ബാറ്റിൽ നിന്നും പിറന്നത്. വാഷിംഗ്ടൺ സുന്ദർ 206 പന്തിൽ പുറത്താവാതെ 101 റൺസും നേടി. ഒമ്പത് ഫോറുകളും ഒരു സിക്സുമാണ് താരം നേടിയത്. കെഎൽ രാഹുൽ 90 റൺസും സ്വന്തമാക്കി. എട്ട് ഫോറുകളാണ് രാഹുൽ നേടിയത്. 

നിലവിൽ പരമ്പരയിൽ(2-1) മുന്നിലുള്ളത്. പരമ്പരയിലെ അവസാന മത്സരം ജൂലൈ 31 മുതൽ ഓഗസ്റ്റ് നാല് വരെ ഓവറിലാണ് നടക്കുന്നത്. പരമ്പര സമനിലയാക്കാൻ ഇന്ത്യക്ക് വിജയം അനിവാര്യമാണ്. അവസാന മത്സരം സമനിലയിൽ അവസാനിച്ചാലും ബെൻ സ്റ്റോക്സിനും സംഘത്തിനും പരമ്പര വിജയം ഉറപ്പാക്കാം.    

ഇന്ത്യക്കെതിരായ അഞ്ചാം ടെസ്റ്റ് മത്സരത്തിനുള്ള ഇംഗ്ലണ്ട് സ്‌ക്വാഡ്

ബെൻ സ്റ്റോക്സ് (ക്യാപ്റ്റൻ), ജോഫ്ര ആർച്ചർ, ഗസ് ആറ്റ്കിൻസൺ, ജേക്കബ് ബെഥേൽ, ഹാരി ബ്രൂക്ക്, ബ്രൈഡൺ കാർസെ, സാക്ക് ക്രാളി, ലിയാം ഡോസൺ, ബെൻ ഡക്കറ്റ്, ജാമി ഓവർട്ടൺ , ഒല്ലി പോപ്പ്, ജോ റൂട്ട്, ജാമി സ്മിത്ത്, ജോഷ് ടോങ്, ക്രിസ് വോക്സ്.

England have announced their squad for the final Test against India Pace all-rounder Jamie Overton has been included in the team Jamie Overton played for England three years ago