2019 ഐപിഎല്ലിന് ശേഷം വിരാട് കൊഹ്‌ലിയെ ക്യാപ്റ്റൻ സ്ഥാനത്ത് നിന്നും നീക്കം ചെയ്യാൻ റോയൽ ചലഞ്ചേഴ്‌സ് ബെംഗളൂരു ആഗ്രഹിച്ചിരുന്നുവെന്ന് തുറന്നു പറഞ്ഞിരിക്കുകയാണ് ഇംഗ്ലണ്ട് സ്റ്റാർ ഓൾ റൗണ്ടർ മോയിൻ അലി. കോഹ്‌ലിക്ക് പകരം പാർഥിവ് പട്ടേലിനെ ക്യാപ്റ്റനാകാൻ ഫ്രാഞ്ചൈസി ലക്ഷ്യം വെച്ചിരുന്നുവെന്നും മോയിൻ അലി വ്യക്തമാക്കി. ഇന്ത്യ ടുഡേയ്ക്ക് നൽകിയ അഭിമുഖത്തിലാണ് മോയിൻ അലി ഇക്കാര്യം പറഞ്ഞത്. 

"അവസാന വർഷത്തിൽ, ഗാരി കിർസ്റ്റൺ അവിടെ ഉണ്ടായിരുന്നപ്പോൾ ആദ്യ സീസണിന് ശേഷം പാർത്ഥിവ് ക്യാപ്റ്റനാകാൻ സാധ്യതയുണ്ടെന്ന് ഞാൻ വിശ്വസിച്ചിരുന്നു. അദ്ദേഹത്തിന് ക്രിക്കറ്റിനെക്കുറിച്ച് മികച്ച അറിവുണ്ടായിരുന്നു. അന്ന് എന്താണ് സംഭവിച്ചതെന്നോ അത് എന്തുകൊണ്ട് യാഥാർത്ഥ്യമായില്ല എന്നോ എനിക്കറിയില്ല. എന്നാൽ അദ്ദേഹത്തെ ക്യാപ്റ്റൻ റോളിലേക്ക് ഗൗരവമായി പരിഗണിച്ചിരുന്നുവെന്ന് എനിക്ക് ഉറപ്പുണ്ട്'' മോയിൻ അലി പറഞ്ഞു.

2019 സീസണിൽ നിരാശാജനകമായ പ്രകടനമാണ് ആർസിബി നടത്തിയിരുന്നത്. 14 മത്സരങ്ങളിൽ നിന്ന് അഞ്ച് മത്സരങ്ങൾ മാത്രം വിജയിച്ച ആർസിബി 11 പോയിന്റുമായി അവസാന സ്ഥാനത്താണ് ഫിനിഷ് ചെയ്തിരുന്നത്. 2013 മുതൽ 2021 വരെയാണ്  ബാംഗ്ലൂരിന്റെ ക്യാപ്റ്റനായി വിരാട് പ്രവർത്തിച്ചിട്ടുള്ളണ്ട്. 2016ൽ കലാശ പോരാട്ടത്തിലേക്ക് ബാംഗ്ലൂരിനെ കൊണ്ടുപോകാനും കോഹ്‌ലിക്ക്‌ സാധിച്ചിരുന്നു. എന്നാൽ ഫൈനലിൽ സൺറൈസേഴ്സ് ഹൈദെരാബാദിനോട് പരാജയപ്പെട്ടുകൊണ്ട് കോഹ്‌ലിക്കും സംഘത്തിനും കിരീടം നഷ്ടമാവുകയായിരുന്നു. 2022 മുതൽ 2024 വരെ ഫാഫ് ഡുപ്ലെസിസ് ആയിരുന്നു ബാംഗ്ലൂരിനെ നയിച്ചിരുന്നത്.

അതേസമയം നീണ്ട 18 വർഷത്തെ കാത്തിരിപ്പ് അവസാനിപ്പിച്ചുകൊണ്ട് റോയൽ ചലഞ്ചേഴ്സ് ബെംഗളൂരുവാണ് 2025 ഐപിഎൽ കിരീടം നേടിയത്. ഫൈനൽ പോരാട്ടത്തിൽ പഞ്ചാബ് കിങ്സിനെ ആറ് റൺസിന് വീഴ്ത്തിയാണ് ആർസിബി ചരിത്രത്തിലെ ആദ്യ കിരീടം സ്വന്തമാക്കിയത്.

ഗുജറാത്തിലെ അഹമ്മദാബാദ് നരേന്ദ്രമോദി സ്റ്റേഡിയത്തിൽ നടന്ന മത്സരത്തിൽ നഷ്ടപ്പെട്ട് ആദ്യം ബാറ്റ് ചെയ്ത ബംഗളൂരു 20 ഓവറിൽ 9 വിക്കറ്റ് നഷ്ടത്തിൽ 190 റൺസ് ആണ് നേടിയത്. വിജയലക്ഷ്യം പിന്തുടർന്നിറങ്ങിയ പഞ്ചാബിനെ 20 ഓവറിൽ 7 വിക്കറ്റ് നഷ്ടത്തിൽ 184 റൺസിൽ എത്താനെ സാധിച്ചുള്ളൂ. രജത് പടിതാറിന്റെ കീഴിലാണ് ആർസിബി ആദ്യ കിരീടം നേടിയത്.

England star all-rounder Moeen Ali has revealed that Royal Challengers Bangalore wanted to remove Virat Kohli from the captaincy after the 2019 IPL.