വെസ്റ്റ്ബാങ്ക്: ഓസ്‌കാര്‍ നേടിയ 'നോ അദര്‍ലാന്‍ഡ്' ഡോക്യുമെന്ററി അണിയറ പ്രവര്‍ത്തകനായ ആക്ടിവിസ്റ്റിനെ ഇസ്‌റാഈലി കുടിയേറ്റക്കാരന്‍ വെടിവെച്ചു കൊന്നു. ഔദ ഹദ്‌ലീന്‍ അധിനിവേശ വെസ്റ്റ് ബാങ്കില്‍ വെച്ചാണ് കൊല്ലപ്പെട്ടത്. യാതൊരു പ്രകോപനവുമില്ലാതെ ഔദക്ക് നേരെ ഇയാള്‍ വെടിയുതിര്‍ക്കുകയായിരുന്നുവെന്ന് ഡോക്യുമെന്ററിയുടെ അണിയറപ്രവര്‍ത്തകരില്‍ ഒരാളായ ഇസ്‌റാഈലി മാധ്യമപ്രവര്‍ത്തകന്‍ യുവാല്‍ അബ്രഹാം എക്‌സില്‍ കുറിച്ചു. വെടിവെക്കുന്നതിന്റെ വീഡിയോയും യുവാല്‍ പങ്കുവെച്ചിട്ടുണ്ട്. ഇവരോടൊപ്പം പ്രവര്‍ത്തിച്ച ബാസില്‍ അദ്രയും ഇക്കാര്യം പങ്കുവെച്ചിട്ടുണ്ട്. 

നിരവധി ഫലസ്തീനികള്‍ സംഭവത്തിന് ദൃക്‌സാക്ഷികളാണ്. കടുത്ത ഫലസ്തീന്‍ വിരോധിയാണ് അക്രമം നടത്തിയ യിനോന്‍ ലെവി എന്നയാള്‍. ഫലസ്തീനികള്‍ക്കും അവരുടെ സ്വത്തുക്കള്‍ക്കും നേരെ നടത്തുന്ന അതിക്രമങ്ങളുടെ പേരില്‍ യു.എസും യൂറോപ്യന്‍ യൂനിയനും ഇയാള്‍ക്ക് വിലക്ക് ഏര്‍പെടുത്തിയിട്ടുണ്ടെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. ബൈഡന്‍ ഭരണകൂടം ഏര്‍പെടുത്തിയ വിലക്ക് ട്രംപ് അധികാരത്തിലേറിയ ശേഷം എടുത്തു കളഞ്ഞിരുന്നുവെന്നും റിപ്പോര്‍ട്ടുകള്‍ സൂചിപ്പിക്കുന്നു.  

An Israeli settler just shot Odeh Hadalin in the lungs, a remarkable activist who helped us film No Other Land in Masafer Yatta. Residents identified Yinon Levi, sanctioned by the EU and US, as the shooter. This is him in the video firing like crazy. pic.twitter.com/xH1Uo6L1wN

— Yuval Abraham יובל אברהם (@yuval_abraham) July 28, 2025

ഇയാള്‍ തോക്ക് പുറത്തെടുക്കുന്നതും വെടിയുതിര്‍ക്കുന്നതും ദൃശ്യങ്ങളിലുണ്ട്. എന്നെ വെടിവെക്കൂ എന്ന് വീഡിയോ ചിത്രീകരിക്കുന്നയാള്‍ ആവര്‍ത്തിച്ച് പറയുന്നതും ഇതില്‍ വ്യക്തമാണ്. ഇയാളുടെ പിന്നില്‍ ഒരു ബുള്‍ഡോസറും ദൃശ്യങ്ങളിലുണ്ട്. ഫലസ്തീനികളുടെ വീടുകള്‍ തകര്‍ക്കാനുള്ള നീക്കമായിരുന്നു ഇതെന്നാണ് വ്യക്തമാവുന്നത്. കുടിയേറ്റം തടയാനുള്ള ശ്രമത്തിനിടെയാണ് ഔദ കൊല്ലപ്പെട്ടതെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. 

ഒരു നല്ല ഫുട്ബാള്‍ താരമായിരുന്നു ഔദ. മസാഫര്‍ യാട്ടയിലെ പ്രാദേശിക ക്ലബ്ബിനായി കളിക്കാറുണ്ടായിരുന്നു. ഇംഗ്ലീഷ് അധ്യാപകനായ ഔദ പത്ത് വയസ്സിന് താഴെ പ്രായമുള്ള മൂന്ന് കുട്ടികളുണ്ട്. 

Hdlian, a Palestinian activist associated with the Oscar-winning documentary No Other Land, was shot dead by an Israeli settler in the occupied West Bank. Israeli journalist Yuval Abraham, a co-creator of the film, said the shooting occurred without provocation and shared video evidence on social media.