തിരുവനന്തപുരം: സംസ്ഥാന ജയിൽ വകുപ്പിൽ ജോയിൻ്റ് സൂപ്രണ്ട് തസ്തികയിൽ അഴിച്ചുപണി നടത്തി സർക്കാർ. കണ്ണൂർ സെൻട്രൽ ജയിലിൽ ഉൾപ്പെടെ മാറ്റമുണ്ട്. കണ്ണൂർ സ്പെഷൽ സബ് ജയിൽ സൂപ്രണ്ട് ഇ.വി ജിജേഷിന് ജോയിൻ്റ് സൂപ്രണ്ടായി സ്ഥാനക്കയറ്റം നൽകി തവനൂർ സെൻട്രൽ ജയിലിൽ നിയമിച്ചു. 

പാലക്കാട് ജില്ലാ ജയിൽ ഡെപ്യൂട്ടി സൂപ്രണ്ട് സി.എസ് അനീഷിന് ജോയിൻ്റ് സൂപ്രണ്ടായി സ്ഥാനക്കയറ്റം നൽകി കോട്ടയം ജില്ലാ ജയിൽ സൂപ്രണ്ടായി നിയമിച്ചു. തവനൂർ സെൻട്രൽ ജയിൽ ജോയിൻ്റ് സൂപ്രണ്ട് അൻജുൻ അരവിന്ദിനെ വിയ്യൂർ സെൻട്രൽ ജയിലിലേക്ക് മാറ്റി നിയമിച്ചു. വിയ്യൂർ സെൻട്രൽ ജയിൽ ജോയിൻ്റ് സൂപ്രണ്ട് കെ.പി അഖിൽരാജിനെ  കോഴിക്കോട് ജില്ലാ ജയിൽ സൂപ്രണ്ടായി നിയമിച്ചു. 

കോട്ടയം ജില്ലാ ജയിൽ സൂപ്രണ്ട് വി.ആർ ശരത്തിനെ കൊല്ലം ജില്ലാ ജയിൽ സൂപ്രണ്ടായി സ്ഥലം മാറ്റി. കൊല്ലം ജില്ലാ ജയിൽ സൂപ്രണ്ട് വി.എസ് ഉണ്ണിക്കൃഷ്ണനെ  നെട്ടുകാൽത്തേരി തുറന്ന ജയിലിലേക്ക് മാറ്റി നിയമിച്ചു. തിരുവനന്തപുരം സെൻട്രൽ ജയിൽ ജോയിൻ്റ് സൂപ്രണ്ട് എ. അൽഷാനെ തിരുവനന്തപുരം ജില്ലാ ജയിൽ സൂപ്രണ്ടായി നിയമിച്ചു. 

കണ്ണൂർ സെൻട്രൽ ജയിൽ ജോയിൻ്റ് സൂപ്രണ്ട് എൻ. ഗിരീഷ്കുമാറിനെ കാസർകോട് ജില്ലാ ജയിൽ (ഹോസ്ദുർഗ്) സൂപ്രണ്ടായി നിയമിച്ചു.കാസർകോട്  ജില്ലാ ജയിൽ (ഹോസ്ദുർഗ്) സൂപ്രണ്ട് വി.വി സൂരജിനെ കണ്ണൂർ ജില്ലാ ജയിൽ സൂപ്രണ്ടായി മാറ്റി നിയമിച്ചു. കണ്ണൂർ ജില്ലാ ജയിൽ സൂപ്രണ്ട് കെ.കെ റിനിലിനെ കണ്ണൂർ സെൻട്രൽ ജയിലിലേക്ക് മാറ്റി നിയമിച്ചു.