വൈകുന്നേരം കുട്ടികള്‍ക്കും മുതിര്‍ന്നവര്‍ക്കും കഴിക്കാന്‍ രുചിയുള്ളതും ഉണ്ടാക്കാന്‍ എളുപ്പവും ഹെല്‍തിയുമായ ഒരു പലഹാരമാണിത്. എല്ലാവരും ഒന്നു ട്രൈ ചെയ്തു നോക്കൂ. സൂപ്പറായിരിക്കും.

റവ- രണ്ട്  കപ്പ്
നേന്ത്രപ്പഴം -1
ഏലയ്ക്കാ പൊടി- കാല്‍ ടീസ്പൂണ്‍
പഞ്ചസാര -2 സ്പൂണ്‍

നെയ്യ് - ഒരു സ്പൂണ്‍
ബട്ടര്‍ - രണ്ട് വലിയ സ്പൂണ്‍
തേങ്ങ ചിരകിയത് - ഒരു കപ്പ്
ശര്‍ക്കര - 3

ഉണ്ടാക്കുന്ന വിധം

ഒരു പാനില്‍ രണ്ട് കപ്പ് വെള്ളമൊഴിച്ചു കൊടുക്കുക. അതിലേക്ക് കാല്‍ ടീസ്പൂണ്‍ ഉപ്പും ഏലയ്ക്കാപൊടിയും ചേര്‍ക്കുക. മൂന്നു സ്പൂണ്‍ പഞ്ചസാരയും 2 സ്പൂണ്‍ നെയ്യും കൂടെ ചേര്‍ത്ത് ഇതിലേക്ക് റവ കുറേശ്ശേയായി ഈ വെള്ളത്തിലേക്ക് ഇട്ടു കൊടുക്കുക. ഇത് കുറുക്കിയെടുക്കുക. വെള്ളമൊക്കെ വറ്റി കുഴച്ചെടുക്കാന്‍ പറ്റുന്ന രീതിയില്‍ ആവണം. ഇത് കുറച്ചു സമയം മാറ്റിവച്ച് നന്നായി കഴിച്ചെടുക്കുക. 

ഇനി ഒരു പാന്‍ ചൂടാക്കി അതിലേക്ക് ബട്ടറോ നെയ്യോ കുറച്ച് ചേര്‍ത്ത് അതിലേക്ക് ഒരു നേന്ത്രപ്പഴം കട്ട്‌ചെയ്തതും കുറച്ചു തേങ്ങയും കൂടെ ചേര്‍ത്ത്  അണ്ടിമുന്തിരിയുണ്ടെങ്കില്‍ അവയും ചേര്‍ക്കുക. ഇതിലേക്ക് ശര്‍ക്കര പാനിയും ഏലയ്ക്കാ പൊടിയും ചേര്‍ത്ത് മിക്‌സ് ചെയ്‌തെടുക്കുക. ഫില്ലിങ് റെഡിയായി. കുഴച്ചെടുത്ത റവ കൈയില്‍ വച്ച് പരത്തി അതിലേക്ക് ഫില്ലിങ്ങ് വച്ച് മടക്കുക. ഒരേ വലുപ്പത്തിലെടുക്കുക കാണാന്‍ ഭംഗിയുണ്ടാവും. കൈയില്‍ നെയ് പുരട്ടി പരത്തുക. ഇത് അപ്പച്ചെമ്പില്‍ വച്ച് ആവിയില്‍ പുഴുങ്ങിയെടുക്കാം. ശേഷം തേങ്ങയില്‍ ഒന്നു ഉരുട്ടിയെടുക്കുക. കാണാനും കഴിക്കാനും സൂപ്പര്‍.