തിരുവനന്തപുരം: ഒഡീഷയിൽ കന്യാസ്ത്രീകൾക്കും മലയാളി വൈദികർക്കും മർദനമേറ്റ സംഭവത്തിൽ പ്രതികരണവുമായി വിദ്യാഭ്യാസ വകുപ്പ് മന്ത്രി വി ശിവൻകുട്ടി. തന്റെ ഫെയ്സ്ബുക്ക് പോസ്റ്റിലൂടെയാണ് മന്ത്രി പ്രതികരണം രേഖപ്പെടുത്തിയത്. കേക്ക് രാഷ്ട്രീയത്തിന്റെ തടവുകാരോട്. ഒഡീഷയിലും കന്യാസ്ത്രീകൾക്കും മലയാളി വൈദികർക്കും മർദനമേറ്റു. അക്രമത്തെ അതിശക്തമായി അപലപിക്കുന്നു. ഇനിയെങ്കിലും ആട്ടിൻതോലിട്ട ചെന്നായ്ക്കളെ തിരിച്ചറിയണമെന്നാണ് അദ്ദേഹം ഫെയ്സ്ബുക്കിൽ കുറിച്ചത്.

ഇന്നലെയാണ് ഒഡീഷയിൽ ജലേശ്വറിൽ മതപരിവർത്തനം ആരോപിച്ച് മലയാളി വൈദികർക്കും കന്യാസ്ത്രീകൾക്കും നേരെ ബജ്‌റംഗ് ദൾ ക്രൂരമായ ആക്രമണം നടത്തിയത്. ജലേശ്വറിലെ പാരിഷ് പ്രീസ്റ്റ് ഫാ. ലിജോ നിരപ്പേൽ, ബാലസോറിലെ ജോഡാ പാരിഷിലെ ഫാ. വി. ജോജോ എന്നിവർക്കാണ് മർദനമേറ്റത്. കന്യാസ്ത്രീകൾക്ക് നേരെയും അതിക്രമം ഉണ്ടായി.

ALSO READ: ഹോട്ടലിലെ ഗ്യാസ് സിലിണ്ടർ പൊട്ടിത്തെറിച്ച് കടയുമ മരിച്ചു; സംഭവത്തിന് അൽപം മുൻപ് പുറത്തു പോയ ഭാര്യ രക്ഷപ്പെട്ടു

ഛത്തീസ്‌ഗഢിൽ മലയാളി കന്യാസ്ത്രീകളെ മതപരിവർത്തന ആരോപണത്തിൽ ജയിലിലടച്ച സംഭവത്തിന്റെ പിന്നാലെയാണ് ഒഡീഷയിൽ നിന്നും സമാനമായ വാർത്ത പുറത്ത് വന്നത്. ഇന്നലെ വൈകിട്ട് ഒരു മതവിശ്വാസിയുടെ ചരമവാർഷിക ചടങ്ങിൽ പങ്കെടുക്കാൻ എത്തിയ വൈദികരുടെയും കന്യാസ്ത്രീകളുടെയും സംഘത്തിന് നേരെയാണ് ആക്രമണം നടന്നത്. ചടങ്ങിന് ശേഷം ഭക്ഷണം കഴിച്ച് രാത്രി 9 മണിയോടെ മടങ്ങാനിരുന്ന സംഘത്തെ, ആളൊഴിഞ്ഞ പ്രദേശത്ത് 70-ലധികം ബജ്‌റംഗ് ദൾ സംഘം തടഞ്ഞ് ആക്രമണം അഴിച്ചു വിടുകയായിരുന്നു.

വാഹനങ്ങൾ തടഞ്ഞ് നിർത്തുകയും ശേഷം ബജ്‌റംഗ് ദൾ സംഘം വൈദികരെയും കന്യാസ്ത്രീകളെയും അസഭ്യം വിളിക്കുകയും മർദിക്കുകയും ചെയ്തു. ഇരുചക്രവാഹനത്തിൽ എത്തിയ ഒരു വൈദികനെ പ്രവർത്തകർ ക്രൂരമായി മർദിച്ചതായും പരാതിയിൽ പറയുന്നു. മതപരിവർത്തനം ആരോപിച്ചാണ് ആക്രമണം നടത്തിയത്. “ഇവിടെ ബിജെഡി അല്ല, ബിജെപിയാണ് ഭരിക്കുന്നത്. ആരേയും അമേരിക്കക്കാരാക്കാൻ നിനക്ക് കഴിയില്ല,” എന്ന് പറഞ്ഞാണ് മർദനം നടത്തിയതെന്ന് വൈദികർ വെളിപ്പെടുത്തി.

വൈദികർ മതപരിവർത്തനത്തിനല്ല വന്നതെന്ന് ഗ്രാമവാസികൾ ആവർത്തിച്ച്  വിശദീകരിച്ചെങ്കിലും ബജ്‌റംഗ് ദൾ സംഘം അത് ഗൗനിച്ചില്ല. ഏകദേശം 45 മിനിറ്റിന് ശേഷം പൊലിസ് സംഭവ സ്ഥലത്തെത്തിയപ്പോഴാണ് ബജ്‌റംഗ് ദൾ സംഘം പിരിഞ്ഞുപോയത്. സംഭവത്തിൽ പരാതി രജിസ്റ്റർ ചെയ്തതായി പൊലിസ് അറിയിച്ചു.

Kerala Minister V Sivankutty strongly condemned the recent attack on nuns and Malayali priests in Odisha. Taking to Facebook, he expressed his outrage, describing the assailants as "wolves in sheep's clothing" and urged people to recognize them. The minister's statement emphasizes the need for justice and protection for the victims [1].