കോള: കേരളത്തിലെ ദേശീയപാതയുടെ (എന്‍.എച്ച്-66) നിര്‍മാണത്തില്‍ ഗുരുതര വീഴ്ചകള്‍ സംഭവിച്ചതായി വിദഗ്ധ സമിതി റിപ്പോര്‍ട്ട്. ദേശീയ പാതയിലെ ഭൂരിഭാഗം പാക്കേജുകളും നിര്‍മിച്ചിരിക്കുന്നത് കേന്ദ്ര മന്ത്രാലയത്തിന്റെ നിര്‍ദേശങ്ങള്‍ ലംഘിച്ചാണെന്നാണ് റിപ്പോര്‍ട്ടിലെ കണ്ടെത്തല്‍. നാഷണല്‍ ഹൈവേ അതോറിറ്റി നിയോഗിച്ച സമിതിയുടേതാണ് പരിശോധന റിപ്പോര്‍ട്ട്. 

ഒരു ഏജന്‍സിയുടേയും പേരെടുത്ത് പറയാതെ, നിര്‍മാണത്തിലെ ഗുരുതര വീഴ്ചകള്‍ തുറന്നു കാട്ടുകയാണ് റിപ്പോര്‍ട്ടില്‍. എന്‍.എച്ച് 66ലെ ചരിവുകള്‍ ശക്തിപ്പെടുത്തുന്നതിനും സ്ഥിരപ്പെടുത്തുന്നതിനും സാങ്കേതികത ഉപയോഗിച്ചുള്ള നിര്‍മാണ ക്രമമൊന്നും പാലിച്ചിട്ടില്ലെന്ന് റിപ്പോര്‍ട്ട് ചൂണ്ടിക്കാട്ടുന്നു. ചരിവ് സംരക്ഷണത്തിന് സമഗ്രമായ ജിയോ ടെക്‌നിക്കല്‍ അന്വേഷണങ്ങളോ സൈറ്റ്-നിര്‍ദിഷ്ട ജിയോളജിക്കല്‍ മാപ്പിങ്ങോ ഫൗണ്ടേഷന്‍ എഞ്ചിനീയറിങ് പഠനങ്ങളോ നടന്നിട്ടില്ല.

ഭൂമിശാസ്ത്രപരമായി സെന്‍സിറ്റീവായ പ്രദേശങ്ങളില്‍ ജിയോ ടെക്‌നിക്കല്‍ ഇന്‍പുട്ട് ഇല്ലാതെ പൊതുവായ പരിഹാരങ്ങള്‍ ഫലപ്രദമാകില്ലെന്നും റിപ്പോര്‍ട്ട് ചൂണ്ടിക്കാട്ടുന്നു. ഒരു ഏജന്‍സിയെയും ഉത്തരവാദിത്തത്തില്‍ ഉള്‍പ്പെടുത്തിയിട്ടില്ലെങ്കിലുംറോഡ് നിര്‍മാണത്തിലെ ഗുരുതരമായ വീഴ്ചകളാണ് റിപ്പോര്‍ട്ട് തുറന്നുകാട്ടുന്നത്.

ALSO READ: 'ബി.ജെ.ഡിയല്ല, ഭരിക്കുന്നത് ബി.ജെ.പി; ഇവിടെ ആരേയും ക്രിസ്ത്യാനികളാകാന്‍ അനുവദിക്കില്ല' ബജ്‌റംഗ്ദള്‍ സംഘം ആക്രമിച്ചത് ഇതും പറഞ്ഞെന്ന് മലയാളി വൈദികന്‍

മലപ്പുറം കൂരിയാട് ദേശീയപാത തകര്‍ന്നതിന് പിന്നാലെയാണ് കേരളത്തിലെ എന്‍.എച്ച് 66ലെ വ്യാപക തകര്‍ച്ച പുറത്തുവന്നതും വിവാദമായതും.  
പിന്നാലെ മലപ്പുറത്തും കണ്ണൂരും കാസര്‍കോടുമെല്ലാം നിരവധി ഇടങ്ങളില്‍ നിര്‍മാണം പൂര്‍ത്തിയ റോഡ് തകര്‍ന്ന് വീണിരുന്നു.
കണ്ണൂരിലെ ചില ഭാഗങ്ങളില്‍ റോഡിന്റെ പാര്‍ശ്വഭിത്തികള്‍ തകര്‍ന്നു, കാസര്‍കോട് ഒരു സര്‍വിസ് റോഡ് മുങ്ങി. സംസ്ഥാനത്തിന്റെ മറ്റ് ചില ഭാഗങ്ങളിലും റോഡില്‍ വിള്ളലുകള്‍ ഉണ്ടായി, ഇത് വ്യാപകമായ പൊതുജന പ്രതിഷേധത്തിന് കാരണമായി.

ALSO READ: ഗസ്സ നഗരം പൂര്‍ണമായി പിടിച്ചെടുക്കാനുള്ള നെതന്യാഹുവിന്റെ പദ്ധതിക്ക് ഇസ്‌റാഈല്‍ സുരക്ഷാ കാബിനറ്റിന്റെ അംഗീകാരം/ Israel to occupy Gaza City

ന്യൂഡല്‍ഹിയിലെ സെന്‍ട്രല്‍ റോഡ് റിസര്‍ച്ച് ഇന്‍സ്റ്റിറ്റ്യൂട്ടിന്റെ മുന്‍ ചീഫ് സയന്റിസ്റ്റ് കിഷോര്‍ കുമാര്‍, ജിയോളജിക്കല്‍ സര്‍വേ ഓഫ് ഇന്ത്യയുടെ ഡയറക്ടര്‍ കെ. അരവിന്ദ്, സംസ്ഥാന യൂണിറ്റ് (തമിഴ്‌നാട്, പുതുച്ചേരി) ടി.കെ. സുധീഷ്, പാലക്കാട് ഐഐടിയിലെ സിവില്‍ എഞ്ചിനീയറിംഗ് വിഭാഗം അസോസിയേറ്റ് പ്രൊഫസറും മേധാവിയുമായ ടി.കെ. സുധീഷ്, ന്യൂഡല്‍ഹിയിലെ സെന്‍ട്രല്‍ റോഡ് റിസര്‍ച്ച് ഇന്‍സ്റ്റിറ്റ്യൂട്ടിലെ ജിയോ ടെക്‌നിക്കല്‍ എഞ്ചിനീയറിംഗ് വിഭാഗം ചീഫ് സയന്റിസ്റ്റ് പി.എസ്. പ്രസാദ് എന്നിവര്‍ അംഗങ്ങളായ കമ്മിറ്റി ഈ ആഴ്ച ആദ്യം റിപ്പോര്‍ട്ട് സമര്‍പ്പിച്ചിട്ടുണ്ട്. 

ഏകദേശം 600 കിലോമീറ്റര്‍ നീളമുള്ള ദേശീയപാത 66 കാസര്‍ഗോഡ്, കണ്ണൂര്‍, കോഴിക്കോട്, മലപ്പുറം, തൃശൂര്‍ കൊച്ചി, ആലപ്പുഴ, കൊല്ലം, തിരുവനന്തപുരം എന്നി ജില്ലകളിലൂടെയാണ് കടന്നുപോകുന്നത്.

An expert committee report has revealed serious lapses in the construction of NH-66 in Kerala, with most project packages allegedly violating guidelines issued by the central ministry.