പാലക്കാട്: പാലക്കാട് ജില്ലാ ആശുപത്രിയിൽ യുവതിയെ മരിച്ചനിലയിൽ എത്തിച്ച സംഭവത്തിൽ ലൈംഗികാതിക്രമമാണ് മരണകാരണമെന്ന് പൊലിസ്. അതിക്രമത്തിനിടെ ശ്വാസംമുട്ടലും ആന്തരിക അവയവങ്ങൾക്ക് ഗുരുതര പരുക്കേൽക്കലുമാണ് മരണത്തിന് ഇടയാക്കിയതെന്ന് പോസ്റ്റ്മോർട്ടം റിപ്പോർട്ടിൽ വ്യക്തമായി.

മീനാക്ഷിപുരം സ്വദേശിയായ യുവാവ് ഇന്നലെ രാത്രി 8.30 ഓടെയാണ് 40 വയസ്സുള്ള യുവതിയെ ജില്ലാ ആശുപത്രിയിൽ എത്തിച്ചത്. പാലക്കാട് സ്റ്റേഡിയം ബസ് സ്റ്റാൻഡിന് സമീപമുള്ള ഒഴിഞ്ഞ പറമ്പിൽ അവശനിലയിൽ യുവതി കിടക്കുകയായിരുന്നുവെന്നാണ് യുവാവ് പൊലിസിനോട് പറഞ്ഞത്. എന്നാൽ, യുവാവ് അമിതമായി മദ്യപിച്ച നിലയിലായിരുന്നതിനാൽ മൊഴിയിൽ വ്യക്തതയില്ലെന്ന് പൊലിസ് വ്യക്തമാക്കി.

ALSO READ: ടി.പി വധക്കേസിലെ പ്രതി കൊടി സുനിക്ക് മദ്യം വാങ്ങി നൽകി: കണ്ണൂരിൽ പൊലിസുകാർക്ക് സസ്പെൻഷൻ

സംഭവത്തിൽ പാലക്കാട് വണ്ടിത്താവളം സ്വദേശിയായ സുബയ്യനെ ടൗൺ സൗത്ത് പൊലീസ് കസ്റ്റഡിയിലെടുത്തിട്ടുണ്ട്. പ്രതിയുടെ അറസ്റ്റ് ഉടൻ രേഖപ്പെടുത്തുമെന്ന് പൊലിസ് അറിയിച്ചു. പോസ്റ്റ്മോർട്ടം നടത്തിയ ഡോക്ടറുടെ മൊഴിയുടെ അടിസ്ഥാനത്തിൽ കേസിൽ തുടർനടപടികൾ ആരംഭിച്ചതായും പൊലിസ് വ്യക്തമാക്കി. തെരുവിൽ അലഞ്ഞുതിരിഞ്ഞ് ജീവിതം നയിച്ചിരുന്ന യുവതിയാണ് മരിച്ചത്. സ്റ്റേഡിയം ബസ് സ്റ്റാൻഡ് പരിസരത്ത് യുവതിയെ അവശനിലയിൽ കണ്ടെത്തിയതായാണ് വിവരം. കേസിൽ വിശദമായ അന്വേഷണം നടന്നുവരികയാണ്.

In Palakkad, a woman was brought dead to the district hospital, with police confirming sexual assault as the cause of death. The postmortem revealed she died due to asphyxiation and internal injuries sustained during the assault. A suspect, Subayyan from Vandithavalam, is in custody, and further investigation is underway