ഷാര്‍ജ: യു.എ.ഇ സുപ്രീം കൗണ്‍സില്‍ അംഗവും ഷാര്‍ജ ഭരണാധികാരിയുമായ ശൈഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമി 1,578 സ്‌കോളര്‍ഷിപ്പുകള്‍ക്ക് അംഗീകാരം നല്‍കി.
ഷാര്‍ജ യൂണിവേഴ്‌സിറ്റിയിലെയും, അമേരിക്കന്‍ യൂണിവേഴ്‌സിറ്റി ഓഫ് ഷാര്‍ജയിലെയും 2025'26 അധ്യയന വര്‍ഷത്തെ പുതിയ ബിരുദ വിദ്യാര്‍ത്ഥികള്‍ക്കാണീ സ്‌കോളര്‍ഷിപ്പുകള്‍ ലഭിക്കുക.

ഇതനുസരിച്ച്, ഷാര്‍ജ യൂണിവേഴ്‌സിറ്റി വിദ്യാര്‍ത്ഥികള്‍ക്ക് 1,400 സ്‌കോളര്‍ഷിപ്പുകളും, അമേരിക്കന്‍ യൂണിവേഴ്‌സിറ്റി ഓഫ് ഷാര്‍ജ വിദ്യാര്‍ത്ഥികള്‍ക്ക് 178 സ്‌കോളര്‍ഷിപ്പുകളുമാണ് നല്‍കുക.
സ്‌കോളര്‍ഷിപ്പ് അപേക്ഷാ സമയ പരിധി 2025 ഓഗസ്റ്റ് 10 വരെ നീട്ടാന്‍ ശൈഖ് സുല്‍ത്താന്‍ നിര്‍ദേശിച്ചിട്ടുണ്ട്.

ഷാര്‍ജ ബ്രോഡ്കാസ്റ്റിംഗ് അതോറിറ്റി സംപ്രേഷണം ചെയ്ത 'ഡയരക്ട് ലൈന്‍' പരിപാടിയില്‍ ഷാര്‍ജ ഇലക്ട്രിസിറ്റി, വാട്ടര്‍ ആന്‍ഡ് ഗ്യാസ് അതോറിറ്റി (സീവ)യിലെ സ്‌കോളര്‍ഷിപ് പ്രോഗ്രാം ഡയരക്ടര്‍ അംന അല്‍ ഉവൈസാണ് അവതാരകന്‍ മുഹമ്മദ് അല്‍ റഈസിക്കൊപ്പം ഈ പ്രഖ്യാപനം നടത്തിയത്.
നിര്‍ദിഷ്ട മാനദണ്ഡങ്ങള്‍ക്കനുസൃതമായി, സീവ അതിന്റെ ഔദ്യോഗിക വെബ്‌സൈറ്റ് വഴി സ്‌കോളര്‍ഷിപ് അപേക്ഷകള്‍ സ്വീകരിക്കുന്നത് തുടരുമെന്ന് അല്‍ ഉവൈസ് വ്യക്തമാക്കി.

Dr Sheikh Sultan Bin Mohammed Al Qasimi, Supreme Council Member and Ruler of Sharjah, has approved 1,578 new undergraduate scholarships for students at the University of Sharjah and the American University of Sharjah for the academic year 2025-2026.