മോതിഹാരി: കുപ്രസിദ്ധ മയക്കുമരുന്ന് കടത്തുകാരി സൈദ ഖാതൂൺ അറസ്റ്റിൽ. രഹസ്യ വിവരത്തിന്റെ അടിസ്ഥാനത്തിൽ പൊലിസ് നടത്തിയ ഓപ്പറേഷനിൽ ഇന്ത്യ-നേപ്പാൾ അതിർത്തിക്കടുത്തുള്ള റക്‌സൗളിൽ നിന്നാണ് ഇവർ പിടിയിലായത്. ഇവരുടെ തലയ്ക്ക് 15,000 രൂപ ഇനാം പ്രഖ്യാപിച്ചിരുന്നു.

ലഹരിക്കടത്തിനെതിരായ പൊലിസിന്റെ തുടർച്ചയായ പ്രവർത്തനങ്ങളിൽ ഈ അറസ്റ്റ് ഒരു വലിയ വിജയമായാണ് കണക്കാക്കപ്പെടുന്നത്. 2024 മുതൽ പൊലിസിനെ വെട്ടിച്ച് കടന്നുകളഞ്ഞ ഖാതൂൺ, ലഹരിക്കടത്ത് സംഘത്തിന് നേതൃത്വം നൽകിയിരുന്നതായി ആരോപിക്കപ്പെടുന്നു.

ALSO READ: കേരള സർവകലാശാല സിൻഡിക്കേറ്റ് ഹാളിന്റെ താക്കോൽ കാണാതായതിൽ ദുരൂഹത; ആരോപണവുമായി ഇടത് അംഗങ്ങൾ

റക്സോളിലെ ബാര പരേവ വാർഡിൽ താമസിക്കുന്ന നയീം മിയാന്റെ ഭാര്യയായ ഖാതൂൺ, ഭർത്താവിനൊപ്പം റക്സോളിൽ നിന്ന് ഡൽഹിയിലേക്ക് ല​ഹരിവസ്തുക്കൾ കടത്തുന്ന ഒരു ശൃംഖല നടത്തിയിരുന്നതായി ആരോപിക്കപ്പെടുന്നു. "സൈദ ഖാതൂണിനെതിരെ നിരവധി ലഹരിക്കടത്ത് കേസുകൾ രജിസ്റ്റർ ചെയ്തിട്ടുണ്ട്, ഒപ്പം ദീർഘകാലമായി അവൾ പൊലിസിനെ വെട്ടിച്ച് ഒളിവിൽ കഴിയുകയായിരുന്നു." ഹരൈയ പൊലിസ് സ്റ്റേഷനിലെ SHO കിഷൻ കുമാർ പാസ്വാൻ വ്യക്തമാക്കി.

SP സ്വർണ പ്രഭാതിന്റെ നിർദ്ദേശപ്രകാരം ആരംഭിച്ച പ്രത്യേക മയക്കുമരുന്ന് വിരുദ്ധ ഡ്രൈവിന്റെ ഭാഗമായാണ് ഈ അറസ്റ്റ്. ഈ കാമ്പയിനിന്റെ ഭാഗമായി ഈ വർഷം 200-ലധികം ലഹരിക്കടത്തുകാരെ അറസ്റ്റ് ചെയ്തിട്ടുണ്ട്. ഖാതൂണിന്റെ അറസ്റ്റ് അതിർത്തി പ്രദേശങ്ങളിൽ പ്രവർത്തിക്കുന്ന നിയമവിരുദ്ധ മയക്കുമരുന്ന് വ്യാപാരത്തിന് വലിയ തിരിച്ചടിയാകുമെന്നാണ് പൊലിസ് കരുതുന്നത്.

Saida Khatoon, a notorious narcotics smuggler with a bounty of Rs 15,000 on her head, was arrested near Raxaul, close to the India-Nepal border. The arrest was made following a police operation based on secret information. Khatoon, along with her husband Naeem Mian, allegedly ran an organized network for smuggling smack from Raxaul to Delhi. Multiple cases of narcotics smuggling have been registered against her, and she had been evading the police for a long time ¹.