ന്യൂഡല്‍ഹി: എന്‍.ഐ.എ കോടതി ജാമ്യം അനുവദിച്ചതിന് പിന്നാലെ ഛത്തീസ്ഗഡില്‍ അറസ്റ്റിലായ കന്യാസ്ത്രീകള്‍ ജയില്‍ മോചിതരായി. ഇന്ന് രാവിലെയാണ് എന്‍.ഐ.എ കോടതി ജാമ്യം അനുവദിച്ചത്. എട്ട് ദിവസത്തെ ജയില്‍വാസത്തിന് ശേഷമാണ് കന്യാസ്ത്രീകള്‍ പുറത്തിറങ്ങുന്നത്. വിവിധ രാഷ്ട്രീയ പാര്‍ട്ടി നേതാക്കളും എം.പിമാരും സഭാ അധികൃതരും കന്യാസ്ത്രീകളെ സ്വീകരിക്കാന്‍ എത്തിയിരുന്നു.

കണ്ണൂര്‍, അങ്കമാലി സ്വദേശികളായ അസീസി സിസ്റ്റേഴ്‌സ് സന്യാസിനി സമൂഹത്തിലെ അംഗങ്ങളായ സിസ്റ്റര്‍ വന്ദന ഫ്രാന്‍സിസ്, സിസ്റ്റര്‍ പ്രീതി മേരി എന്നിവര്‍ക്ക് ഉപാധികളോടെയാണ് ജാമ്യം ലഭിച്ചത്. പ്രിന്‍സിപ്പല്‍ സെഷന്‍സ് ജഡ്ജി സിറാജുദ്ദീന്‍ ഖുറേഷിയാണ് വിധി പ്രസ്താവിച്ചത്. അറസ്റ്റ് സംശയത്തിന്റെ പേരിലാണെന്നാണ് ജാമ്യം അനുവദിച്ചുകൊണ്ടുള്ള ഉത്തരവില്‍ കോടതി പറഞ്ഞത്. കന്യാസ്ത്രീകള്‍ക്ക് മുന്‍കാല കുറ്റകൃത്യ പശ്ചാത്തലമില്ല. ക്രിമിനല്‍ സ്വഭാവമുള്ളവരല്ല കന്യാസ്ത്രീകളെന്നും കോടതി ചൂണ്ടിക്കാട്ടി.

ALSO READ: നിര്‍ബന്ധിത മതപരിവര്‍ത്തനം ആരോപിച്ച് രാജസ്ഥാനില്‍ മലയാളി പാസ്റ്റര്‍ക്കെതിരെ കേസ്; നടപടി ഹിന്ദുത്വ സംഘടനകളുടെ പരാതിയില്‍, പള്ളിപൊളിക്കാന്‍ അക്രമികള്‍ ബുള്‍ഡോസറുമായെത്തി

മതപരിവര്‍ത്തനത്തിനോ മനുഷ്യക്കടത്തിനോ അല്ല യുവതികള്‍ കന്യാസ്ത്രീകള്‍ക്കൊപ്പം പോയതെന്നും ഇക്കാര്യം യുവതികളുടെ മാതാപിതാക്കളുടെ സത്യവാങ്മൂലത്തില്‍ നിന്ന് വ്യക്തമാണെന്നും കോടതി പറഞ്ഞു. കന്യാസ്ത്രീകള്‍ക്കൊപ്പം ഉണ്ടായിരുന്ന രണ്ടുപേര്‍ കുട്ടിക്കാലം മുതല്‍ ക്രിസ്തുമത വിശ്വാസികളാണ്. കുറ്റകൃത്യം നിലനില്‍ക്കുമോ എന്ന് വിചാരണ വേളയില്‍ പരിശോധിക്കട്ടേയെന്നും കോടതി നിര്‍ദ്ദേശിച്ചു. 

ദുര്‍ഗില്‍ ജയിലില്‍ കഴിഞ്ഞിരുന്ന കന്യാസ്ത്രീകള്‍ക്കെതിരെ ബജ്‌റംഗ്ദള്‍ പ്രവര്‍ത്തകര്‍ നല്‍കിയ പരാതിയുടെ അടിസ്ഥാനത്തിലാണ് പൊലിസ് അറസ്റ്റ് നടപടി സ്വീകരിച്ചത്. മനുഷ്യക്കടത്ത്, നിര്‍ബന്ധിത മതപരിവര്‍ത്തനം എന്നീ ഗുരുതര വകുപ്പുകള്‍ ചുമത്തി എഫ.്‌ഐ.ആര്‍ രജിസ്റ്റര്‍ ചെയ്തിരുന്നു, ഇത് 10 വര്‍ഷം വരെ തടവുശിക്ഷ ലഭിക്കാവുന്ന കുറ്റങ്ങളാണ്.

Following the NIA court's decision to grant bail, the nuns arrested in Chhattisgarh were released from jail after eight days in custody. Their release was met with support from political leaders, MPs, and church officials, who were present to receive them. The arrest had sparked widespread attention and condemnation.