ദുബൈ: എമിറേറ്റിലെ പ്രധാന സ്ഥലങ്ങളിൽ ഇലക്ട്രിക് ബൈക്കുകൾക്കായി ബാറ്ററി സ്വാപ്പിംഗ് സ്റ്റേഷനുകൾ സ്ഥാപിക്കാനുള്ള പദ്ധതി പ്രഖ്യാപിച്ച് ദുബൈ റോഡ്സ് ആൻഡ് ട്രാൻസ്‌പോർട്ട് അതോറിറ്റി (RTA). ബാറ്ററി സ്വാപ്പിംഗ് സാങ്കേതികവിദ്യയിൽ പ്രവർത്തിക്കുന്ന B2B മൈക്രോ-മൊബിലിറ്റി ടെക് സ്റ്റാർട്ടപ്പായ ടെറ ടെക് ലിമിറ്റഡുമായി സഹകരിച്ചാണ് ഈ നീക്കം. മിഡിൽ ഈസ്റ്റിലും നോർത്ത് ആഫ്രിക്കയുമാണ് കമ്പനിയുടെ പ്രധാന പ്രവർത്തന മേഖല. 

ഡെലിവറി മേഖലയിൽ പരിസ്ഥിതി സൗഹൃദവും സുസ്ഥിരവുമായ ഗതാഗത മാർഗങ്ങൾ പ്രോത്സാഹിപ്പിക്കാനാണ് ഈ സംരംഭം ലക്ഷ്യമിടുന്നത്. മേഖലയിൽ ആദ്യമായി, പൂർണമായും കാർബൺ ഉദ്‌വമനമില്ലാത്ത വാഹനങ്ങളുടെ ഉപയോഗം പ്രോത്സാഹിപ്പിക്കുന്നതിനാണ് ഈ പദ്ധതി. ഡെലിവറി കമ്പനികളുടെ ചാർജിംഗ്, പ്രവർത്തന ആവശ്യങ്ങൾ നിറവേറ്റുന്നതിനായി ഒരു സംയോജിത സംവിധാനം വികസിപ്പിക്കുന്നതിനും, അവരുടെ മൊത്തം ഉടമസ്ഥാവകാശ ചെലവ് കുറയ്ക്കുന്നതിനും ഈ പങ്കാളിത്തം സഹായിക്കും.

ALSO READ: ഭക്ഷണപ്രേമികളെ, ഒരുങ്ങിക്കൊള്ളൂ! നാവിൽ കൊതിയൂറും രുചി വൈവിധ്യങ്ങളുമായി മിഷെലിൻ ഗൈഡ് ഫുഡ് ഫെസ്റ്റിവൽ 2025 നവംബർ 21 മുതൽ 23 വരെ

"2030-ലെ കൊമേഴ്‌സ്യൽ ആൻഡ് ലോജിസ്റ്റിക്‌സ് ലാൻഡ് ട്രാൻസ്‌പോർട്ട് സ്ട്രാറ്റജിയുടെ ലക്ഷ്യങ്ങളുമായി ഈ സംരംഭം യോജിക്കുന്നു. എമിറേറ്റിലെ 36 ഇടങ്ങളിൽ അടിസ്ഥാന സൗകര്യങ്ങൾ വികസിപ്പി​ച്ച് കാർബൺ ഉദ്‌വമനം 30 ശതമാനം കുറക്കാനാണ് ഇതിലൂടെ ലക്ഷ്യമിടുന്നത്. ആർടിഎ ലൈസൻസിംഗ് ഏജൻസി CEO അഹമ്മദ് മഹ്ബൂബ് വ്യക്തമാക്കി. 

ഉദ്‌വമനം കുറയ്ക്കൽ

"പരിസ്ഥിതി സൗഹൃദ ഊർജ പരിഹാരങ്ങൾ വികസിപ്പിക്കുന്നതിനും, ഭാവി സാങ്കേതികവിദ്യകളും പ്രവർത്തന രീതികളും സ്വീകരിക്കാൻ എമിറേറ്റിന്റെ സന്നദ്ധത വർധിപ്പിക്കുന്നതിനും ഈ സഹകരണം സഹായിക്കും. ഇത് കാർബൺ ഉദ്‌വമവും, ശബ്ദ മലിനീകരണവും കുറയ്ക്കാനും, പൗരന്മാർക്കും താമസക്കാർക്കും മെച്ചപ്പെട്ട സേവന നിലവാരം ഉറപ്പാക്കാനും സഹായിക്കും. ഡെലിവറി, വാണിജ്യ മേഖലകളിലെ ഞങ്ങളുടെ പങ്കാളികളെ ഈ സംരംഭം പ്രയോജനപ്പെടുത്താനും കൂടുതൽ കാര്യക്ഷമവും സുസ്ഥിരവുമായ ഭാവിക്കായി ഞങ്ങളോടൊപ്പം പ്രവർത്തിക്കാനും ക്ഷണിക്കുകയാണ്." അദ്ദേഹം കൂട്ടിച്ചേർത്തു. 

ALSO READ: അവധിക്കാലത്തിന് ശേഷം സ്കൂളുകൾ തുറന്നു; കാലുകുത്താനിടമില്ലാതെ കുവൈത്തിലെ റോഡുകൾ

നിർണായക പങ്ക്

അടിസ്ഥാന സൗകര്യങ്ങളിലും സുസ്ഥിര ഗതാഗത സേവനങ്ങളിലും ആർടിഎ എല്ലായിപ്പോഴും വലിയ നേട്ടങ്ങൾ കൈവരിച്ചിട്ടുണ്ട്. പ്രത്യേകിച്ച് ഡെലിവറി മേഖലയുടെ നിയന്ത്രണം, വിപുലീകരണം, വികസനം എന്നിവയിൽ ടെറയുടെ CEO ഹുസാം അൽ സമ്മർ വ്യക്തമാക്കി. 

The Roads and Transport Authority (RTA) in Dubai has announced plans to establish battery charging and swapping stations for electric delivery bikes across the emirate. This initiative aims to support the growing demand for sustainable and eco-friendly transport solutions in the delivery sector.