നമുക്ക് സുലഭമായി കിട്ടുന്ന മീനാണ് മത്തി. ഇപ്പൊ കുറച്ചു ഡിമാന്റ് ഒക്കെ ഉണ്ടെങ്കിലും നമ്മള്‍ മലയാളികള്‍ എത്ര വിലകൊടുത്തും മത്തി വാങ്ങിക്കഴിക്കുന്നവരാണ്. പ്രത്യേകിച്ച് മത്തി പൊരിച്ചത്. എന്നാല്‍ ഇപ്രാവശ്യം മത്തി ഈ രീതിയില്‍ ഒന്നു ഫ്രൈ ചെയ്തു നോക്കൂ. വളരെ എളുപ്പവുമാണ് നല്ല രുചിയുമാണ്. ചോറിനാണെങ്കില്‍ പിന്നെ വേറൊന്നും വേണമെന്നുമില്ല. 

മത്തി - 10
മുളകു പൊടി - ഒരു ടേബിള്‍ സ്പൂണ്‍
മഞ്ഞ പൊടി - കാല്‍ ടീസ്പൂണ്‍

ALSO READ: ഒരു പഴവും ഒരു കപ്പ് റവയും മതി...! അടിപൊളി രുചിയില്‍ ആവിയില്‍ വേവിച്ചെടുക്കാം ഈ പലഹാരം

വെളുത്തുള്ളി, ഇഞ്ചി പേസ്റ്റ് - ഒരു സ്പൂണ്‍
കറിവേപ്പില- 4 തണ്ട്
പുളി - നെല്ലിക്കാ വലുപ്പം

തയാറാക്കുന്ന വിധം

ഒരു പാനില്‍  കുറച്ച് വെളിച്ചെണ്ണ ഒഴിച്ച് അതിലേക്ക് കുറച്ച് മുളകു പൊടിയും മഞ്ഞപൊടിയും ചേര്‍ത്തതിനുശേഷം അടുപ്പത്ത് വച്ച് ചെറിയതീയില്‍ വഴറ്റി എടുക്കുക. ഇതിലേക്ക് വെളുത്തുള്ളി നന്നായി ചതച്ചതും ഇഞ്ചി നന്നായി ചതച്ചതും കുറച്ചു കറിവേപ്പിലയും ചേര്‍ത്ത് ഒന്നുകൂടെ ഇളക്കുക. ശേഷം കുറച്ചു പുളിയും എരിവ് കൂടുതല്‍ വേണമെന്നുള്ളവര്‍ക്ക് ചില്ലിഫ്‌ളേക്‌സും ഉപ്പും ചേര്‍ത്ത് നന്നായി വഴറ്റുക.

നന്നായി കഴുകി വൃത്തിയാക്കി വരയിട്ടു വച്ച മത്തി ഇതിനു മുകളില്‍ നിരത്തി വയ്ക്കുക. വേവുമ്പോള്‍ തിരിച്ചിടുക. രണ്ടു ഭാഗവും നന്നായി മൊരിഞ്ഞു വരുമ്പോള്‍ അതായത് വെള്ളമൊക്കെ വറ്റി ഡ്രൈ ആയി തുടങ്ങുമ്പോള്‍ കുറച്ചു കറിവേപ്പിലയും ചേര്‍ത്ത് തീ ഓഫ് ചെയ്യുക. 
അടിപൊളി രുചിയുള്ള മത്തി ഫ്രൈ തയാര്‍. ഇതു മാത്രം മതിയാവും നിങ്ങള്‍ക്കു ചോറു കഴിക്കാന്‍.

Sardine (Mathi), one of the most beloved and affordable fishes in Kerala, is a household favorite—especially when fried! While its market demand may vary, Malayalis rarely compromise when it comes to enjoying a crispy, spicy fish fry. This version of Mathi Fry is not only super easy to prepare but also incredibly flavorful.