റാസ് അൽ ഖോർ മുതൽ അൽ മൈദാൻ സ്ട്രീറ്റ് ഇന്റർചേഞ്ച് വരെയുള്ള ഗതാഗതത്തിനായി പുതിയ നവീകരണങ്ങൾ നടപ്പാക്കി ദുബൈ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ). ഇതിലൂടെ വാഹന ശേഷി മണിക്കൂറിൽ 1,800 ൽ നിന്ന് 2,700 ആയി, 50 ശതമാനം വർധിച്ചു.

റാസ് അൽ ഖോർ മുതൽ അൽ മൈദാൻ സ്ട്രീറ്റ് ഇന്റർചേഞ്ചിലേക്ക് വലത്തോട്ട് തിരിയുന്ന വാഹനങ്ങൾക്കായി ലെയിനുകളുടെ എണ്ണം രണ്ടിൽ നിന്ന് മൂന്നായി വർധിപ്പിച്ച് റോഡ് വീതികൂട്ടുന്ന പ്രവൃത്തികൾ ഇതിൽ ഉൾപ്പെടുന്നു. 2025 ഓഗസ്റ്റ് 10-ന് പൂർത്തിയാക്കാൻ ഷെഡ്യൂൾ ചെയ്ത ഈ മെച്ചപ്പെടുത്തൽ, റാസ് അൽ ഖോർ ഇൻഡസ്ട്രിയൽ ഏരിയയും നദ് അൽ ഷെബയും തമ്മിലുള്ള ഗതാഗത പ്രവാഹം മെച്ചപ്പെടുത്തും. കൂടാതെ, അൽ മൈദാൻ സ്ട്രീറ്റ് ഇന്റർസെക്ഷനിലേക്കും സമീപ പ്രദേശങ്ങളിലേക്കും പോകുന്ന വാഹനങ്ങളുടെ സഞ്ചാരം കൂടുതൽ എളുപ്പമാക്കും. ഈ നവീകരണം ബിസിനസ് ബേ, ഗദീർ അൽ തൈർ, അൽ ഖോസ്, അൽ സഫ, എന്നിവിടങ്ങളിലേക്ക് പോകുന്ന യാത്രക്കാർക്ക് കൂടുതൽ സൗകര്യപ്രദമാണ്. 

എമിറേറ്റിലെ പെട്ടെന്നുള്ള നഗരവികസനവും ജനസംഖ്യാ വർധനവും കണക്കിലെടുത്ത്, റോഡ് അടിസ്ഥാന സൗകര്യങ്ങളും ഗതാഗത ശൃംഖലയും തുടർച്ചയായി മെച്ചപ്പെടുത്താനുള്ള ആർടിഎയുടെ പ്രതിബദ്ധതയെ ഈ നവീകരണങ്ങൾ പ്രതിഫലിപ്പിക്കുന്നു. പ്രവർത്തനക്ഷമത വർധിപ്പിക്കുക, യാത്രാ സമയം കുറയ്ക്കുക, ഗതാഗത കുരുക്ക് ലഘൂകരിക്കുക, എല്ലാ ഉപയോക്താക്കൾക്കും റോഡ് സുരക്ഷ മെച്ചപ്പെടുത്തുക എന്നിവയാണ് ആർടിഎയുടെ ലക്ഷ്യങ്ങൾ.

The Dubai Roads and Transport Authority (RTA) has implemented significant upgrades to the Ras Al Khor to Al Meydan Street interchange, boosting vehicle capacity by 50% from 1,800 vehicles per hour to 2,700 vehicles per hour. This enhancement aims to improve traffic flow, reduce congestion, and support Dubai's growing infrastructure needs