സാംസ്‌കാരിക വകുപ്പിന് കീഴിൽ പാലക്കാട് വി.ടി. ഭട്ടതിരിപ്പാട് സാംസ്‌കാരിക സമുച്ചയത്തിൽ വിവിധ ഒഴിവുകളിലേക്ക് ജോലിക്കാരെ നിയമിക്കുന്നതിന് അപേക്ഷ വിളിച്ചു. ഗാർഡനർ, ടെക്‌നിഷ്യൻ (എ.സി/ഇലക്ട്രോണിക്), തസ്തികകളിലേക്ക് കരാർ തൊഴിലാളികളെയാണ് ആവശ്യമുള്ളത്. താൽപര്യമുള്ളവർക്ക് ആ​ഗസ്റ്റ് 20ന് മുൻപായി തപാൽ മാർ​ഗം അപേക്ഷ അയക്കാം.

തസ്തിക & ഒഴിവ്

സാംസ്‌കാരിക വകുപ്പിന് കീഴിൽ ഗാർഡനർ, ടെക്‌നിഷ്യൻ (എ.സി/ഇലക്ട്രോണിക്) റിക്രൂട്ട്മെന്റ്. ദിവസവേതനാടിസ്ഥാനത്തിൽ ഒരുവർഷക്കാലയളവിലേക്കാണ് ജോലിക്കാരെ നിയമിക്കുക. 

​ഗാർഡ്നർ = 01 ഒഴിവ്
ടെക്‌നിഷ്യൻ (എ.സി/ഇലക്ട്രോണിക്) = 01 ഒഴിവ്

പ്രായപരിധി

​ഗാർഡ്നർ = 35 വയസ് വരെ പ്രായമുള്ളവർക്ക് ജോലിക്കായി അപേക്ഷിക്കാം.
ടെക്‌നിഷ്യൻ (എ.സി/ഇലക്ട്രോണിക്) = 35 വയസ് വരെ പ്രായമുള്ളവർക്ക് ജോലിക്കായി അപേക്ഷിക്കാം.

ALSO READ: ടൂറിസം ഡിപ്പാര്‍ട്ട്‌മെന്റില്‍ ഓഫീസ് അസിസ്റ്റന്റ്; പ്ലസ് ടുവാണ് യോഗ്യത; 43,600 ശമ്പളത്തില്‍ സ്ഥിര സര്‍ക്കാര്‍ ജോലി =

യോ​ഗ്യത

ഗാർഡനർ 

എട്ടാം ക്ലാസ്സിന് താഴെ വിദ്യാഭ്യാസം ഉള്ളവരായിരിക്കണം. 

മലയാളം, തമിഴ്, കന്നഡ ഭാഷകളിൽ ഏതെങ്കിലും ഒന്നിൽ സാക്ഷരത ഉണ്ടായിരിക്കണം. 

പുറമെ, കേന്ദ്ര/സംസ്ഥാന സർക്കാർ പൊതുമേഖലാ സ്ഥാപനത്തിലോ രജിസ്റ്റർ ചെയ്ത സ്വകാര്യ മേഖലാ സ്ഥാപനത്തിലോ ഗാർഡനറായി ഒരു വർഷത്തെ പ്രവൃത്തിപരിചയം അല്ലെങ്കിൽ ഒരു ലിമിറ്റഡ് കമ്പനിയിലോ സർക്കാർ വകുപ്പിലോ പൂന്തോട്ടപരിപാലനത്തിൽ ഒരു വർഷത്തെ പ്രവൃത്തിപരിചയമുള്ളവരായിരിക്കണം. 

ടെക്‌നിഷ്യൻ (എ.സി/ഇലക്ട്രോണിക്)
പത്താം ക്ലാസ് വിദ്യാഭ്യാസവും എയർ കണ്ടീഷനിംഗ് ആൻഡ് റഫ്രിജറേഷൻ ട്രേഡിൽ ഐ.ടി.ഐ സർട്ടിഫിക്കറ്റും.
എ.സി/ഇലക്ട്രോണിക് മേഖലയിൽ കുറഞ്ഞത് രണ്ട് വർഷത്തെ പ്രവൃത്തിപരിചയവും ഉള്ളവരായിരിക്കണം. 

തെരഞ്ഞെടുപ്പ്

ഇന്റർവ്യൂ നടത്തിയാണ് ജോലിക്കാരെ തിരഞ്ഞെടുക്കുക. 

അപേക്ഷ

താൽപര്യമുള്ളവർ വെള്ളപേപ്പറിൽ തയ്യാറാക്കിയ അപേക്ഷകൾ, സ്വയം സാക്ഷ്യപ്പെടുത്തിയ സർട്ടിഫിക്കറ്റുകളോടൊപ്പം ആഗസ്റ്റ് 20നകം സാംസ്‌കാരിക വകുപ്പദ്ധ്യക്ഷ കാര്യാലയം, അനന്തവിലാസം കൊട്ടാരം, ഫോർട്ട് പി.ഒ., തിരുവനന്തപുരം - 23 എന്ന വിലാസത്തിൽ ലഭ്യമാക്കണം.
കൂടുതൽ വിവരങ്ങൾക്ക്, ഇ-മെയിൽ: [email protected].      

കൂടുതല്‍ തൊഴില്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

Under the Department of Culture, applications have been invited to fill various vacancies at the V.T. Bhattathiripad Cultural Complex in Palakkad. Contract workers are required for the posts of Gardener and Technician (AC/Electronics). Interested candidates can send their applications by post before August 20.