തൃശൂർ: ദേശീയപാത എറണാകുളം-തൃശൂർ റൂട്ടിൽ ഇന്നലെ രാത്രി ആരംഭിച്ച ഗതാഗതക്കുരുക്ക് തുടരുന്നതോടെ ദുരിതത്തിലായി ജനം. വെള്ളിയാഴ്ച രാത്രി 11 മണിയോടെ ആരംഭിച്ച ഗതാഗതക്കുരുക്കാണ് 15 മണിക്കൂർ പിന്നിട്ടും തുടരുന്നത്. മണ്ണുത്തി-ഇടപ്പള്ളി റോഡിൽ വാഹനങ്ങളുടെ നീണ്ടനിരയാണ് ലക്ഷ്യസ്ഥാനത്ത് എത്താനായി കാത്തിരിക്കുന്നത്. ചാലക്കുടി ഭാഗത്ത് ഗതാഗതം പൂർണമായി സ്തംഭിച്ച അവസ്ഥയിലാണ്.

ചരക്കുവാഹനങ്ങൾ ഉൾപ്പെടെയാണ് റോഡിൽ കുടുങ്ങിക്കിടക്കുന്നത്. ആശുപത്രി, വിവാഹ ചടങ്ങിന് പോകുന്നവർ മുതൽ നെടുമ്പാശ്ശേരി വിമാനത്താവളത്തിലേക്കു പുറപ്പെട്ടവർ ഉൾപ്പെടെയാണ് മണിക്കൂറുകളായി റോഡിൽ കുടുങ്ങിയത്. വെള്ളിയാഴ്ച രാത്രി മുരിങ്ങൂരിൽ ലോറി മറിഞ്ഞുണ്ടായ അപകടത്തെ തുടർന്നാണ് ഗതാഗതക്കുരുക്ക് രൂപപ്പെടുന്നത്.

മുരിങ്ങോരിൽ അടിപ്പാത നിർമാണം നടക്കുന്ന ഭാഗത്ത്, സർവീസ് റോഡിൽ മരംകയറ്റിവന്ന ലോറിയാണ് മറിഞ്ഞത്. ലോറിയിലെ തടിക്കഷണങ്ങൾ റോഡിലേക്ക് വീണതോടെയാണ് ഗതാഗത തടസ്സം തുടങ്ങിയത്. പിന്നീട് പൊലിസും അഗ്‌നിരക്ഷാസേനയും നാട്ടുകാരും ചേർന്ന് ഈ തടിക്കഷണങ്ങൾ നീക്കം ചെയ്തു. അപകടത്തിൽ ലോറിയിലുണ്ടായിരുന്നവർ പരുക്കില്ലാതെ രക്ഷപ്പെട്ടു. ലോറി അപകടത്തിനുശേഷം ഗതാഗതം പുനഃസ്ഥാപിച്ചെങ്കിലും ഗതാഗതക്കുരുക്ക് വീണ്ടും രൂക്ഷമാവുകയായിരുന്നു. 

A severe traffic jam that began around 11 PM on Friday night along the Ernakulam-Thrissur National Highway has left commuters stranded for more than 15 hours. Long queues of vehicles are seen on the Mannuthy-Edappally stretch, with traffic coming to a complete standstill in the Chalakudy region.