റഷ്യയിൽ നിന്ന് അസംസ്കൃത എണ്ണ വാങ്ങുന്ന രാജ്യങ്ങൾക്ക് അധിക ഇറക്കുമതി തീരുവ ഏർപ്പെടുത്തേണ്ടതില്ലെന്ന് സൂചന നൽകി യുഎസ് പ്രസിഡന്റ് ഡൊണാൾഡ് ട്രംപ്. റഷ്യൻ പ്രസിഡന്റ് വ്ലാദിമിർ പുടിനുമായി അലാസ്കയിൽ നടന്ന ഉച്ചകോടിക്ക് ശേഷം ഫോക്സ് ന്യൂസിന് നൽകിയ അഭിമുഖത്തിൽ ട്രംപ് ഇക്കാര്യം വ്യക്തമാക്കി. "റഷ്യക്ക് ഒരു പ്രധാന എണ്ണ ഉപഭോക്താവിനെ, അതായത് ഇന്ത്യയെ. ഇന്ത്യ ഏകദേശം 40 ശതമാനം എണ്ണ റഷ്യയിൽ നിന്നാണ് ഇറക്കുമതി ചെയ്യുന്നത്. ചൈനയും റഷ്യയിൽ നിന്ന് വൻതോതിൽ എണ്ണ വാങ്ങുന്നുണ്ട്. അധിക തീരുവ ചുമത്തിയാൽ അവർക്ക് അത് വലിയ തിരിച്ചടിയാകും. ആവശ്യമെങ്കിൽ ഞാൻ അത് ചെയ്യും, പക്ഷേ ഒരുപക്ഷേ അതിന്റെ ആവശ്യം വരില്ല," ട്രംപ് പറഞ്ഞു.

ALSO READ: ആമസോൺ നദി ദ്വീപ് തർക്കം: പെറുവും കൊളംബിയയുമായുള്ള സംഘർഷം രൂക്ഷമാകുന്നു; പരമാധികാരം സ്ഥിരീകരിച്ച് പെറുവിയൻ പ്രസിഡന്റ്

ഇന്ത്യയടക്കമുള്ള രാജ്യങ്ങൾക്കെതിരെ റഷ്യൻ എണ്ണ ഇറക്കുമതി സംബന്ധിച്ച് യുഎസ് കൂടുതൽ തീരുവ ചുമത്തുമെന്ന ആശങ്കകൾക്കിടയിലാണ് ട്രംപിന്റെ ഈ പുതിയ പ്രസ്താവന. ഉച്ചകോടിക്ക് മുമ്പ് ബ്ലൂംബർഗിനോട് സംസാരിക്കവെ, യുഎസ് ട്രഷറി സെക്രട്ടറി സ്കോട്ട് ബെസന്റ്  ട്രംപും പുടിനും തമ്മിലുള്ള കൂടിക്കാഴ്ച ഫലപ്രദമല്ലെങ്കിൽ, റഷ്യൻ എണ്ണ വാങ്ങുന്നതിന് ഇന്ത്യയ്ക്കെതിരെ അധിക തീരുവ ചുമത്താനുള്ള സാധ്യത സൂചിപ്പിച്ചിരുന്നു. അതേസമയം, റഷ്യ-യുക്രൈൻ യുദ്ധം അവസാനിപ്പിക്കുന്നതിന് ഉച്ചകോടിയിൽ യാതൊരു ധാരണയും ഉണ്ടായിട്ടില്ല.

നേരത്തെ, റഷ്യൻ എണ്ണ ഇറക്കുമതി ചെയ്യുന്നതിന്റെ പേര് പറഞ്ഞ് ഇന്ത്യയ്ക്കെതിരെ 25 ശതമാനം അധിക തീരുവ ഉൾപ്പെടെ ആകെ 50 ശതമാനം തീരുവ ഏർപ്പെടുത്തിയിരുന്നു. ഈ തീരുവ ഓഗസ്റ്റ് 27 മുതൽ പ്രാബല്യത്തിൽ വരും. എന്നാൽ, ഇന്ത്യയെ ലക്ഷ്യമിട്ടുള്ള ഈ നടപടി "അന്യായവും യുക്തിരഹിതവുമാണ്" എന്ന് ഇന്ത്യൻ വിദേശകാര്യ മന്ത്രാലയം പ്രതികരിച്ചിരുന്നു.

ALSO READ: ലോകമെമ്പാടുമുള്ള സംഘർഷങ്ങളിൽ ലൈംഗിക അതിക്രമങ്ങൾ 25% വർദ്ധിച്ചതായി യുഎൻ റിപ്പോർട്ട്

ഇന്ത്യയും ചൈനയും റഷ്യയിൽ നിന്ന് ഏറ്റവും കൂടുതൽ അസംസ്കൃത എണ്ണ ഇറക്കുമതി ചെയ്യുന്ന രാജ്യങ്ങളിൽ വളരേ മുന്നിലാണ്. കഴിഞ്ഞ ആഴ്ച, റഷ്യയിൽ നിന്നുള്ള എണ്ണ ഇറക്കുമതി തുടരുന്നതിനാൽ ഇന്ത്യൻ ഉൽപ്പന്നങ്ങൾക്ക് 25 ശതമാനം അധിക തീരുവ ചുമത്തുമെന്ന് ട്രംപ് പ്രഖ്യാപിച്ചിരുന്നു. അതേസമയം, ഇതുവരെ ചൈനയ്ക്കെതിരെ ഇത്തരത്തിലുള്ള നടപടികൾ സ്വീകരിച്ചിട്ടില്ല.

US President Donald Trump has hinted at potentially waiving additional tariffs on countries importing crude oil from Russia, following a summit with Russian President Vladimir Putin in Alaska. In an interview with Fox News, Trump suggested that the meeting may have alleviated the need for such tariffs, which were initially proposed to pressure Russia into a ceasefire agreement in Ukraine. The tariffs, set to increase to 50% on August 27, have been a point of contention, particularly for India, a significant buyer of Russian crude oil ¹.