ഇന്ത്യൻ ക്രിക്കറ്റ് ടീമിന്റെ പരിശീലകനാവാൻ ഇതിഹാസ നായകൻ എംഎസ് ധോണിക്ക് സാധിക്കുമോ എന്ന ചോദ്യത്തിന് മറുപടി നൽകിയിരിക്കുകയാണ് മുൻ ഇന്ത്യൻ താരം ആകാശ ചോപ്ര. പരിശീലകനായുള്ള  കഠിനമായ ജോലി ഏറ്റെടുക്കാൻ ധോണി താൽപ്പര്യപ്പെടില്ലെന്നാണ് ചോപ്ര അഭിപ്രായപ്പെടുന്നത്. തന്റെ യുട്യൂബ് ചാനലിലൂടെ സംസാരിക്കുകയായിരുന്നു മുൻ ഇന്ത്യൻ താരം. 

''പരിശീലകനാവുക എന്നത് വലിയ കാര്യമാണ്. ധോണിക്ക് ഇതിൽ താൽപ്പര്യമുണ്ടെന്ന് ഞാൻ കരുതുന്നില്ല. കോച്ചിങ് ഒരു ബുദ്ധിമുട്ടുള്ള ഒരു ജോലിയാണ്. കളിക്കുന്ന സമയത്തേക്കാൾ ഒരുപാട് സമയം കോച്ചായി ചിലവഴിക്കേണ്ടി വരും.  ജീവിതകാലം മുഴുവൻ ഒരേ കാര്യങ്ങളാണ് ധോണി ചെയ്തത്. അതിനാൽ ഇപ്പോൾ പുതിയ ഒരു ജോലി ചെയ്യാൻ അദ്ദേഹം ആഗ്രഹിക്കില്ല. അതിനാലാണ് പല താരങ്ങളും പരിശീലക ജോലിയിലേക്ക് കടക്കാത്തത്. നിങ്ങൾ മുഴുവൻ സമയ ഇന്ത്യൻ മുഖ്യ പരിശീലകനാകുകയാണെങ്കിൽ ഒരു വർഷത്തിൽ 10 മാസത്തോളം പ്രവർത്തിക്കേണ്ടി വരും. ധോണിക്ക് ഇത്രയധികം സമയം ലഭിക്കുമോയെന്ന് എനിക്കറിയില്ല. ഇത്രയധികം സമയം ധോണിക്ക് ലഭിച്ചാൽ ഞാൻ അത്ഭുതപ്പെടും'' ആകാശ് ചോപ്ര പറഞ്ഞു. 

ധോണി ഇപ്പോഴും ഐപിഎല്ലിൽ ചെന്നൈ സൂപ്പർ കിങ്സിന്റെ ഭാഗമാണ്. എന്നാൽ 2025 ഐപിഎൽ സീസണിൽ ധോണിയുടെ മോശം പ്രകടനമാണ് ക്രിക്കറ്റ് ആരാധകർ സാക്ഷ്യം വഹിച്ചത്. 14 മത്സരങ്ങളിൽ 24.50 ശരാശരിയിലും 135.17 സ്ട്രൈക്ക് റേറ്റിലും 200-ൽ താഴെ റൺസ് മാത്രമാണ് നേടിയത്. സിഎസ്കെ, 14 മത്സരങ്ങളിൽ നിന്ന് നാല് വിജയങ്ങൾ മാത്രം നേടി പോയിന്റ് പട്ടികയിൽ അവസാന സ്ഥാനത്തെത്തി. 

Former Indian player Aakash Chopra has answered the question of whether legendary captain MS Dhoni can become the coach of the Indian cricket team