റിയാദ്: റൗണ്ട് ട്രിപ്പ്, ട്രാൻസിറ്റ് ഫ്ലൈറ്റുകൾ ഉൾപ്പെടെ അന്താരാഷ്ട്ര റൂട്ടുകളിൽ 50% വരെ എക്സ്ക്ലൂസീവ് ഓഫർ പ്രഖ്യാപിച്ച് സഊദി അറേബ്യയുടെ ദേശീയ വിമാനക്കമ്പനിയായ സൗദിയ അറേബ്യ (Saudia Airlines Offer). ആഭ്യന്തര, രാജ്യാന്തര സർവീസുകൾക്ക് ഒരുപോലെ ഓഫർ ലഭ്യമാണ്.

കമ്പനി വെബ്‌സൈറ്റ്, സ്മാർട്ട്ഫോൺ ആപ്ലിക്കേഷനുകൾ, തുടങ്ങി ഡിജിറ്റൽ സംവിധാനങ്ങൾ വഴിയും സെയിൽസ് ഓഫിസുകൾ വഴിയും ടിക്കറ്റുകൾ വാങ്ങി ഓഫർ നേടാവുന്നതാണെന്ന് കമ്പനി അറിയിച്ചു. ബിസിനസ്, ഇക്കണോമി ക്ലാസുകൾക്ക് ഓഫർ ബാധകമാകും.

ആഗസ്റ്റ് 31 വരെ ബുക്ക് ചെയ്തവർക്കായിരിക്കും ഇളവ് ലഭിക്കുക. സെപ്റ്റംബർ ഒന്ന് മുതൽ ഡിസംബർ പത്തു വരെയുള്ള യാത്രകൾക്കായിരിക്കും ഓഫർ.

വിമാന ടിക്കറ്റുകൾക്കൊപ്പം ലഭിക്കുന്ന ഡിജിറ്റൽ ലിങ്ക് വഴി ഇഷ്യു ചെയ്യുന്ന ട്രാൻസിറ്റ് വിസ ഉപയോഗിച്ച് സൗദിയിൽ 96 മണിക്കൂർ താങ്ങാനുള്ള സൗകര്യവും ലഭ്യമാക്കിയിട്ടുണ്ട്. ഇത് സന്ദർശകർക്ക് ഉംറ നിർവഹിക്കാനും മക്ക, മദീന ഉൾപ്പെടെയുള്ള വിശുദ്ധ നഗരങ്ങൾ സന്ദർശിച്ചു പ്രാർത്ഥന നടത്താനും അവസരം നൽകുന്നു.

100 ലധികം നഗരങ്ങളിലേക്ക് സർവീസ് നടത്തുന്ന സൗദിയ എയർലൈനു നിലവിൽ 149 വിമാനങ്ങളാണ് ഉള്ളത്. 

ALSO READ: ഉത്തരാഖണ്ഡ്: 2026 ഓടെ മദ്റസ ബോർഡ് പിരിച്ചുവിടും; വിവാദ ന്യൂനപക്ഷ വിദ്യാഭ്യാസ സ്ഥാപന ബിൽ ബിജെപി സർക്കാർ പാസാക്കി; സങ്കുചിത നീക്കമെന്നു കോൺഗ്രസ്

Saudi Arabia's national carrier Saudia has announced an exclusive offer of up to 50% off on its international routes, including round-trip and transit flights. The offer applies to both Business and Guest Class fares.