377 കിലോഗ്രാം ക്രിസ്റ്റൽ മെത്ത് പിടികൂടി അബൂദബി പൊലിസ്. കണ്ടെയ്നറുകളിൽ ഒളിപ്പിച്ച നിലയിലാണ് ലഹരിമരുന്ന് കണ്ടെത്തിയത്. സംഭവത്തിൽ മൂന്ന് ഏഷ്യൻ പൗരന്മാരെ അറസ്റ്റ് ചെയ്തു.

നാഷണൽ ഡ്രഗ് കൺട്രോൾ സർവിസിന്റെ സഹായത്തോടെയായിരുന്നു ഈ ഓപ്പറേഷൻ. പ്രതികൾ അസാധാരണമായ രീതിയിൽ മയക്കുമരുന്ന് ഒളിപ്പിച്ചുവെക്കാൻ ശ്രമിച്ചെങ്കിലും, ഷിപ്പ്മെന്റ് വിപണിയിലെത്തുന്നതിന് മുമ്പ് ഉദ്യോഗസ്ഥർക്ക് കണ്ടെത്താനായെന്ന് മയക്കുമരുന്ന് വിരുദ്ധ വിഭാഗത്തിന്റെ ഡയറക്ടർ കേണൽ താഹിർ ഗരീബ് അൽ സാഹ്‌രി വ്യക്തമാക്കി.

ALSO READ: അറേബ്യൻ ഗൾഫ് സ്ട്രീറ്റ് പൂർണ്ണമായും അടച്ചു; അടച്ചിടൽ ഞായറാഴ്ച (ഓഗസ്റ്റ് 24) രാവിലെ ആറ്മണി വരെ

മയക്കുമരുന്ന് ഉപയോഗം സുഖവും സന്തോഷവും നൽകുമെന്ന തെറ്റായ അവകാശവാദങ്ങളിൽ വശംവദരാകരുതെന്ന് പൊലിസ് വീണ്ടും പൊതുജനങ്ങളോട് അഭ്യർത്ഥിച്ചു. മയക്കുമരുന്നിന്റെ ഗുരുതരമായ ആരോഗ്യ, സാമൂഹിക പ്രത്യാഘാതങ്ങൾ പൊലിസ് ചൂണ്ടിക്കാട്ടി.

ലഹരിമരുന്നുമായി ബന്ധപ്പെട്ട സംഭവങ്ങളെക്കുറിച്ച് വിവരമുള്ളവർ 8002626 എന്ന സുരക്ഷാ ഹോട്ട്‌ലൈനിലൂടെ നേരിട്ട് റിപ്പോർട്ട് ചെയ്യണമെന്ന് പൊലിസ് അറിയിച്ചു.

Abu Dhabi Police have confiscated 377 kilograms of crystal meth hidden in containers, arresting three Asian nationals in connection with the seizure. The operation highlights the authorities' continued efforts to combat drug trafficking in the region ¹.