ദുബൈ: ദുബൈയിൽ 200 അൾട്രാ ഫാസ്റ്റ് ഇവി (ഇലക്ട്രിക്കൽ വെഹിക്കിൾ) ചാർജറുകൾ പുറത്തിറക്കുമെന്ന് പാർക്കിൻ കമ്പനിയും ബൈ ഇ&യുടെ (ഇത്തിസാലാത്ത്) വിഭാഗമായ 'ആൻഡ് ചാർജ് & ഗോ' കമ്പനിയും പ്രഖ്യാപിച്ചു.

എമിറേറ്റിലുടനീളമുള്ള പ്രധാന സ്ഥലങ്ങളിൽ അത്യാധുനിക അടിസ്ഥാന സൗകര്യങ്ങൾ സ്ഥാപിക്കുന്നതിലൂടെ പുതിയ നെറ്റ്‌വർക്ക് ഇവി ചാർജിംഗ് സമയം 30 മിനുട്ടിൽ താഴെയായി കുറയ്ക്കും.

ഉയർന്ന ജനസാന്ദ്രതയുള്ള റെസിഡൻഷ്യൽ കമ്മ്യൂണിറ്റികൾ മുതൽ പ്രധാന റീടെയിൽ, വിനോദ കേന്ദ്രങ്ങൾ വരെയുള്ള സ്ഥലങ്ങളിലാണ് പോയിന്റുകൾ.

ഈ വർഷം ആദ്യം രാജ്യത്തുടനീളം ഫാസ്റ്റ്, സൂപർ ഫാസ്റ്റ് ചാർജറുകൾ മാത്രമേ വിന്യസിക്കുകയുള്ളൂവെന്ന് യു.എ.ഇ അധികൃതർ നേരത്തെ പറഞ്ഞിരുന്നു.

ദുബൈ ഇലക്ട്രിസിറ്റി ആൻഡ് വാട്ടർ അതോറിറ്റി (ദീവ) അഭിപ്രായപ്പെടുന്നത് പ്രകാരം, 2025 ആദ്യ പകുതിയുടെ അവസാനം വരെ ദുബൈയിൽ 1,270ലധികം ഇവി ചാർജിംഗ് പോയിന്റുകൾ ഉണ്ടായിരുന്നു. അവ എമിറേറ്റിലുടനീളം 40,600ലധികം ഇലക്ട്രിക് വാഹനങ്ങൾക്ക് സേവനം നൽകി.

ALSO READ: പുടിനെ കണ്ടതോടെ ഒറ്റയടിക്ക് കളംമാറി ട്രംപ്; ഉക്രൈനിന്റെ നാറ്റോ അംഗത്വ അപേക്ഷയെയും വിമർശിച്ചു; യുഎസിനെ വിശ്വസിച്ചു റഷ്യയോട് ഏറ്റുമുട്ടിയ സെലന്‍സ്‌കി ഇപ്പൊ ആരായി?

Parkin and charge&go by e& announced the rollout of 200 Ultra-Fast EV chargers in Dubai. The new network will cut EV charging times to under 30 minutes, through the installation of state-of-the-art infrastructure at key destinations across the emirate.