ദുബൈ: ജുഡീഷ്യൽ സേവനങ്ങളും യാത്രാവിലക്കുകളും കൈകാര്യം ചെയ്യുന്നതിനായി ഒരു പുതിയ ഏകീകൃത ഡിജിറ്റൽ സംവിധാനം ആരംഭിച്ച് ദുബൈ. ദുബൈ പൊലിസ്, ദുബൈ കോടതികൾ, ദുബൈ പബ്ലിക് പ്രോസിക്യൂഷൻ, വാടക തർക്ക പരിഹാര കേന്ദ്രം (Rental Disputes Centre) എന്നിവ സംയുക്തമായാണ് ഈ സംവിധാനം അവതരിപ്പിച്ചത്.
‌
ദുബൈയിലെ പ്രധാനപ്പെട്ട നീതിന്യായ-സുരക്ഷാ സ്ഥാപനങ്ങളുടെ ഏകോപനത്തിലേക്കുള്ള ഒരു സുപ്രധാന ചുവടുവയ്പ്പായാണ് ഈ ധാരണാപത്രം (MoU) ഒപ്പുവെച്ചത്. ഇത് പൊതുജനങ്ങൾക്ക് വേഗതയേറിയതും കൂടുതൽ കൃത്യതയുള്ളതും തടസ്സമില്ലാത്തതുമായ സേവനങ്ങൾ ഉറപ്പുനൽകുന്നു.

ALSO READ: ഗ്ലോബൽ വില്ലേജിൽ റോബോകോപ്പിനെ വിന്യസിച്ച് ദുബൈ പൊലിസ്

ദുബൈ പൊലിസ് ക്രിമിനൽ ഇൻവെസ്റ്റിഗേഷൻ ജനറൽ ഡിപ്പാർട്ട്‌മെന്റ് ഡയറക്ടർ ബ്രിഗേഡിയർ സയീദ് അൽ ഹാജ്രി, ദുബൈ കോടതികളിലെ ഇൻസ്റ്റിറ്റ്യൂഷണൽ സപ്പോർട്ട് ആൻഡ് കമ്മ്യൂണിക്കേഷൻ സെക്ടർ സിഇഒ അബ്ദുൽറഹിം ഹുസൈൻ അഹ്ലി, ദുബൈ പബ്ലിക് പ്രോസിക്യൂഷനിലെ ഇൻഫർമേഷൻ ടെക്നോളജി സീനിയർ ഡയറക്ടറും ആർട്ടിഫിഷ്യൽ ഇന്റലിജൻസ് സിഇഒയുമായ ഫാത്തിമ അഹമ്മദ് അലി ബിൻ ഹൈദർ, വാടക തർക്ക പരിഹാര കേന്ദ്രത്തിലെ സെൻട്രൽ സപ്പോർട്ട് ഡയറക്ടർ മുഹമ്മദ് ഹമദ് അൽ മുഹൈരി എന്നിവരാണ് ധാരണാപത്രത്തിൽ ഒപ്പുവെച്ചത്.

ഈ പുതിയ ഡിജിറ്റൽ പ്ലാറ്റ്‌ഫോം നടപടിക്രമങ്ങൾക്ക് വേഗത നൽകാനും, പേപ്പർ വർക്കുകൾ കുറയ്ക്കാനും, ബന്ധപ്പെട്ട എല്ലാ കക്ഷികൾക്കുമിടയിൽ സുഗമമായ ആശയവിനിമയം ഉറപ്പാക്കാനും ലക്ഷ്യമിടുന്നു. ദുബൈയുടെ "360 സേവനങ്ങൾ" എന്ന കാഴ്ചപ്പാടിന് അനുസൃതമാണിത്.

ഈ സഹകരണത്തിലൂടെ, നാല് സ്ഥാപനങ്ങളും അവരുടെ വൈദഗ്ദ്ധ്യം പരസ്പരം പങ്കുവെക്കുകയും സുതാര്യത, കാര്യക്ഷമത, ഉപയോക്തൃ സംതൃപ്തി എന്നിവ വർധിപ്പിക്കുന്ന സംയുക്ത ഡിജിറ്റൽ പരിഹാരങ്ങൾ വികസിപ്പിക്കുന്നത് തുടരുകയും ചെയ്യും. ഇത്, നൂതന ആശയങ്ങളിലൂടെയും മികച്ച ഭരണത്തിലൂടെയും ആഗോളതലത്തിൽ ദുബൈയുടെ പ്രശസ്തി വർധിപ്പിക്കുന്നു.

Dubai has introduced a unified digital system to streamline the handling of circulars and travel bans, enhancing coordination among key judicial and security agencies. The system aims to provide faster, more accurate, and paperless processing of cases, improving transparency, efficiency, and user satisfaction.