ഗാന്ധിനഗർ: ഗുജറാത്തിൽ നാളെ നടക്കുന്ന മന്ത്രിസഭാ പുനർസംഘടനക്ക് മുൻപായി മുഖ്യമന്ത്രി ഭൂപേന്ദ്ര പട്ടേൽ ഒഴികെയുള്ള 16 മന്ത്രിമാർ രാജി വെച്ചേക്കും. ഇന്ന് രാത്രി ഗവർണർ ആചാര്യ ദേവവ്രതിന് രാജിസമർപ്പണം നടത്തുമെന്ന് സൂചന. മുഖ്യമന്ത്രിയുടെ ഔദ്യോഗിക വസതിയിൽ ചേർന്ന യോഗത്തിലാണ് ഈ തീരുമാനം. യോഗത്തോടെ 16 മന്ത്രിമാരും മുഖ്യമന്ത്രിക്ക് രാജി സമർപ്പിച്ചതായി വാർത്താ ഏജൻസി പിടിഐ റിപ്പോർട്ട് ചെയ്യുന്നു. 

വെള്ളിയാഴ്ച രാവിലെ 11.30ന് ഗാന്ധിനഗറിലെ മഹാത്മാ മന്ദിറിൽ പുതിയ മന്ത്രിസഭ അംഗങ്ങൾ സത്യപ്രതിജ്ഞ ചെയ്യും. കേന്ദ്ര ആഭ്യന്തര മന്ത്രി അമിത് ഷായും ബിജെപി ദേശീയ അധ്യക്ഷൻ ജെ.പി. നദ്ദയും സന്നിഹിതരാകും. കാബിനറ്റ് പദവിയുള്ള എട്ട് പേർ ഉൾപ്പെടെ എല്ലാ മന്ത്രിമാരും രാജിവക്കും. പഞ്ചായത്ത് തിരഞ്ഞെടുപ്പുകൾക്കും 2027ലെ നിയമസഭാ തിരഞ്ഞെടുപ്പിനുള്ള തയ്യാറെടുപ്പിന്റെ ഭാഗമായാണ് മന്ത്രിസഭ പുനഃസംഘടന നടക്കുന്നത്.

ALSO READ: കൊച്ചി കോർപറേഷനിൽ കൈക്കൂലി വാങ്ങുന്നതിനിടെ ഉദ്യോഗസ്ഥർ വിജിലൻസ് പിടിയിൽ; അഭിഭാഷകന്റെ പരാതിയിൽ നടപടി

നിലവിലെ 16 അംഗ മന്ത്രിസഭയെ വികസിപ്പിച്ച് അം​ഗസംഘ്യ 26 ആക്കാനാണ് സാധ്യത. 182 അംഗ നിയമസഭയിൽ സഭയുടെ 15 ശതമാനം വരെ മന്ത്രിമാർ ആവാം. പരിചയസമ്പന്നരെയും യുവാക്കളെയും പുതിയ മുഖങ്ങളെയും മന്ത്രിസഭയിലേക്ക് കൊണ്ടുവരാനാണ് ഉദ്ദേശം.

ധർമേന്ദ്രസിൻഹ്, ഋഷികേശ് പട്ടേൽ, മുകേഷ് പട്ടേൽ, ഭൂപേന്ദ്രസിങ് ചുഡാസമ എന്നിവർ മന്ത്രിസ്ഥാനം തുടരാൻ സാധ്യതയുണ്ട്. ധനകാര്യ മന്ത്രി കനുഭായ് ദേശായി, കൃഷി മന്ത്രി രാഘവ്ജി പട്ടേൽ, ജലവിതരണ മന്ത്രി കൻവർജി ബവലിയ, ടൂറിസം മന്ത്രി മുരുഭായ് ബേര എന്നിവരെ മന്ത്രിസഭയിൽ നിന്ന് ഒഴിവാക്കാനാണ് സാധ്യത.

Gujarat Chief Minister Bhupendra Patel's cabinet ministers have reportedly resigned ahead of a major cabinet reshuffle scheduled for tomorrow. The development comes as part of a larger restructuring effort within the Gujarat government. Patel is expected to meet Governor Acharya Devvrat tonight to discuss the reshuffle