ലണ്ടൻ: ഇസ്‌റാഈലിന്റെ ക്രൂരനടപടിയിൽ ഗസ്സയിലെ പ്രതിസന്ധി കൂടുതൽ വഷളാകുമ്പോൾ നടപടിയെടുക്കണമെന്ന് ആവശ്യപ്പെട്ട് ബ്രിട്ടനിലെ നൂറുകണക്കിന് ബിസിനസ് നേതാക്കൾ. ബ്രിട്ടീഷ് രാജാവിന്റെ മുൻ ഉപദേഷ്ടാവും ജോനാഥൻ പോറിറ്റ് ഹോളോകോസ്റ്റ് അതിജീവിച്ചവരുടെ പിൻഗാമിയുമായ ഒരു സുസ്ഥിരതാ കൺസൾട്ടന്റ് ആദം ഗാർഫങ്കൽ ഉൾപ്പെടെയുള്ള ആളുകളാണ് ഗസ്സയ്ക്ക് വേണ്ടി അണിനിരന്നത്. ആയുധ വ്യാപാരം നിർത്തലാക്കാനും ഉപരോധം ഏർപ്പെടുത്താനും ആവശ്യപ്പെട്ട് പുറത്തിറക്കിയ പ്രസ്താവനയിൽ ഇതുവരെ 762 പ്രമുഖരാണ് ഒപ്പുവെച്ചത്.

ഇസ്‌റാഈലുമായി എല്ലാ ആയുധ വ്യാപാരവും നിർത്തലാക്കാനും അന്താരാഷ്ട്ര ക്രിമിനൽ കോടതി അറസ്റ്റ് ചെയ്യാൻ ആഗ്രഹിക്കുന്ന പ്രധാനമന്ത്രി ബെഞ്ചമിൻ നെതന്യാഹു ഉൾപ്പെടെയുള്ളവർക്ക് ഉപരോധം ഏർപ്പെടുത്താനും പ്രസ്താവന ആവശ്യപ്പെടുന്നു. ബ്രിട്ടൺ ഇസ്‌റാഈലി കമ്പനികൾക്ക് ധനസഹായം നൽകുന്നത് തടയാനും, ഐക്യരാഷ്ട്രസഭയുടെ തത്വങ്ങൾ നടപ്പിലാക്കാനും ബ്രിട്ടനോട് പ്രസ്താവന ആവശ്യപ്പെടുന്നു.

മുൻ രാജകീയ ഉപദേഷ്ടാവ് ജോനാഥൻ പോറിറ്റ് സിബിഇ, സുസ്ഥിരതാ കൺസൾട്ടന്റ് ആദം ഗാർഫങ്കൽ, ആഡംബര ഇന്റീരിയർ ഡിസൈൻ ബ്രാൻഡായ ഹൗസ് ഓഫ് ഹാക്ക്‌നിയുടെ സ്ഥാപക ഫ്രീഡ ഗോംലി, മുൻപ് യൂണിലിവറിനെ നയിച്ചിരുന്ന പ്രമുഖ മനുഷ്യസ്‌നേഹി പോൾ പോൾമാൻ, ജൈവ ഭക്ഷ്യ സംരംഭകയായ ഗീതി സിംഗ്-വാട്‌സൺ എംബിഇ, മെമ്പർ ഓഫ് ദി ബ്രിട്ടീഷ് എംപയർ (എംബിഇ) അവാർഡ് നേടിയ മറ്റ് പ്രൊഫഷണലുകൾ തുടങ്ങിയവർ ഒപ്പിട്ടവരിൽ ഉൾപ്പെടുന്നു. 

ALSO READ: ലോകത്തിലെ ഏറ്റവും സൗമ്യനായ ജഡ്ജി ഫ്രാങ്ക് കാപ്രിയോ അന്തരിച്ചു

നിർണായക സമയത്ത് സമൂഹത്തിൽ ബിസിനസുകളുടെ പങ്കിനെയാണ് ഹരജി പ്രതിഫലിപ്പിക്കുന്നതെന്ന് ചാൾസ് രാജാവിന്റെ പരിസ്ഥിതി വിഷയങ്ങളിലെ ഉപദേഷ്ടാവായിരുന്ന ജോനാഥൻ പോറിറ്റ് പറഞ്ഞു. ചാൾസ് രാജാവ് വെയിൽസ് രാജാവ് രാജകുമാരൻ എന്ന പദവി വഹിച്ചിരുന്ന കാലത്ത് 30 വർഷക്കാലം അദ്ദേഹത്തിന്റെ ഉപദേഷ്ടവായിരുന്നു ജോനാഥൻ പോറിറ്റ്.

ഗസ്സ മുനമ്പിലെ ഫലസ്തീനികൾ അവരുടെ ജീവിതത്തിലെ ഏറ്റവും ഇരുണ്ട ദിനങ്ങളെ നേരിടുന്ന സമയത്ത് ബ്രിട്ടീഷ് സർക്കാരിന് നൽകുന്ന ഹരജിയിൽ ഒപ്പിടുന്ന പ്രൊഫഷണലുകളുടെ എണ്ണം വർദ്ധിച്ചുകൊണ്ടിരിക്കുകയാണ്. ഉപരോധം കാരണം ആയിരക്കണക്കിന് ആളുകൾ പട്ടിണിയും ക്ഷാമവും അനുഭവിക്കുന്ന ഘട്ടത്തിലും യുദ്ധം തുടർന്ന് ഗസ്സ നഗരത്തിലേക്ക് ഭയാനകമായ അധിനിവേശം നടത്താനുള്ള ഒരുക്കത്തിലാണ് ഇസ്‌റാഈൽ.