ന്യൂഡല്‍ഹി: ഓപ്പറേഷന്‍ സിന്ദൂറുമായി ബന്ധപ്പെട്ട് സമൂഹമാധ്യമത്തില്‍ കുറിപ്പ് പങ്കുവച്ചതിന്റെ പേരില്‍ ഹരിയാനയിലെ അശോക സര്‍വകലാശാല പ്രൊഫസര്‍ അലി ഖാന്‍ മഹ്മൂദാബാദിനെതിരായ കേസിലെ വിചാരണ സ്റ്റേ ചെയത് സുപ്രിംകോടതി. മഹ്മൂദാബാദിനെതിരായ കേസില്‍ തുടര്‍നടപടികള്‍ പാടില്ലെന്നും കുറ്റപത്രം പരിഗണിക്കരുതെന്നും ജസ്റ്റിസുമാരായ സൂര്യകാന്ത്, ജോയ്മാല ബാഗ്ചി എന്നിവരടങ്ങിയ ബെഞ്ച് ഉത്തരവിട്ടു. അലി ഖാന്‍ മഹ്മൂദാബാദിനെതിരായ ഒരു എഫ്.ഐ.ആറില്‍ കേസ് അവസാനിപ്പിക്കുന്നതിനുള്ള ക്ലോഷര്‍ റിപ്പോര്‍ട്ട് സമര്‍പ്പിച്ചതായും മറ്റൊരു എഫ്.ഐ.ആറില്‍ കുറ്റപത്രം സമര്‍പ്പിച്ചതായും ഹരിയാന പൊലിസ് ഇന്നലെ കോടതിയെ അറിയിച്ചതിന് പിന്നാലെയാണ് ജസ്റ്റിസുമാകായ സൂര്യകാന്ത്, ജോയമല്യ ബാഗ്ചി എന്നിവരടങ്ങിയ ബെഞ്ചിന്റെ നടപടി.

കേസ് അവസാനിപ്പിക്കുന്നതായി റിപ്പോര്‍ട്ട് നല്‍കിയ എഫ്.ഐ.ആര്‍ സുപ്രിംകോടതി റദ്ദാക്കി. രണ്ടാമത്തെ എഫ്.ഐ.ആറില്‍ കുറ്റപത്രത്തിന്റെ അടിസ്ഥാനത്തില്‍ ഒരു കുറ്റവും ചുമത്തരുതെന്നും കുറ്റപത്രം പരിഗണിക്കരുതെന്നും കോടതി ഉത്തരവിട്ടു. ഒരു കേസ് അവസാനിപ്പിക്കുകയാണെങ്കിലും മറ്റൊരു കേസില്‍ തെളിവുണ്ടായതിനാലാണ് കുറ്റപത്രം സമര്‍പ്പിച്ചതെന്ന് അഡീഷനല്‍ സോളിസിറ്റര്‍ ജനറല്‍ എസ്.വി രാജു പറഞ്ഞു. പൊലിസ് നടപടി നിര്‍ഭാഗ്യകരമാണെന്നായിരുന്നു അലി ഖാന്റെ അഭിഭാഷകന്‍ കപില്‍ സിബലിന്റെ വാദം. നേരത്തെ രൂപീകരിച്ച പ്രത്യേക അന്വേഷണ സംഘം കോടതിയില്‍ അന്വേഷണ റിപ്പോര്‍ട്ട് സമര്‍പ്പിക്കേണ്ടതായിരുന്നുവെന്നും അദ്ദേഹം ചൂണ്ടിക്കാട്ടി.
യോഗേഷ് ജാതേരി എന്നയാളുടെ പരാതിയുടെ അടിസ്ഥാനത്തില്‍ ഭാരതീയ ന്യായ സംഹിതയുടെ സെക്ഷന്‍ 196 (വിദ്വേഷം വളര്‍ത്തല്‍), 197 (ദേശീയോദ്ഗ്രഥനത്തിന് വിരുദ്ധമായ ആരോപണങ്ങളും അവകാശവാദങ്ങളും ഉന്നയിക്കല്‍), 152 (രാജ്യത്തിന്റെ പരമാധികാരം, ഐക്യം, അഖണ്ഡത എന്നിവയെ അപകടപ്പെടുത്തല്‍), എന്നിവ പ്രകാരം കുറ്റങ്ങള്‍ ചുമത്തിയാണ് ആദ്യ കേസ് ഫയല്‍ ചെയ്തിരുന്നത്. ഹരിയാന വനിതാ കമ്മിഷന്‍ ചെയര്‍പേഴ്‌സണ്‍ രേണു ഭാട്ടിയയുടെ പരാതിയെ തുടര്‍ന്നായിരുന്നു രണ്ടാമത്തെ എഫ്.ഐ.ആര്‍. കേസില്‍ അലി ഖാനെ അറസ്റ്റ് ചെയ്യുകയും സുപ്രിംകോടതി ഇടക്കാല ജാമ്യം അനുവദിക്കുകയും ചെയ്തിരുന്നു. കേസ് അന്വേഷിക്കാന്‍ രൂപീകരിച്ച എസ്.ഐ.ടി അനാവശ്യമായി അന്വേഷണത്തിന്റെ വ്യാപ്തി വികസിപ്പിക്കുകയാണെന്ന് ജൂലൈയില്‍ നടന്ന അവസാന വാദം കേള്‍ക്കലില്‍ ബെഞ്ച് വിമര്‍ശിച്ചിരുന്നു.

ഓപ്പറേഷന്‍ സിന്ദൂറിന്റെ പശ്ചാത്തലത്തില്‍ സായുധ സേനയിലെ വനിതാ ഓഫിസര്‍മാരെ വലതുപക്ഷവാദികള്‍ പ്രശംസിക്കുകയും എന്നാല്‍ വിദ്വേഷ കുറ്റകൃത്യങ്ങളെയും വ്യവസ്ഥാപിതമായ അനീതികളെയും കുറിച്ച് മൗനം പാലിക്കുകയും ചെയ്യുന്നത് ചൂണ്ടിക്കാട്ടി 'കാപട്യം' എന്ന് കുറിപ്പില്‍ അലി ഖാന്‍ മഹ്മൂദാബാദ് വിശേഷിപ്പിച്ചിരുന്നു. ഇതാണ് സംഘ്പരിവാരിനെ ചൊടിപ്പിച്ചത്. 

എന്നാല്‍ തന്റെ അഭിപ്രായങ്ങള്‍ വളച്ചൊടിക്കുകയാണെന്നാണ് ആരോപണത്തോട് അലി ഖാന്‍ പ്രതികരിച്ചത്. എന്റെ മുഴുവന്‍ അഭിപ്രായങ്ങളും പൗരന്മാരുടെയും സൈനികരുടെയും ജീവന്‍ സംരക്ഷിക്കുന്നതിനെക്കുറിച്ചായിരുന്നുവെന്നും സ്ത്രീവിരുദ്ധമായി വ്യാഖ്യാനിക്കാന്‍ കഴിയുന്ന ഒന്നും എന്റെ അഭിപ്രായങ്ങളില്‍ ഇല്ലെന്നും അദ്ദേഹം പറഞ്ഞു. 

ALSO READ: 'അന്ന് എന്നും ഒരു നിശ്ചിതസമയത്ത് സുഹൃത്തിനെ വിളിക്കും, വിളി വൈകിയാല്‍ ഞാന്‍ അറസ്റ്റിലായെന്ന് കരുതണം..' ഫൈനല്‍ സൊലൂഷന്‍ ഡോക്യുമെന്ററിയെക്കുറിച്ച് രാകേഷ് ശര്‍മ്മ സംസാരിക്കുന്നു

The Haryana Police informed the Supreme Court today that it has filed closure report in one FIR against Professor Ali Khan Mahmudabad, who teaches political science at the Ashok University, and has filed chargesheet in another FIR against him over his social media posts on 'Operation Sindoor'.