പറ്റ്‌ന: റോഡ് അപകടത്തില്‍ മരിച്ച ഒമ്പതു പേരുടെ കുടുംബങ്ങളെ സന്ദര്‍ശിക്കാന്‍ എത്തിയ ബീഹാര്‍ ഗ്രാമവികസന മന്ത്രി ശ്രാവണ്‍ കുമാറിനെ പിന്തുടര്‍ന്ന് ആക്രമിക്കാന്‍ ശ്രമിച്ച് നാട്ടുകാര്‍. കഴിഞ്ഞയാഴ്ച റോഡ് അപകടത്തില്‍ മരിച്ചവരുടെ കുടുംബങ്ങളെ സന്ദര്‍ശിക്കാന്‍ എത്തിയപ്പോഴായിരുന്നു പ്രകോപിതരായ നാട്ടുകാര്‍ മന്ത്രിയെ പിന്തുടര്‍ന്ന് ആക്രമിക്കാന്‍ ശ്രമിച്ചത്.

ബീഹാറിലെ നളന്ദ ജില്ലയുടെ ഭാഗമായ ജോഗിപൂർ മലാവന്‍ ഗ്രാമത്തില്‍ വെച്ചാണ് മന്ത്രിക്കും എംഎല്‍എക്കും എട്ടിന്റെ പണി കിട്ടിയത്. കഴിഞ്ഞ ആഴ്ച സംഭവിച്ച അപകടത്തില്‍ ഗ്രാമത്തിലെ ഒമ്പത് പേര്‍ക്ക് ജീവന്‍ നഷ്ടമായിരുന്നു. മന്ത്രിയും എംഎല്‍എയും അടങ്ങുന്ന സംഘം ഗ്രാമത്തില്‍ എത്തിയതും വലിയൊരു ആള്‍ക്കൂട്ടം ഇവരെ പിന്തുടരുകയും ആക്രമിക്കാന്‍ ശ്രമിക്കുകയുമായിരുന്നു.

ALSO READ: ജമ്മു-കശ്മീരിൽ വീണ്ടും നുഴഞ്ഞുകയറ്റ ശ്രമം; രണ്ട് ഭീകരരെ സൈന്യം വധിച്ചു; വ്യാപക തെരച്ചിൽ 

ഇരകളുടെ കുടുംബത്തോട് മന്ത്രിയും എംഎല്‍എയും അടങ്ങുന്ന രാഷ്ട്രീയക്കാര്‍ യാതൊരു തരത്തിലുള്ള മാനുഷിക പരിഗണനയും കാണിച്ചില്ലെന്നും നഷ്ടപരിഹാരം  നല്‍കിയില്ലെന്നും നാട്ടുകാര്‍ ആരോപിച്ചു. മന്ത്രിയും എംഎല്‍എയും അപകടത്തില്‍പ്പെട്ടവരുടെ കുടുംബങ്ങളെ കാണാന്‍ എത്താന്‍ വൈകിയെന്ന് പറഞ്ഞായിരുന്നു നാട്ടുകാരുടെ ആക്രമണ ശ്രമമെന്ന് ഉദ്യോഗസ്ഥര്‍ വ്യക്തമാക്കി. രോഷാകുലരായ നാട്ടുകാരുടെ ആക്രമണത്തില്‍ നിന്നും മന്ത്രിയും എംഎല്‍യും അടങ്ങുന്ന സംഘം പരുക്കേല്‍ക്കാതെ ഓടിരക്ഷപ്പെട്ടു. എന്നാല്‍ മന്ത്രിയുടെ അംഗരക്ഷകന് പരുക്കേറ്റതായി വിവരമുണ്ട്. ഇയാള്‍ ചികിത്സയിലാണെന്നാണ് വിവരം. 

बिहार: नालंदा में मंत्री श्रवण कुमार पर ग्रामीणों ने हमला किया, सुरक्षाकर्मी घायल

◆ मंत्री जी को भीड़ ने दौड़ाया, धोती पकड़कर भागते दिखे श्रवण कुमार #Nalanda #NitishKumar #ShrawanKumar || Shrawan Kumar Bihar Minister pic.twitter.com/7fZgwpbbxe

— बाबा टुल्लू जी (@abhaysingh147) August 27, 2025

കാറുകളില്‍ കയറി രക്ഷപ്പെടാന്‍ ശ്രമിച്ച മന്ത്രിയേയും സംഘത്തേയും പ്രകോപിതരായ നാട്ടുകാര്‍ ഒരു കിലോമീറ്ററോളം പിന്തുര്‍ന്നിരുന്നു. സംഭവം പുറത്തുവന്നതിനു പിന്നാലെ നിതീഷ് സര്‍ക്കാറിനെതിരെ പല കോണുകളില്‍ നിന്നും വിമര്‍ശനം ശക്തമായി. തിരഞ്ഞെടുപ്പ് തന്ത്രജ്ഞനും ജന്‍ സൂരജ് പാര്‍ട്ടി നേതാവുമായ പ്രശാന്ത് കിശോര്‍ നിതീഷ് കുമാറിനെതിരെ രംഗത്തെത്തി. 

ALSO READ: 'അസമില്‍ ബംഗാളി മുസ്‌ലിംകളുടെ സ്ഥിതി അതിദയനീയം, നേരിടുന്നത്  കടുത്ത മനുഷ്യാവകാശ ലംഘനങ്ങള്‍' വസ്തുതാന്വേഷണ റിപ്പോര്‍ട്ട്; റിപ്പോര്‍ട്ടിന്റെ പ്രകാശനം തടസ്സപ്പെടുത്തി ഹിന്ദുസേന

'നിതീഷ് സര്‍ക്കാര്‍ പറ്റ്‌നയിലെ വിദ്യാര്‍ത്ഥികളെയും അംഗന്‍വാടി, ആശാ വര്‍ക്കര്‍മാരെയും മര്‍ദിച്ചു. ഇനിയുള്ളത് പൊതുജനങ്ങളുടെ ഊഴമാണ്. നിതീഷും സംഘവും വോട്ട് ചോദിക്കാന്‍ പോകുമ്പോള്‍ പൊതുജനം അവരെ അടിച്ചോടിക്കും,' പ്രശാന്ത് കിശോര്‍ പറഞ്ഞു.

Locals in a bihar village follow the minister and his team, attempting to attack them after the accident victims’ families claim they were ignored in the aftermath of the tragic crash.