തിരുവനന്തപുരം: ഈ വര്‍ഷത്തെ കലാനിധി രബീന്ദ്രനാഥ ടാഗോര്‍ സ്മൃതി മാധ്യമശ്രേഷ്ഠ പുരസ്‌കാരങ്ങള്‍ പ്രഖ്യാപിച്ചു. മികച്ച മുഖപ്രസംഗത്തിനുള്ള അവാര്‍ഡിന് സുപ്രഭാതം കണ്ണൂര്‍ ബ്യൂറോ ചീഫ് സുരേഷ് മമ്പള്ളി അര്‍ഹനായി. 2025 മാര്‍ച്ച് 27 ന് പ്രസിദ്ധീകരിച്ച 'നിറംകൊണ്ട് മുറിവേല്‍ക്കുന്നവര്‍' എന്ന മുഖപ്രസംഗത്തിനാണ് ബഹുമതി ലഭിച്ചത്.
മാതൃഭൂമി ന്യൂസ് ചീഫ് സബ് എഡിറ്റര്‍ മാതു സജി ആണ് മികച്ച വാര്‍ത്ത അവതാരക. സമഗ്രസംഭാവനയ്ക്കുള്ള പുരസ്‌കാരം ജയ്ഹിന്ദ് ടി.വി ന്യൂസ് ഹെഡ് സി.ആര്‍ മാത്യുവിനാണ്. മികച്ച ന്യൂസ് വീഡിയോയ്ക്കുള്ള പുരസ്‌കാരം റിപ്പോര്‍ട്ടര്‍ ടി.വി കോഴിക്കോട് യൂനിറ്റിലെ സീനിയര്‍ ക്യാമറമാന്‍ മിജീഷ് അമ്പാടിക്കും ലഭിച്ചു. ഹ്യൂമന്‍ ഇന്ററസ്റ്റ് വാര്‍ത്താ പുരസ്‌കാരത്തിന് ദീപിക കൊച്ചി ബ്യൂറോ ചീഫ് സിജോ പൈനാടത്ത്, ദീപിക തിരുവനന്തപുരം സീനിയര്‍ റിപ്പോര്‍ട്ടര്‍ എം.പ്രേംകുമാര്‍, കേരളകൗമുദി തിരുവനന്തപുരം കറസ്‌പോണ്ടന്റ് കാലടി ബാലചന്ദ്രന്‍, ജന്മഭൂമി റിപ്പോര്‍ട്ടര്‍ കെ.പി അനിജമോള്‍ എന്നിവര്‍ അര്‍ഹരായി. മികച്ചവാര്‍ത്താ ചിത്രത്തിനുള്ള പുരസ്‌കാരം ഇന്ത്യന്‍ എക്‌സ്പ്രസ് പ്രിന്‍സിപ്പല്‍ ന്യൂസ് ഫോട്ടോഗ്രാഫര്‍ വിന്‍സെന്റ് പുളിക്കലിനാണ്.
31ന് തിരുവനന്തപുരത്ത് നടക്കുന്ന ചടങ്ങില്‍ എഴുത്തുകാരി സാറാ ജോസഫ് അവാര്‍ഡും പ്രശംസാപത്രവും സമ്മാനിക്കും. മുന്‍ ഐ.ജി ബി.സന്ധ്യ മുഖ്യാതിഥിയാകുമെന്ന് കലാനിധി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. പരേതരായ മമ്പള്ളി കൃഷ്ണന്‍ദേവി ദമ്പതികളുടെ മകനാണ് സുരേഷ് മമ്പള്ളി. ഭാര്യ: സബിന (അധ്യാപിക). മക്കള്‍: ഋതുപര്‍ണ, ഋത്വിക (വിദ്യാര്‍ഥികള്‍).

ALSO READ: സാമ്പത്തികമായി പിന്തുണയ്ക്കാന്‍ അഭ്യര്‍ഥിച്ച് ദി വയര്‍; ഉപയോഗിച്ചത് സുപ്രഭാതം വാര്‍ത്തയുടെ കട്ടിങ്

Kalanithi Rabindranath Tagore Smriti Madhyama Shrestha Awards have been announced. Suprabhatham Kannur Bureau Chief Suresh Mampally won the award for best editorial.