ദുബൈ: മലബാര്‍ ഗോള്‍ഡ് & ഡയമണ്ട്‌സ് സ്വര്‍ണ വിലവര്‍ധനയില്‍ നിന്നും ഉപയോക്താക്കള്‍ക്ക് സംരക്ഷണം ഉറപ്പാക്കുന്ന ഗോള്‍ഡ് റേറ്റ് പ്രൊട്ടക്ഷന്‍ ഓഫര്‍ പ്രഖ്യാപിച്ചു. ഉപയോക്താക്കള്‍ക്ക് മൊത്തം തുകയുടെ 10% മുന്‍കൂറായി നല്‍കി സ്വര്‍ണ നിരക്ക് തടയാന്‍ ഇതിലൂടെ സാധിക്കും. സ്വര്‍ണ വിലയിലെ വ്യതിയാനം ബാധിക്കാതെ ഉപയോക്താക്കളുടെ പര്‍ച്ചേസ് കൂടുതല്‍ സൗകര്യപ്രദമാക്കാന്‍ ലക്ഷ്യമിട്ടാണ് 10% മുന്‍കൂറായി നല്‍കി നിരക്ക് ബ്ലോക്ക് ചെയ്യാന്‍ സാധിക്കുന്ന ഓഫര്‍ അവതരിപ്പിച്ചിട്ടുള്ളത്. വരാനിരിക്കുന്ന ഉല്‍സവ സീസണില്‍ ആഭരണങ്ങള്‍ വാങ്ങുന്ന ഉപയോക്താക്കളെ കണക്കിലെടുത്താണ് മലബാര്‍ ഗോള്‍ഡ് & ഡയമണ്ട്‌സ് ഈ സൗകര്യം ഒരുക്കിയിരിക്കുന്നത്. ഉപയോക്താക്കള്‍ക്ക് 2025 ഒക്ടോബര്‍ 19 വരെ 10% മുന്‍കൂറായി അടച്ച് സ്വര്‍ണ വില ബ്ലോക്ക് ചെയ്യാം. വാങ്ങുമ്പോള്‍ വില കൂടുകയാണെങ്കില്‍ ബുക് ചെയ്ത നിരക്കില്‍ തന്നെ സ്വര്‍ണം വാങ്ങാനും, വാങ്ങുന്ന സമയത്ത് വില കുറയുകയാണെങ്കില്‍ കുറഞ്ഞ നിരക്കില്‍ സ്വര്‍ണം വാങ്ങാനും ഇതിലൂടെ ഉപയോക്താവിനാകും.

അതായത്, 10000 ദിര്‍ഹം/റിയാല്‍/ദിനാര്‍ മൂല്യമുള്ള സ്വര്‍ണാഭരണങ്ങള്‍ വാങ്ങാന്‍ ഉദ്ദേശിക്കുന്ന ഉപയോക്താവിന് 1000 ദിര്‍ഹം/റിയാല്‍/ദിനാര്‍ നല്‍കി മുന്‍കൂര്‍ ബുക്കിംഗ് ലഭ്യമാക്കാനാകും. ഇതിലൂടെ വര്‍ധിച്ചു വരുന്ന സ്വര്‍ണ നിരക്കില്‍ നിന്ന് പരിരക്ഷ നേടാനാകും. ഉപയോക്താക്കള്‍ക്ക് 2025 സെപ്റ്റംബര്‍ 28നോ അതിനു മുന്‍പോ നടത്തിയ ആദ്യ അഡ്വാന്‍സ് ബുക്കിംഗുകള്‍ക്ക് കോംപ്ലിമെന്ററിയായി ഡയമണ്ട് വൗചറും ലഭിക്കും. എല്ലാ മലബാര്‍ ഗോള്‍ഡ് & ഡയമണ്ട്‌സ് ഷോറൂമുകളിലും ഓഫര്‍ ലഭ്യമായിരിക്കും. ഉപയോക്താക്കള്‍ക്ക് മലബാര്‍ ഗോള്‍ഡ് & ഡയമണ്ട്‌സ് ഔട്ട്‌ലെറ്റിലെത്തി നേരിട്ടോ, അല്ലെങ്കില്‍ മൊബൈല്‍ ആപ്പിലൂടെ ഓണ്‍ലൈനായോ അഡ്വാന്‍സ് അടയ്ക്കാം.

അനുദിനമുണ്ടാകുന്ന സ്വര്‍ണ വിലയിലെ വ്യതിയാനത്തില്‍ നിന്നും ഉപയോക്താക്കള്‍ക്ക് സംരക്ഷണവും ആത്മവിശ്വാസവും നല്‍കുക  എന്ന ലക്ഷ്യത്തോടെ അവതരിപ്പിച്ച ഗോള്‍ഡ് റേറ്റ് പ്രൊട്ടക്ഷന്‍ ഓഫര്‍ ഉപയോക്താക്കള്‍ ഏറ്റവും കൂടുതല്‍ ആവശ്യപ്പെടുന്ന പ്രമോഷനുകളില്‍ ഒന്നാണെന്ന് മലബാര്‍ ഗോള്‍ഡ് & ഡയമണ്ട്‌സ് ഇന്റര്‍നാഷനല്‍ ഓപറേഷന്‍സ് മാനേജിങ്ങ് ഡയരക്ടര്‍ ഷംലാല്‍ അഹമ്മദ് പറഞ്ഞു. പ്രത്യേകിച്ചും, ഉത്സവ സീസണ്‍ അടുക്കുകയും വിപണി നിരക്കുകളില്‍ ഏറ്റക്കുറച്ചിലുകള്‍ ഉണ്ടാകുകയും ചെയ്യുന്നതിനാല്‍, ഈ സൗകര്യം ഉപയോക്താക്കള്‍ക്ക് അവരുടെ ഇഷ്ട ആഭരണങ്ങള്‍ നിലവിലുള്ള വിലയ്ക്ക് കേവലം 10% തുക മുന്‍കൂറായി നല്‍കി ബുക് ചെയ്യാനാകും. ഇത് ഭാവിയിലെ നിരക്കിലെ മാറ്റങ്ങള്‍ അവരുടെ ഉത്സവ പര്‍ച്ചേസിനെ ബാധിക്കില്ലെന്ന് ഉറപ്പാക്കുന്നു അദ്ദേഹം വ്യക്തമാക്കി. തങ്ങളുടെ മൊബൈല്‍ ആപ്ലിക്കേഷന്‍ ഉപയോഗിച്ച് ഉപയോക്താക്കള്‍ക്ക് എളുപ്പത്തിലും, സുരക്ഷിതമായും ഈ സൗകര്യം ഉപയോഗപ്പെടുത്താനാകുമെന്നും അദ്ദേഹം കൂട്ടിച്ചേര്‍ത്തു.

10% അഡ്വാന്‍സ് ഓപ്ഷനു പുറമേ, ഉപയോക്താക്കള്‍ക്ക് യഥാക്രമം 90 ദിവസത്തേക്കും 180 ദിവസത്തേക്കും സ്വര്‍ണ നിരക്ക് പരിരക്ഷ ലഭിക്കുന്നതിലെ തുകയുടെ 50%, 100% അഡ്വാന്‍സായി അടച്ച് നിരക്ക് വര്‍ധനയില്‍ പരിരക്ഷ നേടാനുള്ള സൗകര്യവും ലഭ്യമാണ്. മലബാര്‍ ഗോള്‍ഡ് & ഡയമണ്ട്‌സിന്റെ എല്ലാ ഷോറൂമുകളിലും ഉപയോക്താക്കള്‍ക്ക് ഈ സൗകര്യം വര്‍ഷം മുഴുവനും ലഭ്യമാകും.

ALSO READ: സിറിയയിലും ആക്രമണം തുടര്‍ന്ന് ഇസ്‌റാഈല്‍, തള്ളിപ്പറയാതെ അഹ്മദ് അല്‍ ഷാറ; ഗസ്സ സിറ്റിയില്‍ പൂര്‍ണമായും തകര്‍ത്തത് 1000ത്തിലേറെ വന്‍ കെട്ടിടങ്ങള്‍

Malabar Gold & Diamonds has unveiled their much-awaited Gold rate protection offers, providing customers with the golden opportunity to block the prevailing gold rates by paying just 10% as an advance. The gold rate protection offer enables customers to purchase their favourite jewellery without having to worry about gold rate fluctuations and this much awaited facility has been unveiled by Malabar Gold & Diamonds taking into account the jewellery purchase its immense customer base is expected to indulge in during the upcoming festive season.