ചാലിയം: മുഴുവന്‍ കുട്ടികളെയും സന്നദ്ധ സേവന സംഘടനയായ ജെ.ആര്‍.സിയില്‍ അംഗങ്ങളാക്കിയ സംസ്ഥാനത്തെ രണ്ടാമത്തെ സര്‍ക്കാര്‍ വിദ്യാലയമായി ചാലിയം ഗവ. ഫിഷറീസ് എല്‍.പി സ്‌കൂളിനെ പ്രഖ്യാപിച്ചു.
സമ്പൂര്‍ണ ജെ.ആര്‍.സി പ്രഖ്യാപനവും അധ്യാപക ദിനാഘോഷവും വി.കെ.സി മമ്മദ് കോയ എം.എല്‍.എ ഉദ്ഘാടനം ചെയ്തു. കടലുണ്ടി പഞ്ചായത്തംഗം സി. ആയിശാബീവി അധ്യക്ഷയായി. കെ.കെ മുഹമ്മദ് മുഖ്യപ്രഭാഷണം നടത്തി.
പഞ്ചായത്തംഗം വി. ജമാല്‍, പൂര്‍വ അധ്യാപകരായ എ. അബ്ദുറഹ്മാന്‍, കെ. വാസുദേവന്‍, സി. അറുമുഖന്‍ എന്നിവരെ പൊന്നാടയും ജെ.ആര്‍.സി ജില്ലാ സെക്രട്ടറി കെ.കെ രാജേന്ദ്രന്‍ കുട്ടികളെ സ്‌കാര്‍ഫും അണിയിച്ചു.
അഡ്വ. നസീര്‍ ചാലിയം സമ്മാനാദാനം നടത്തി. കെ. മീര ക്ലാസെടുത്തു. സ്‌കൂള്‍ ലീഡര്‍ കെ.വി ഫാത്തിമ രഹന പ്രതിജ്ഞ ചൊല്ലിക്കൊടുത്തു.
 പഞ്ചായത്തംഗം വി. ഷാഹിന, വി.സി ആരിഫ്, പ്രധാനാധ്യാപകന്‍ ഇ. വിശ്വനാഥന്‍, സ്റ്റാഫ് സെക്രട്ടറി എ. അബ്ദുല്‍ റഹീം, എ. ഹസന്‍ സംസാരിച്ചു.