റായ്പൂർ: മുട്ടക്കറി ഉണ്ടാക്കിത്തരാൻ ഭാര്യ വിസമ്മതിച്ചതിന് ഭർത്താവ് ആത്മഹത്യ ചെയ്തു. ഛത്തീസ്ഗഢിലെ ധംതാരി ജില്ലയിൽ സിഹാവ പൊലിസ് സ്റ്റേഷൻ പരിധിയിലുള്ള ശങ്കര ഗ്രാമത്തിൽ തിങ്കളാഴ്ച വൈകുന്നേരമാണ് സംഭവം.

ടികു റാം സെൻ എന്ന 40കാരനാണ് ജീവനൊടുക്കിയത്.  സംഭവത്തിൽ പൊലിസ് പറയുന്നതിങ്ങനെ. തിങ്കളാഴ്ച വൈകുന്നേരം ഇയാൾ മുട്ടയും വാങ്ങി വീട്ടിലേക്ക് വന്ന് ഭാര്യയോട് മുട്ടക്കറി ഉണ്ടാക്കാൻ ആവശ്യപ്പെട്ടു. വീട്ടിൽ മുട്ട കൊണ്ടു വന്ന് ഭാര്യയോട് കറി പാചകം ചെയ്യാൻ ആവശ്യപ്പെട്ടു. എന്നാൽ, 'കരു ഭാത്' കഴിക്കുന്നതിനായി അടുത്ത ദിവസം ഉപവാസം അനുഷ്ഠിക്കാൻ പോവുകയാണെന്നും മുട്ടക്കറി ഉണ്ടാക്കാൻ പറ്റില്ലെന്നും ഭാര്യ വ്യക്തമാക്കി. 

ALSO READ: 'ബോംബ് കയ്യിലുണ്ട്, താമസിയാതെ പൊട്ടിക്കും' പ്രതിപക്ഷ നേതാവിന്റെ താക്കീത് വെറും അവകാശവാദമല്ലെന്ന് കോണ്‍ഗ്രസ്
ഛത്തീസ്ഗഢിലെ വിവാഹിതരായ സ്ത്രീകൾ ആചരിക്കുന്ന തീജ് ഉത്സവത്തിന്റെ തലേദിവസം കരുഭാത്( പാവയ്ക്ക ഉപയോഗിച്ചുകൊണ്ടുകൊണ്ടുള്ള ഒരു വിഭവം) കഴിക്കും. ഭർത്താക്കൻമാരുടെ ദീർഘായുസിനും സമൃദ്ധിക്കും വേണ്ടി അടുത്ത ദിവസം നിർജ്ജല ഉപവാസം അനുഷ്ഠിക്കുന്നതിന് മുമ്പ് കഴിക്കുന്ന ഭക്ഷണമാണിത്.

ഭാര്യയുടെ ഈ മറുപടിയിൽ അസ്വസ്ഥത തോന്നിയ ടിക്കു റാം സെൻ വീട്ടിൽ നിന്നും ഇറങ്ങിപോയി. പിന്നീട് തൂങ്ങി മരിച്ച നിലയിൽ കണ്ടെത്തുകയായിരുന്നു. മൃതദേഹം പോസ്റ്റ്മോർട്ടത്തിന് അയച്ചിട്ടുണ്ട്. അന്വേഷണം ആരംഭിച്ചിട്ടുണ്ട്.

a man in chhattisgarh's dhamtari district died by suicide after his wife declined to cook egg curry due to religious fasting before teej festival.