പയ്യന്നൂർ: വീട്ടിലെ പ്ലാവിൽ ചക്ക തൂങ്ങി കിടക്കുന്നത് കണ്ടാൽ വല്ലാത്ത ഒരു വേവലാതിയാണ്. ഇനി പഴുത്ത ചക്കയും ആണേൽ പറയുകയേ വേണ്ട. താഴെ വീണ് പൊട്ടി ചിതറി പോകുമോ എന്ന ആശങ്ക ഒരു തലയ്ക്ക്, കാക്കയും മറ്റുള്ള അണ്ണാനോ ഒക്കെ കൊത്തുമോ എന്ന ആശങ്ക വേറൊരു തലയ്ക്ക്. ഒടുവിൽ എല്ലാ ഭാരവും ഇറക്കി വെച്ച് വീട്ടുപറമ്പിലുള്ള ചക്ക താഴെയിടാൻ തീരുമാനിച്ചു. പക്ഷേ ചക്ക കഴിക്കാൻ കാത്തിരുന്ന വീട്ടുകാർക്ക് വിധി സമ്മാനിച്ചത് മറ്റൊന്നായിരുന്നു. പറിക്കുന്നതിനിടെ മരത്തിൽ നിന്ന് ചക്ക സമീപത്തെ കിണറ്റിൽ വീണു. 

അങ്ങനെ കിണറ്റിൽ വീണ ചക്ക എടുക്കാൻ തീരുമാനിച്ചു. എന്നാൽ ചക്ക എടുക്കുന്നതിനിടെ ഇറങ്ങിയ യുവാവ് കിണറ്റിൽ കുടുങ്ങി. യുവാവിനെ രക്ഷപ്പെടുത്താൻ അഗ്നിരക്ഷാസേന വരേണ്ടി വന്നു. പയ്യന്നൂർ കോറോം കൂർക്കരയിൽ താമസിക്കുന്ന വിദ്യാർഥിയായ നവനീത് ആണ് യാതൊരു സുരക്ഷാ സംവിധാനങ്ങളും ഇല്ലാതെ കിണറ്റിൽ ഇറങ്ങിയതിനെ തുടർന്ന് കുടുങ്ങിയത്.

ALSO READ: മികച്ച സാങ്കേതിക വിദ്യകളും സർവീസും: ആളുകളുടെ ഇഷ്ട സ്കൂട്ടറായി മാറി ടിവിഎസ് ജുപ്പിറ്റർ; ജൂലൈയിൽ വിറ്റഴിച്ചത് 1.24 ലക്ഷം യൂണിറ്റുകൾ

തിരിച്ചു കയറാൻ കഴിയാതെ നവനീത് കിണറ്റിൽ അകപ്പെട്ട വിവരം അമ്മ, പയ്യന്നൂരിൽ ഉണ്ടായിരുന്ന മുത്തച്ഛനെ അറിയിച്ചു. മുത്തച്ഛൻ നേരിട്ടെത്തി പയ്യന്നൂർ ഫയർ സ്റ്റേഷനിൽ വിവരം അറിയിക്കുകയായിരുന്നു. തുടർന്ന്, സ്റ്റേഷൻ ഓഫീസർ സി.പി. രാജേഷിന്റെ നേതൃത്വത്തിൽ സീനിയർ ഫയർ ഓഫീസർ പി. വിജയൻ, ഫയർ ആൻഡ് റെസ്ക്യൂ ഓഫീസർമാരായ പി. സത്യൻ, പി.പി. ലിജു, ജിഷ്ണുദേവ്, അഖിൽ, ഹോം ഗാർഡുകളായ വി.വി. പത്മനാഭൻ, ടി.കെ. സനീഷ് എന്നിവർ ചേർന്ന് റെസ്ക്യൂ നെറ്റിന്റെ സഹായത്തോടെ യുവാവിനെ കരയ്ക്കെത്തിച്ചു.

ALSO READ: പുതിയ കാർ നിങ്ങളുടെതാണ്: നിർബന്ധമായും കാർ വാങ്ങുന്നവർ ശ്രദ്ധിക്കുക; PDI ചെയ്യാതെ ഡെലിവറി എടുക്കരുത്

A young man, Navaneeth, got trapped in a well at his home in Payyannur while trying to retrieve a fallen jackfruit without any safety measures. His mother informed his grandfather, who alerted the Payyannur Fire Station. A team led by Station Officer C.P. Rajesh, including Senior Fire Officer P. Vijay, Fire and Rescue Officers P. Satyan, P.P. Liju, Jishnudev, Akhil, and Home Guards V.V. Padmanabhan and T.K. Saneesh, rescued him using a net.