കോഴിക്കോട്: എലത്തൂര്‍ സ്വദേശി വിജിലിന്റെ മൃതദേഹം കണ്ടെത്താനുള്ള ഇന്നത്തെ തിരച്ചില്‍ അവസാനിപ്പിച്ചു. സരോവരം പാര്‍ക്കിനോട് ചേര്‍ന്നുള്ള ചതുപ്പ് നിലത്ത് കനത്ത മഴയില്‍ വെള്ളം നിറഞ്ഞതോടെ തിരച്ചില്‍ ദുഷ്‌കരമായി തീര്‍ന്നു. മണ്ണുമാന്തി യന്ത്രങ്ങള്‍ ചതുപ്പില്‍ ഇറക്കാന്‍ സാധിച്ചില്ല. തിരച്ചില്‍ നാളെ വീണ്ടും തുടരും. 

വിജിലിന്റെ ബൈക്ക് നേരത്തെ കണ്ടെത്തിയിരുന്നു. സംഭവം നടന്ന് ആറര വര്‍ഷങ്ങള്‍ക്ക് ശേഷമാണ് വിജിലിന്റെ തിരോധാനത്തില്‍ വഴിത്തിരിവുണ്ടായത്. മൃതദേഹം പുറത്തെടുത്ത് ഡിഎന്‍എ ടെസ്റ്റ് നടത്താനാണ് അന്വേഷണ സംഘത്തിന്റെ തീരുമാനം. തിരച്ചിലിനായി പ്രത്യേക പരിശീലനം ലഭിച്ച കെഡാവര്‍ നായകളെയും എത്തിച്ചിരുന്നു. 

ALSO READ: വീണ്ടും മണ്ണിടിച്ചില്‍; താമരശ്ശേരി ചുരം വഴിയുള്ള ഗതാഗതം പൂര്‍ണമായും നിരോധിച്ചു 

2019ലാണ് എലത്തൂര്‍ സ്വദേശിയായ വിജിലിനെ കാണാതായത്. പൊലിസ് കേസെടുത്ത് അന്വേഷണം നടത്തിയെങ്കിലും യുവാവിനെ കണ്ടെത്താനായിരുന്നില്ല. സംഭവം നടന്ന് ആറ് വര്‍ഷങ്ങള്‍ക്ക് ശേഷമാണ് കേസില്‍ നിര്‍ണായക വെളിപ്പെടുത്തല്‍ ഉണ്ടാകുന്നത്. 

ലഹരി ഉപയോഗിക്കുന്നതിനിടെ വിജില്‍ മരിച്ചെന്നും, മൃതദേഹം സരോവരം ഭാഗത്ത് കുഴിച്ച് മൂടിയെന്നും സുഹൃത്തുക്കള്‍ മൊഴി നല്‍കി. തുടര്‍ന്ന് നിജില്‍, ദീപേഷ് എന്നിവരെ എലത്തൂര്‍ പൊലിസ് കസ്റ്റഡിയിലെടുക്കുകയും ചെയ്തു. വിജിലിനെ കൊന്നതല്ലെന്നാണ് സുഹൃത്തുക്കളുടെ മൊഴി. കേസുമായി ബന്ധപ്പെട്ട് ഒരാള്‍ കൂടി പിടിയിലാകാനുണ്ടെന്നും പൊലിസ് അറിയിച്ചു.

search for Elathur native Vigil was halted today due to heavy rain and waterlogging near Sarovaram Park.