മുംബൈ: മഹാരാഷ്ട്രയിലെ നവിമുംബൈയിൽ അവിഹിതബന്ധം സംശയിച്ച് യുവാവ് ഭാര്യയെ തീകൊളുത്തി കൊലപ്പെടുത്തി. സംഭവം ആത്മഹത്യയാണെന്ന് വരുത്തിത്തീർക്കാൻ ശ്രമിച്ചെങ്കിലും, ദമ്പതികളുടെ മകളുടെ മൊഴി കേസിൽ നിർണായകമായി.

35 കാരനായ രാജ്കുമാർ രാംശിരോമണി സാഹു തന്റെ ഭാര്യ ജാഗ്രണിയെ (32) കൊലപ്പെടുത്തുകയായിരുന്നു. ഓഗസ്റ്റ് 25-ന് പുലർച്ചെ ഉരണിലെ പഗോതെഗാവിൽ വെച്ചാണ് സംഭവം നടന്നത്. ജാഗ്രണിയുടെ കൈകാലുകൾ കെട്ടിയ ശേഷം, രാജ്കുമാർ അവരുടെ ദേഹത്ത് മണ്ണെണ്ണ ഒഴിച്ച് തീകൊളുത്തി. തുടർന്ന്, ആശുപത്രിയിലേക്ക് കൊണ്ടുപോകുന്നതിനിടെ ജാഗ്രണി മരണപ്പെട്ടു.

ALSO READ: ബിജെപി നേതാവ് സി കൃഷ്ണകുമാറിനെതിരായ പീഡനപരാതി: പൊലിസ് കൃത്യമായ അന്വേഷണം നടത്തിയില്ല, പരാതിയിൽ ഉറച്ചുനിൽക്കുന്നുവെന്ന് യുവതി

ഭാര്യ മുറിയിൽ കയറി വാതിൽ അടച്ച് സ്വയം തീകൊളുത്തിയെന്നാണ് രാജ്കുമാർ ആദ്യം പൊലിസിനോട് പറഞ്ഞത്. ഇതിന്റെ അടിസ്ഥാനത്തിൽ പൊലിസ് ആത്മഹത്യയായി കേസ് രജിസ്റ്റർ ചെയ്തു. 

എന്നാൽ, പോസ്റ്റ്മോർട്ടം റിപ്പോർട്ടും, ദമ്പതികളുടെ ഏഴുവയസ്സുള്ള മകളുടെ മൊഴിയും കേസിൽ നിർണായക തെളിവുകളായി. അച്ഛൻ അമ്മയെ തീകൊളുത്തിയെന്ന് മകൾ പൊലിസിനോട് വെളിപ്പെടുത്തി. ഇതിന്റെ അടിസ്ഥാനത്തിൽ, ഓഗസ്റ്റ് 26-ന് രാജ്കുമാറിനെ പൊലിസ് അറസ്റ്റ് ചെയ്യുകയായിരുന്നു. 

A man in Navi Mumbai, Maharashtra, allegedly killed his wife by setting her on fire due to suspicions of an extramarital affair. The police initially suspected it was a case of suicide, but the couple's daughter's statement revealed the truth, leading to the husband's arrest. The incident highlights the severity of domestic violence and the importance of thorough investigations in such cases [1].