ദുബൈ: ദുബൈയിലെ ജനസംഖ്യ 40 ലക്ഷം എന്ന മാന്ത്രിക സംഖ്യയില്‍ എത്തിയതായി ദുബൈ ഡാറ്റാ ആന്റ് സ്റ്റാറ്റിസ്റ്റിക്‌സ് എസ്റ്റാബ്ലിഷ്‌മെന്റ്. ദുബൈ ഡാറ്റാ ആന്റ് സ്റ്റാറ്റിസ്റ്റിക്‌സ് എസ്റ്റാബ്ലിഷ്‌മെന്റിന്റെ കണക്കുകള്‍ പ്രകാരം ഇന്നാണ് ദുബൈയിലെ ജനസംഖ്യ 40 ലക്ഷത്തില്‍ എത്തിയത്. കഴിഞ്ഞ പതിനാല് വര്‍ഷത്തിനുള്ളിലാണ് ദുബൈയിലെ താമസക്കാരുടെ എണ്ണം ഇരട്ടിയായത്. 2011-ല്‍ ദുബൈയിലെ ആകെ ജനസംഖ്യ ഇരുപത് ലക്ഷമായിരുന്നു. 

ALSO READ: വമ്പന്‍ ഓഫറുമായി എയര്‍ അറേബ്യ; 255 ദിര്‍ഹത്തിന് കേരളത്തിലേക്ക് പറക്കാം; ഓഫര്‍ പരിമിത സമയത്തേക്ക് മാത്രം 

2030 ആകുമ്പോഴേക്കും ദുബൈയിലെ ജനസംഖ്യ 50 ലക്ഷം ആകുമെന്നാണ് കണക്കുകൂട്ടുന്നത്. ദുബൈയിലെ നികുതി രഹിത അന്തരീക്ഷം, അടിസ്ഥാന സൗകര്യങ്ങള്‍, ബിസിനസ് സൗഹൃദ നയങ്ങള്‍ എന്നിവയാല്‍ ആകര്‍ഷിക്കപ്പെട്ട് നിരവധി പ്രവാസികളും ആഗോള നിക്ഷേപകരും പ്രതിഭകളുമാണ് നഗരത്തിലേക്ക് ഒഴുകിയെത്തുന്നത്. ഇവരുടെ നിരന്തരമായ ഒഴുക്കാണ് നഗരത്തിന്റെ ദ്രുതഗതിയിലുള്ള വികാസത്തിന് കാരണം. 

ഡൗണ്ടൗണ്‍ ദുബൈ, പാം ജുമൈറ, ദുബൈ മറീന തുടങ്ങിയ പ്രദേശങ്ങള്‍ സമീപ വര്‍ഷങ്ങളില്‍ വലിയ തോതിലുള്ള വളര്‍ച്ച കൈവരിച്ചിരുന്നു. ദുബൈ മെട്രോ, ബസുകള്‍, ട്രാമുകള്‍, ടാക്‌സികള്‍ എന്നീ ഗതാഗത മാര്‍ഗങ്ങളിലൂടെ വര്‍ഷം തോറും ദശലക്ഷക്കിനാളുകള്‍ സഞ്ചരിക്കുന്നത് നഗരത്തിലെ പൊതുഗതാഗത സംവിധാനത്തിന്റെ മികവ് എടുത്തുകാണിക്കുന്നു.

ALSO READ: യുഎഇയിൽ ഇന്ന് ഇമാറാത്തി വനിതാ ദിനം; വനിതകൾക്ക് ആശംസകൾ നേർന്ന് ഷെയ്ഖ് മുഹമ്മദ് ബിൻ റാഷിദ് അൽ മക്തൂം 

കഴിഞ്ഞ ഒരു ദശാബ്ദത്തിലേറെയായി ലോകത്തിലെ ഏറ്റവും തിരക്കേറിയ വിമാനത്താവളമാണ് നഗരത്തിലെ പ്രധാനപ്പെട്ട വിമാനത്താവളമായ ദുബൈ അന്താരാഷ്ട്ര വിമാനത്താവളം. ലോകത്തിലെ ഏറ്റവും സുരക്ഷിതവും ആധുനികവുമായ നഗരങ്ങളിലൊന്നായി ദുബൈയെ അടുത്തിടെ നടന്ന ടൈം ഔട്ട് ഗ്ലോബല്‍ സര്‍വേയുടെ അടിസ്ഥാനത്തില്‍ കണ്ടെത്തിയിരുന്നു. 2040 ആകുമ്പോഴേക്കും ദുബൈയില്‍ സിഡ്‌നിയേക്കാള്‍ വലിയ ജനസംഖ്യ ഉണ്ടാകുമെന്നാണ് പ്രവചിക്കപ്പെടുന്നത്. അതിവേഗം വളര്‍ന്നുകൊണ്ടിരിക്കുന്ന ദുബൈയില്‍ അപ്പോഴേക്കും 7.8 ദശലക്ഷം താമസക്കാര്‍ ഉണ്ടാകുമെന്നാണ് വിലയിരുത്തുന്നത്.

Dubai's population has reached a new milestone of 4 million residents, reflecting the city's rapid growth and development. Discover the factors contributing to this population surge in one of the world's most dynamic cities.