വീട്ടമ്മമാരുടെ ദിവസേനയുള്ള ആശങ്കയാണ് രാവിലെ പ്രാതലിന് എന്താ ഉണ്ടാക്കുക എന്നത്. എന്നാല്‍ വളരെ എളുപ്പത്തില്‍ വീട്ടില്‍ തന്നെയുള്ള പൊടികളുപയോഗിച്ച് നമുക്ക് ഉണ്ടാക്കാവുന്ന പലഹാരമാണ് തേങ്ങാപത്തല്‍. ഈ പത്തിരി അടിപൊളിയാണ്. മിക്‌സിയിലടിക്കുകയോ ഒന്നും വേണ്ട. എല്ലാവര്‍ക്കും ഇഷ്ടവുമായിരിക്കും.

ചേരുവ

പുഴുങ്ങലരിപൊടി - ഒരു കപ്പ്
പച്ചരിപൊടി - ഒരു കപ്പ്
മൈദ- രണ്ട് ടേബിള്‍ സ്പൂണ്‍
തേങ്ങ - ഒരു കപ്പ്
കോഴിമുട്ട - ഒന്ന്

ഉണ്ടാക്കുന്നവിധം

പുഴുങ്ങലരിയും പച്ചരിയും മിക്‌സ് ചെയ്ത് എടുക്കുക. ഇതിലേക്ക് കുറച്ച് ഗോതമ്പ് പൊടിയോ അല്ലെങ്കില്‍ മൈദ പൊടിയോ ചേര്‍ക്കുക. ഒന്നര കപ്പ് തേങ്ങയും രണ്ട് സ്പൂണ്‍ വെളിച്ചെണ്ണയും ഒരു കോഴിമുട്ടയും ചേര്‍ത്ത് നന്നായ് മിക്‌സ് ചെയ്യുക. ശേഷം കുറച്ച് വെള്ളവും ചേര്‍ത്ത് നന്നായി മിക്‌സ് ചെയ്‌തെടുക്കുക. കുറച്ച് കട്ടിയുള്ള മാവ്പരുവത്തില്‍ ആക്കുക.

ALSO READ: തേങ്ങാപാലും തേങ്ങ ചിരകിയതും തേങ്ങാ വെള്ളവും ദീര്‍ഘകാലം എങ്ങനെ സൂക്ഷിച്ചുവയ്ക്കാം...? പ്രത്യേകിച്ച് വിദേശത്തുള്ളവര്‍ക്ക്

ഉപ്പിടാന്‍ മറക്കരുത്. ഇനി പത്തിരിക്കല്ലോ ദോശക്കല്ലോ വച്ച് അതില്‍ കുറച്ചു നെയ് പുരട്ടി ഈ മാവ് ഒഴിച്ചു കൊടുക്കുക. പരത്തുകയൊന്നും വേണ്ട. വെന്തു വരുമ്പോള്‍ കുറച്ചു വെളിച്ചെണ്ണ മേലെ തൂവിക്കൊടുക്കാം. ഇനി തിരിച്ചിട്ടും വേവിക്കുക. ഇത് കറിയില്ലാതെയും തേങ്ങാപാലൊഴിച്ചും കറിയുമൊക്കെ ഒഴിച്ചും കഴിക്കാവുന്നതാണ്. 

One of the daily dilemmas of homemakers is deciding what to cook for breakfast. Here’s a simple yet delightful solution — Coconut Pathal (Thenga Pathiri), a soft, flavorful flatbread that requires no mixer or grinding. Made with basic ingredients easily available at home, this dish is perfect for those busy mornings. It's not just quick — it's a guaranteed hit with everyone in the family.