ദുബൈ: സെപ്റ്റംബർ 9 ചൊവ്വാഴ്ച കാലിഫോർണിയയിലെ കുപെർട്ടിനോയിലുള്ള ആപ്പിൾ പാർക്കിൽ നടക്കാനിരിക്കുന്ന ആപ്പിളിന്റെ “Awe Dropping” പരിപാടി അതിന്റെ ഹാർഡ്‌വെയർ രം​ഗത്തെ വിശാലമായ പരിവർത്തനത്തിന് തുടക്കം കുറിക്കുമെന്നാണ് വിശ്വസിക്കപ്പെടുന്നത്. പരിപാടിയിൽ വെച്ചാകും ആപ്പിൾ 17 സിരീസ് ഐഫോൺ പുറത്തിറക്കുക. കാലിഫോർണിയയിൽ പരിപാടി ആരംഭിക്കുമ്പോൾ യുഎഇയിൽ സമയം രാത്രി ഒമ്പത് മണിയായിരിക്കും.

ALSO READ: ഐഫോൺ 17 സീരീസ് അടുത്ത മാസം വിപണിയില്‍: പുറത്തിറങ്ങുന്നത് നാല് മോഡലുകളില്‍; വിലയും ഫീച്ചറുകളുമാറിയാം | iPhone 17 launch 

പരിപാടി തത്സമയം എവിടെ കാണാം?

ഒന്നിലധികം ലൈവ് സ്ട്രീം പ്ലാറ്റ്‌ഫോമുകളിൽ പരിപാടി കാണാനാകും.

• ആപ്പിളിന്റെ ഔദ്യോഗിക വെബ്സൈറ്റ് (apple.com)
• ആപ്പിളിന്റെ യൂട്യൂബ് ചാനൽ
• iPhone, iPad, Mac, Apple TV ഉപകരണങ്ങളിലെ Apple TV ആപ്പ്

ഉപഭോക്താക്കൾ പ്രതീക്ഷിക്കുന്നത്?

ഐഫോൺ 17 സീരീസിൽ നാല് മോഡലുകൾ ഉണ്ടായിരിക്കും. ഐഫോൺ 17, ഐഫോൺ 17 പ്രോ, ഐഫോൺ 17 പ്രോ മാക്‌സ്, പുതിയതായി അവതരിപ്പിക്കുന്ന ഐഫോൺ 17 എയർ. "പ്ലസ്" മോഡൽ ഇത്തവണ ഒഴിവാക്കുമെന്നാണ് സൂചന.

പുതിയ ഡിസൈൻ അപ്‌ഡേറ്റുകളിൽ, 48MP മെയിൻ ക്യാമറ, മെച്ചപ്പെട്ട അൾട്രാ-വൈഡ്, ടെലിഫോട്ടോ ലെൻസുകൾ, 7x ഒപ്റ്റിക്കൽ സൂമും 100x ഡിജിറ്റൽ സൂമും വരെ ലഭ്യമാകുന്ന ഫോട്ടോഗ്രാഫി ഫീച്ചറുകൾ എന്നിവ ഉൾപ്പെടുന്നു. ഐഫോൺ 17 എയറിന് ഏകദേശം 5.5mm കനം മാത്രമുള്ള അൾട്രാ-നേർത്ത ബോഡി ഉണ്ടായിരിക്കും. ഉയർന്ന മോഡലുകളിൽ A19 പ്രോ ചിപ്പും 12GB റാമും ഉണ്ടാകുമെന്നും പ്രതീക്ഷിക്കുന്നു.

ALSO READ: 500 ദിർഹം നൽകിയാൽ ബുക്കിങ്; ഐ ഫോൺ 17 സ്വന്തമാക്കാൻ യുഎഇയിൽ വൻതിരക്ക്

വില

ആപ്പിൾ ഔദ്യോഗിക വിലകൾ വെളിപ്പെടുത്തിയിട്ടില്ലെങ്കിലും, മെച്ചപ്പെട്ട ഫീച്ചറുകൾ കണക്കിലെടുക്കുമ്പോൾ ഐഫോൺ 17 പ്രോ മാക്‌സിന്റെ വില $1,199-$1,249 ആയിരിക്കുമെന്നാണ് ഊഹം. ചില റിപ്പോർട്ടുകൾ വില വർധന സൂചിപ്പിക്കുന്നു.

• ഐഫോൺ 17: $799-ൽ ആരംഭിക്കുമെന്ന് പ്രതീക്ഷിക്കുന്നു.
• ഐഫോൺ 17 എയർ: $949.
• ഐഫോൺ 17 പ്രോ: $1,049.

ടൈറ്റാനിയത്തിന് പകരം അലൂമിനിയം ഫ്രെയിമുകൾ ഉപയോഗിക്കുന്നത് ഭാരവും വിലയും കുറയ്ക്കാൻ സഹായിച്ചേക്കാം, എന്നാൽ പ്രോ മാക്‌സ് മോഡൽ തന്നെയാകും ഏറ്റവും ചെലവേറിയത്.

ഐഫോണുകൾക്ക് പുറമേ, ആപ്പിൾ വെയറബിൾ, ഓഡിയോ ലൈനപ്പ് എന്നിവയുടെ പുതുക്കിയ പതിപ്പും പരിപാടിയിൽ വെച്ച് പുറത്തിറക്കുമെന്നാണ് സൂചന. രക്തസമ്മർദ്ദ പ്രവണത കണ്ടെത്താനടക്കം കഴിവുള്ള ആപ്പിൾ വാച്ചിന്റെ 11-ാം സിരീസും പരിപാടിയിൽ വെച്ച് അവതരിപ്പിച്ചേക്കാം. 

Apple is set to unveil the highly anticipated iPhone 17, and fans in the UAE can tune in to watch the live announcement. Here's how you can stream the event and catch all the details of Apple's latest innovation.