പോർച്ചുഗീസ് ഇതിഹാസം ക്രിസ്റ്റ്യാനോ റൊണാൾഡോയെയും ഇന്ത്യൻ സ്റ്റാർ ബാറ്റർ വിരാട് കോഹ്‌ലിയെയും കുറിച്ച സംസാരിച്ചിരിക്കുകയാണ് ഇന്ത്യൻ ഫുട്ബോൾ ഇതിഹാസം സുനിൽ ഛേത്രി. ഇരുവരുടെയും സമാനമായ സവിഷേതകളെക്കുറിച്ചാണ് ഛേത്രി സംസാരിച്ചത്. റൊണാൾഡോയും കോഹ്‌ലിയും തങ്ങളുടെ കരിയറിൽ നേടിയ നേട്ടങ്ങളിൽ തൃപ്തരല്ലെന്നാണ് ഛേത്രി പറഞ്ഞത്. 

''എനിക്ക് റൊണാൾഡോയെ വ്യക്തിപരമായി അറിയില്ല. എന്നാൽ ഞാൻ അദ്ദേഹത്തെ നിരീക്ഷിക്കുകയും പഠിക്കുകയും ചെയ്തിട്ടുണ്ട്. വിരാടിനെ എനിക്കറിയാം. ഇരുവരിലും പൊതുവായുള്ള ഒരു കാര്യം എന്താണെന്നാൽ അവർ ഇതുവരെ നേടിയ കാര്യങ്ങളിൽ അവർ തൃപ്തരല്ല എന്നതാണ്. ഞാൻ സ്വന്തമായ രീതിയിൽ ഈ മനോഭാവം സ്വീകരിക്കാൻ ശ്രമിച്ചിട്ടുണ്ട്. നിങ്ങൾ മുൻ കാലങ്ങളിൽ നേടിയ നേട്ടങ്ങളിൽ അത് നല്ലതായാലും മോശമായാലും അതിൽ മാത്രം ശ്രദ്ധ കേന്ദ്രീകരിക്കാൻ തുടങ്ങിയാൽ നിങ്ങൾക്ക് പോവേണ്ട പാതയിൽ എത്താൻ സാധിക്കില്ല'' സുനിൽ ഛേത്രി പറഞ്ഞു. 

ഇന്ത്യൻ ഫുട്ബോളിൽ വലിയ സ്വാധീനം ചെലുത്തിയ താരമാണ്‌ സുനിൽ ഛേത്രി. 2005ൽ പാകിസ്താനെതിരെയുള്ള മത്സരത്തിൽ ആയിരുന്നു ഛേത്രി ഇന്ത്യക്കായി അരങ്ങേറ്റം കുറിച്ചത്. തന്നെ അരങ്ങേറ്റ മത്സരത്തിൽ തന്നെ ഗോൾ നേടാൻ ഛേത്രിക്ക്‌ സാധിച്ചിരുന്നു.  പിന്നീടങ്ങോട്ട് ഇന്ത്യൻ ടീമിനൊപ്പം ഒരു ഐതിഹാസികമായ ഫുട്ബോൾ യാത്രക്കാണ് ഛേത്രി നടത്തിയത്.

ഇന്ത്യയുടെ എക്കാലത്തെയും മികച്ച ഗോൾ വേട്ടക്കാരനാണ് ഛേത്രി. ഇന്ത്യയ്ക്കായി 151 മത്സരങ്ങളിൽ നിന്നും 94 ഗോളുകളാണ് ചേത്രി അടിച്ചു കൂട്ടിയിട്ടുള്ളത്. ഇന്ത്യയ്ക്കുവേണ്ടി ഏറ്റവും കൂടുതൽ മത്സരങ്ങൾ കളിച്ച താരവും ഇന്ത്യയ്ക്കുവേണ്ടി ഏറ്റവും കൂടുതൽ ഗോളുകൾ നേടിയ താരവും ഛേത്രി തന്നെയാണ്. അന്താരാഷ്ട്ര ഫുട്ബോളിൽ ഏറ്റവും കൂടുതൽ ഗോൾ നേടിയ  താരങ്ങളുടെ പട്ടികയിൽ നാലാം സ്ഥാനത്താണ് സുനിൽ ഛേത്രിയുള്ളത്. ക്രിസ്റ്റ്യാനോ റൊണാൾഡോ, ലയണൽ മെസി, അലി ദായി എന്നിവരാണ് ആദ്യ മൂന്ന് സ്ഥാനങ്ങളിൽ ഉള്ളത്. 

Indian football legend Sunil Chhetri has spoken about Portuguese legend Cristiano Ronaldo and Indian star batsman Virat Kohli. Chhetri talked about the similarities between the two.