ബീഹാർ: 2025 ഹോക്കി ഏഷ്യ കപ്പ് ചാമ്പ്യന്മാരായി ഇന്ത്യ. ബീഹാറിലെ രാജഗിറിൽ നടന്ന ഫൈനൽ പോരാട്ടത്തിൽ നിലവിലെ ചാമ്പ്യന്മാരായ സൗത്ത് കൊറിയയെ 4-1ന് തകർത്താണ് ഇന്ത്യ ചാമ്പ്യന്മാരായത്. ഇന്ത്യയുടെ നാലാം ഹോക്കി ഏഷ്യ കപ്പ് കിരീടമാണിത്. ഈ കിരീടത്തോടൊപ്പം അടുത്ത വർഷം നടക്കുന്ന എഫ്ഐഎച്ച് ലോകകപ്പിൽ ഇന്ത്യക്ക് യോഗ്യത ലഭിക്കുകയും ചെയ്തു. 

കലാശപ്പോരാട്ടത്തിൽ ഇന്ത്യക്കായി ദിൽപ്രീത് സിങ് ഇരട്ട ഗോൾ നേടി തിളങ്ങി. മത്സരത്തിന്റെ തുടക്കത്തിൽ തന്നെ ഇന്ത്യ ലീഡ് നേടി. സുഗീത് സിങ്ങിലൂടെയാണ് ഇന്ത്യ ആദ്യ ഗോൾ നേടിയത്. പിന്നീട് 28ാം മിനിറ്റിൽ ദിൽപ്രീത് സിങ്ങിലൂടെ ഇന്ത്യ രണ്ടാം ഗോളും നേടി. 45ാം മിനിറ്റിൽ ദിൽപ്രീത് ഇന്ത്യയുടെ മൂന്നാം ഗോളും നേടി. 50ാം മിനിറ്റിൽ അമിത് ലോഹിദാസ് ഇന്ത്യക്കായി നാലാം ഗോളും സ്വന്തമാക്കി. സൺ ഡയനാണ് സൗത്ത് കൊറിയക്കായി ആശ്വാസ ഗോൾ നേടിയത്.

India became the champions of the 2025 Hockey Asia Cup. India defeated defending champions South Korea 4-1 in the final match held in Rajagir, Bihar.