റിയാദ്: ഉറങ്ങിക്കൊണ്ടിരുന്ന ഭർത്താവിനെ ആസിഡ് ഒഴിച്ച് കൊലപ്പെടുത്തിയ സ്വദേശി യുവതിയെ വധശിക്ഷയ്ക്ക് വിധേയയാക്കിയതായി സഊദി ആഭ്യന്തര മന്ത്രാലയം അറിയിച്ചു. മക്കയുടെ പടിഞ്ഞാറൻ മേഖലയിൽ വെച്ചാണ് യുവതിയുടെ വധശിക്ഷ നടപ്പാക്കിയതെന്നാണ് സൂചന.

ALSO READ: മൂന്നര ലക്ഷത്തോളം വിദ്യാർത്ഥികളുടെ ഫിറ്റ്നസ്, വാക്സിനേഷൻ പരിശോധനകൾ പൂർത്തിയാക്കി സഊദി ആരോഗ്യ മന്ത്രാലയം 

ഉറങ്ങിക്കൊണ്ടിരിക്കുകയായിരുന്ന ഭർത്താവിന്റെ ശരീര ഭാഗങ്ങളിൽ മാരകമായ ആസിഡ് ഒഴിച്ച് കൊലപ്പെടുത്തിയെന്ന കുറ്റമാണ് യുവതിക്ക് മേൽ ചുമത്തിയിരുന്നതെന്ന് മന്ത്രാലയം വ്യക്തമാക്കി. യുവതിയുടെ അതിക്രൂരമായ ആക്രമണത്തിൽ ഭർത്താവ് കൊല്ലപ്പെട്ടിരുന്നു.

കേസ് അന്വേഷിച്ച പൊലിസ സംഘം പ്രതിക്കെതിരെ ​ഗൂഢാലോചന കുറ്റവും കൊലപാതക കുറ്റവും ചുമത്തി കോടതിയിലേക്ക് റഫർ ചെയ്തു.  യുവതി കുറ്റം ചെയ്തതായി കണ്ടെത്തിയ കോടതി വിചാരണയ്ക്ക് ശേഷം പ്രതിക്ക് വധശിക്ഷ വിധിക്കുകയായിരുന്നു. എല്ലാ ജുഡീഷ്യൽ ഘട്ടങ്ങളിലും ഈ വിധി ശരിവയ്ക്കപ്പെട്ടതായി മന്ത്രാലയം അറിയിച്ചു.

ALSO READ: സഊദിയിൽ വ്യാഴാഴ്ച വരെ ശക്തമായ മഴയ്ക്കും, കാറ്റിനും സാധ്യത; താഴ്‌വരകളിലേക്കും തടാകങ്ങളിലേക്കുമുള്ള യാത്രകൾ ഒഴിവാക്കാൻ നിർദേശം

ഹീനമായ കുറ്റകൃത്യം

"ഒരു നിരപരാധിയുടെ ജീവൻ അന്യായമായി എടുക്കുന്ന ഹീനമായ പ്രവൃത്തി"യാണ് കുറ്റകൃത്യമെന്ന് മന്ത്രാലയം വിലയിരുത്തി. സമൂഹത്തിന്റെ പ്രതിരോധം എന്ന നിലയിൽ വധശിക്ഷ നടപ്പാക്കിയതായും പ്രസ്താവനയിൽ പറയുന്നു. ഇതോടെ 2025-ൽ സഊദി അറേബ്യയിൽ നടപ്പാക്കിയ മൊത്തം വധശിക്ഷകളുടെ എണ്ണം 248 ആയി ഉയർന്നു. ഇതിൽ നാല് സ്ത്രീകളും ഉൾപ്പെടുന്നു.

saudi arabia has executed a woman convicted of throwing acid on her husband, resulting in his death. the case highlights the kingdom’s strict stance on violent crimes and its commitment to justice under the law.