ദുബൈ: ദുബൈ സാമ്പത്തിക, വിനോദ സഞ്ചാര വകുപ്പുമായി (ഡി.ഇ.ടി) സഹകരിച്ച്, ലൈസന്‍സിംഗും നിയന്ത്രണ നടപടിക്രമങ്ങളും നവീകരിക്കുകയെന്ന ലക്ഷ്യത്തോടെ എമിറേറ്റിലെ ടൂറിസ്റ്റ് ഗതാഗതത്തെ നിയന്ത്രിക്കുന്ന പുതിയ  സംവിധാനം ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ) പുറപ്പെടുവിച്ചു. ടൂറിസ്റ്റ് ഗതാഗത പ്രവര്‍ത്തനങ്ങള്‍ക്കായി സമഗ്രമായ ഒരു ചട്ടക്കൂട് പുതിയ നിയന്ത്രണം അവതരിപ്പിക്കുന്നു.

ഇതനുസരിച്ച്, വിനോദ സഞ്ചാര ഗതാഗത കമ്പനികള്‍ക്കുള്ള പെര്‍മിറ്റുകള്‍ ഇഷ്യൂ ചെയ്യാനും പുതുക്കാനും ടൂറിസ്റ്റ് വാഹനങ്ങളുടെ രജിസ്‌ട്രേഷനും പുതുക്കലിനും ഡ്രൈവര്‍മാര്‍ക്കുള്ള പ്രൊഫഷണല്‍ ലൈസന്‍സുകള്‍ക്കും ആര്‍.ടി.എ മേല്‍നോട്ടം വഹിക്കും.
എല്ലാ അപേക്ഷകളും ആര്‍.ടി.എ അംഗീകൃത സേവന ചാനലുകളിലൂടെയും കേന്ദ്രങ്ങളിലൂടെയും പ്രോസസ് ചെയ്യുന്നതാണ്. ഇത് റെഗുലേറ്ററി, സൂപര്‍വൈസറി മാനദണ്ഡങ്ങള്‍ പൂര്‍ണമായി പാലിക്കുന്നുണ്ടെന്ന് ഉറപ്പാക്കും.

 

 

 

 

 

View this post on Instagram

 

 

 

 

 

 

 

 

 

 

 

A post shared by هيئة الطرق والمواصلات، دبي (@rta_dubai)

വിനോദ സഞ്ചാരികള്‍ക്ക് സേവന നിലവാരം, സുരക്ഷ, സുഖ സൗകര്യങ്ങള്‍ എന്നിവ വര്‍ധിപ്പിക്കാനും, മികച്ച ആഗോള രീതികളുമായി മേഖലയെ യോജിപ്പിക്കാനുമാണ് നിയന്ത്രണം ആസൂത്രണം ചെയ്തിരിക്കുന്നത്. ലൈസന്‍സിംഗ് നടപടിക്രമങ്ങള്‍ ക്രമപ്പെടുത്തുന്നതിലൂടെ, പ്രമുഖ ടൂറിസം കേന്ദ്രമെന്ന നിലയില്‍ എമിറേറ്റിന്റെ പ്രശസ്തി ശക്തിപ്പെടുത്താനും, സന്ദര്‍ശകര്‍ക്ക് മേത്തരം യാത്രാനുഭവം പ്രദാനം ചെയ്യാനും ദുബൈ ലക്ഷ്യമിടുന്നു.
ടൂറിസ്റ്റ് ഗതാഗത മേഖലയെ സാമ്പത്തിക വളര്‍ച്ചയ്ക്ക് സുപ്രധാന സംഭാവന നല്‍കാനായി വികസിപ്പിക്കാനും, കമ്പനികളും സ്ഥാപനങ്ങളും കാര്യക്ഷമമായി പ്രവര്‍ത്തിക്കുന്നുണ്ടെന്ന് ഉറപ്പാക്കാനും, വിനോദ സഞ്ചാരികള്‍ക്ക് തടസ്സമില്ലാത്ത അനുഭവം നല്‍കുന്നതിനുമുള്ള എമിറേറ്റിന്റെ പ്രതിബദ്ധതയാണ് ഈ സംരംഭം പ്രതിഫലിപ്പിക്കുന്നതെന്ന് ആര്‍.ടി.എ അധികൃതര്‍ അഭിപ്രായപ്പെട്ടു.

ALSO READ: നാട്ടിലേക്ക് പണം അയക്കും മുമ്പ് മൂല്യമറിയണം; ഇന്ത്യന്‍ രൂപയും മറ്റ് കറന്‍സികളും തമ്മിലെ ഇന്നത്തെ വിനിമയ നിരക്ക് | Indian Rupee Value Today

The Dubai Roads and Transport Authority (RTA) will now oversee the licensing and regulation of all tourist transport operations in the emirate under a new Executive Regulation. The authority will issue and renew permits for tourist transport establishments, register and renew tourist vehicles, and grant professional licences for drivers, ensuring full compliance with regulatory requirements through approved service channels and centres.